Vagalatia 4:18 - KITABU KITAKATIFU

¹⁸ Mu agiligali voveeye vulahi madiku goosi kuva nu vugulu niiva kivuni chavwo keveeye kilahi. Yaga gaveeye agiligali kazozo kandi sigaveeye lwa inzi mbeeye ni munyi lweng'ine mba.

Vagalatia 4:18 ပူးပေါင်းရင်းမြစ်များ

Zaburi 119:139

Uvutima vwange vusamba kuli muliru, kigira avasigu vange si vahuliraa amalago googo mba.

Zaburi 69:9

Uvuha vwange vwu kuyaanza Litembeli liilio vwaduuka mu mwoyo gwange kuli umuliru; amanyego ga yavo avanyegaa ivi, gamali kuduuka kali ku inzi.

Isaya 59:17

Aliviika likalaga lirungi kuli likoti lie salamba, na zinguru ziovohonyi kuli igudwa. Aliiviika umwene uvugulu vonene kulungikiza ivindu kandi ukuhaana mageri nukuvaanza kisaalia cha vandu vasalira.

Yohana 2:17

Aviigi veve vizuliza ndi Amang'oda Matakatifu gavoora, “ Uvuyanzi vwange vwu kudidikanira inyumba yooyo, O, Nyasaye, vusamba mu inzi kuli muliru.”

1 Vakorintho 15:58

Kunangwa, avaamitu vange, vayaanze, musingiri vudinyu. Kindu kitamusuunda mba. Mwihaane aveene kazozo mu likora miyinzi ju Mwami nu vugulu, kigira munyi mumanya ndi miyinzi jamukolaa mu vutumikiri vwu Mwami sijiveeye ja vuzwa mba.

Vagalatia 4:13

Mumanyi ndi uvulwaye vwange nivwo vwahaana vwiyangu ku inzi kumwilwazira Ivangeri lwu kutanga.

Vagalatia 4:17

Avandu vandi yavo vaveeye nu vugulu kung'usa munyi, navuzwa zing'anagani ziavo siziveeye zindahi mba. Venya kumwavukanyia ninzi, kunangwa munyi muduuki kuva nu vugulu vwi livenya kuli navo vaveeye navwo mu munyi.

Vagalatia 4:20

Liegomba liange liveeye ndi, ndava nimunyi kalunu, ngano ndakaveeye ni zing'anagani lugano kumunyi, mbeeye ni lihenda mwoyo linene kigira munyi.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 2:12

Kunangwa, avalina vange vayanze, kuli mwahulira kutura ku inzi lwa ndaali nimunyi kazozo, kuduuka muhuliri kandi kalunu lwambeeye ihale kutura ku munyi. Muzizagiliri kuyinzira nu vuti kandi ni lidegera kunangwa muduukizi ovohonyi vwinyu,

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Likunula 3:19

Mundu wa inzi nyanza, mugondokeraa nu kumuha amageri. Ove nu vugulu nu kwiganira utuli muvwoni vuvwo.