Vagalatia 3:8 - KITABU KITAKATIFU

⁸ Mang'oda Matakatifu gamanyia mulitanga ndi Nyasaye alavugilira vandu vizihiiri kuva avalungi kuvitira mu lisuuvira. Kunangwa Mang'oda Matakatifu gaalandiza makuva malahi ku Aburahamu ndi: “Kuvitira mu ivi, Nyasaye alakagasizi avandu vovo.”

Vagalatia 3:8 ပူးပေါင်းရင်းမြစ်များ

Litanga 12:3

Ndagasiza yavo avagasizaa ivi, Navuzwa ndalaama yavo avalaamaa ivi. Kandi kuvitira mu ivi, ndagasiza zihiiri ziosi.”

Litanga 18:18

Visukululwi vivie vilakave ihiiri enene kandi yi zinguru. Kuvitira muye, inzi ndakagasizi zihiiri ziosi.

Litanga 22:18

Zihiiri ziosi zilakandeve nizigasiza kuli ndagasiza visukululwi vivio - Yaga goosi galakekoleke kigira ivi watia lilago liange.”

Litanga 26:4

Ndakuha visukululwi vinyingi kuli zing'ereng'ani ziu mwigulu, kandi ndakavahe kivala yiki choosi. Zihiiri ziosi zilakateeve inzi kuzigasiza kuli mali kugasiza visukululwi vivio.

Litanga 28:14

Visukululwi vivio vilakave vinyingi kuli luguchi loveeye ku lirova. Valalanda kutura Ivugwi kuduuka Imadioli, kandi kutura Ivaale kuduuka Isavaalu. Kuvitira mu ivi ni visukululwi vivio, ndakagasizi zihiiri ziosi.

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 72:7

Leka uvulungi vomeedeke mu ing'inga yi livamwoyo lilie kandi uvugasu vuhindiri lwu mweli gwakaa mihiga ni mihiga.

Isaya 6:13

Kali niiva mundu mulala ku likomi atigala mu kivala yiki, oyo kandi aladivizwa; alava kuli kitinya chu musaala gwa mwaloni ugwatemwa.” Kitinya yicho keveeye kuli litanga lihia lia vandu va Nyasaye mu kivala.

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Jeremia 4:2

gakaveeye amalungi munyi kwisuha, kulieta liange. Maku izihiiri ziosi zilandeva kuzigasiza, nazilanzizominya.”

Yohana 19:37

Mang'oda Matakatifu gandi gavoora, “Avandu valahenza ku uyu wa vaatumita ni litimu.”

Yohana 7:38

Kuli Mang'oda Matakatifu gavoora, ‘Ku vosi usuviraa inzi, migera jaamazi gahaanaa livamwoyo, tulasinuka muye kutura mu mwoyo mwimwe!’ ”

Yohana 7:42

Amang'oda Matakatifu gavoora ndi? Sigavoola, Mesia alatula mukisukululwi cha Daudi, na alivulwa mu Bezelehemu, lidaala lia Daudi!”

Vikolwa 2:35

kuduuka lwa nguuta avasigu vovo vave hasi ha malago googo.’

Varumi 9:17

Mang'oda Matakatifu gavoolera Mwami wa Egebeti ndi, “Inzi Nyasaye ndaakotovola ove mwami wa Egebeti kunangwa uduuki kukutumikira kololekiza zinguru ziange mu ivi, kandi lieta linage liduuki kulandizwa mu lirova liosi.”

Varumi 9:30

Kunangwa kovoole ki? Vandu vi zihiiri avaavura kwenyeleriza uvulungi vwa Nyasaye, vumali konyooleka kuvitira mu lisuuvira;

Vagalatia 3:16

Kunangwa Nyasaye yalomba lisuuvirizwa lilie ku Aburahamu kandi ku kisukururwi chiche. Mang'oda Matakatifu sigavoola, “Ni visukululwi vivie mba.” Agaveeye kovora avandu vanyingi, navuzwa “Ni kisukururwi chiche,” agaveeye kovora mundu mulala naye ni Kristo.

Vagalatia 3:22

Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vagalatia 4:30

Navuzwa Mang'oda Matakatifu gavoora ki? Gavoora, “Kunga mukali mutugwa harara nu mwana weve kigira mwana wu mukali mutugwa si alanyoola ku miandu ja baba weve harara nu mwana wu mukali muvoholore mba.”

Vahebraina 4:2

Kunyi kwamala kuhulira amakuva malahi gi Ivangeri kuli navo vilwazirwa, vahulira likuva zana, navuzwa siliavakoonya mba, kigira lwa valihulira, sivalivugula ni lisuuvira mba.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”