Vagalatia 4:28 - KITABU KITAKATIFU

²⁸ Kalunu munyi avaamitu vange, muveeye avana va Nyasaye kuli mativuli gi lisuuvirizwa lilie, kuli Isaka yaali.

Vagalatia 4:28 ပူးပေါင်းရင်းမြစ်များ

Litanga 15:4

Maku Yahova yavolera Aburamu, “Mutugwa Elieza uyu si alavugula miandu jijo mba, navuzwa mwana woovo mwene niyie ulivugula miandu jijo.”

Vikolwa 3:25

“Lisuuvirizwa lia Nyasaye kuvitira mu avaporofeti veve, gaveeye kigira munyi; na munyi musangaa mu lilagana lia Nyasaye yalomba na avaguuga vinyu. Kuli yavolera Aburahamu, ‘Kuvitira mu visukululwi vivio ndakagasizi avandu vosi ku lirova.’

Varumi 9:7

Anoho si viveeye visukululwi via Aburahamu viosi iviveeye vana vi ligali va Nyasaye mba. Nyasaye yavolera Aburahamu. “Kuvitira mu Isaka, ivi ulava ni visukululwi va ndaakusuuviriza.”

Vagalatia 3:29

Niiva muveeye ava Kristo, ahene yaho muveeye visukululwi via Aburahamu kandi munyi mulanyola miandu ja Nyasaye yasuuviriza.

Vagalatia 4:23

Mwana weve wu mukali mutugwa yiivulwa kolondekana ku liiva liu muviri, navuzwa mwana wu mukali muvoholore yiivulwa kolondekana ku lisuuvirizwa lia Nyasaye.

Vagalatia 6:18

Zimbavasi ziu Mwami wiitu Yeso Kristo zive harara ni munyi mwosi, avaamitu vange. Amini.