Vagalatia 4:15 - KITABU KITAKATIFU

¹⁵ Mwali nu vusangali vonene! Ni ki chamanya nikigwa? Inzi mwene mboraa agiligali ku munyi. Galava gakanyaliki, ngano mwatuliza zimoni zienyu kuhaana ku inzi.

Vagalatia 4:15 ပူးပေါင်းရင်းမြစ်များ

Luka 8:13

Uvuguza vwagwa ku marova guuku lwanda ni yavo avavuguraa likuva nuvuyanzi. Navuzwa sivaveeye nimiri mba; vasuuvira vuzwa ku ing'inga ngekeeke, navuzwa lwi ing'inga ya magerizu iduuka, vaatura ku lisuuvira.

Varumi 10:2

Nyara kukusuuviriza ndi vaveeye nu vuha vonene vwu kwenya kutumikira Nyasaye; navuzwa uvuha yivwo sivwayumbakwa ku limanya liagiligali mba.

Varumi 15:13

Nyasaye oveeye uvutangiliru vwi lisuuvirizwa amukole mwizuli uvuyanzi vwosi ni mirembe kuvitira mu lisuuvira lienyu muye, kunangwa lisuuvirizwa zana liduuki kuzizagilira kuviruka mu zinguru zia Roho Mutakatifu.

Varumi 5:2

Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

Varumi 9:3

ndakayanzi Nyasaye yanaame kandi yanzavukanye kutura ku Kristo kigira avamwavo vange kandi aviiko vange.

2 Vakorintho 8:3

Nyara kumusuuviriza ndi, yava vaahana kuli vinyaliza, kali kuvita kegero chavaali vanyara kuhaana ku vulaliri vwavwo veene.

Vagalatia 3:14

Kristo yakola likuva yili kunangwa, uvugasu vwa Nyasaye yasuuviriza Aburahamu vuduuki kohevwa vandu vizihiiri kuvitira mu Kristo Yeso. Kunangwa kuvitira mu lisuuvira kunyi kuduuki konyoora Roho wa Nyasaye yakusuuviriza.

Vagalatia 4:14

Navuzwa kali niiva uvulwaye vwu muviri gwange vwakola munyi kuva nu vudinyu vonene, simwachaya inzi, kandi simwasuula mba; navuzwa mwanyingiriza kuli mwakakoli ku engelosi wa Nyasaye, kandi mwanyingiriza kuli mwakakoli ku Kristo Yeso mwene.

Vagalatia 4:16

Kunangwa, mali kugwa musigu winyu mu limuvoolera agiligali?

Vagalatia 4:19

Avana vange, avayaanze! Kuli mukali oveeye ni inda ahuliraa uvuzunu vwi inumwa, nindio inzi mbulira uvuzunu kigira munyi kuduuka lwa muva kuli Kristo mwene.

Vagalatia 5:22

Navuzwa likuyu lia Roho liveeye uvuyanzi uvusangari; mirembe, uvwikuziri, zimbavasi, uvulungi, ovohooma, uvusuuvirifu,

Vagalatia 6:4

Navuzwa vuli mundu gamudukira agerizi miyinzi jije mwene, ahene yaho alava ni liekonya mwene, vugira kwifananyia ku wundi.

Vakolosai 4:13

Inzi mboraa nu vuluviliri ndi ayinziraa vudinyu kigira munyi kandi kigira yavo avaveeye mu Laodikia kandi avaveeye mu Hierapoli.

1 Vatesalonike 2:8

Kigira vuyanzi vwitu vonene ku munyi, kwaali avetegeku kusanga ni munyi; sigaveeye mu Ivangeri ya Nyasaye yenyine, navuzwa kali ni livamwoyo lietu, kigira mwamala kuva avayaanze viitu ligali.

1 Vatesalonike 5:13

Mu vavugiliri ligali mu vuyanzi kigira miyinzi jaavo ja vakora. Mumenye ni mirembe hagati hinyu munyi aveene naveene.