Vagalatia 3:28 - KITABU KITAKATIFU

²⁸ Kulwayago, sihaveeyeho kandi ni liavukana hagati ha Avayuda na vandu vizihiiri, mutugwa nu muvoholore anoho musaza nu mukali kandi mba. Vosi muveeye kindu kilala mu lihambanywa na Kristo Yeso.

Vagalatia 3:28 ပူးပေါင်းရင်းမြစ်များ

Joeli 2:29

Ku ing'inga yeyo ndavika Roho wange kali ku avatugwa, vasaza na vakali harara.

Yohana 10:16

Mbeeye kandi na amagondi gandi amanyingi agataveeye gu mu kego yiki. Kuduuka ngaleete kandi. Nago kandi galahulira mwoyo gwange, na galava chayo kilala nu mwayi mulala.

Yohana 11:52

na sikoveeye ku yavo venyine, navuzwa kandi aduuki kuleeta harara avana va Nyasaye avasalana.

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 8:1

Kalunu siahaveeye ni likalagirwa ku yavo avaveeyeho mu Kristo Yeso,

Varumi 9:24

Kunyi koveeye vandu vayalanga, sigaveeye kutura hagati ha Vayuda venyine, navuzwa kandi kutura mu vandu vi zihiiri.

1 Vakorintho 7:14

Musaza utasuviraa agirung'anywaa na Nyasaye kuvitira mu mukali weve; kandi umukali utasuviraa agirung'anywaa kuvitira mu musaza weve. Kigira yaga avana vaavo sivakaveeye avatakase imbiri wa Nyasaye mba. Navuzwa kuli gaveeye kalunu, yavo vaveeye vatakatifu imbiri wa Nyasaye.

1 Vakorintho 7:19

Kigira likevwa anoho livula kokevwa siviveeye kindu mba; ekeveeye kenene ni kugumira no kolonda amalago ga Nyasaye.

Vagalatia 3:14

Kristo yakola likuva yili kunangwa, uvugasu vwa Nyasaye yasuuviriza Aburahamu vuduuki kohevwa vandu vizihiiri kuvitira mu Kristo Yeso. Kunangwa kuvitira mu lisuuvira kunyi kuduuki konyoora Roho wa Nyasaye yakusuuviriza.

Vagalatia 3:26

Munyi vosi muveeye avana va Nyasaye kuvitira mu lisuuvira mu lihambanywa na Kristo Yeso.

Vagalatia 4:14

Navuzwa kali niiva uvulwaye vwu muviri gwange vwakola munyi kuva nu vudinyu vonene, simwachaya inzi, kandi simwasuula mba; navuzwa mwanyingiriza kuli mwakakoli ku engelosi wa Nyasaye, kandi mwanyingiriza kuli mwakakoli ku Kristo Yeso mwene.

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

Vafeso 1:1

Inzi Paolo, uwagwa mutumwa wa Kristo Yeso ku vulaliri vwa Nyasaye, Ng'odera munyi Avakristayo avaveeye Efeso, avaveeye avasuuvirifu mu Kristo Yeso.

Vafeso 4:4

Haveeye nu muviri mulala, kandi Roho mulala, kuli haveeye kandi ni lisuuvirizwa lilala lia Nyasaye yamulangira.

Vafilipi 1:1

Inzi Paolo na Timateo, avatumikiri va Kristo Yeso, Kong'oderaa munyi Avakristayo vosi mu Filipi avahambanywa na Kristo Yeso, avahenzi na aviimiliri va amakanisa harara na avakonyeleri vaavo.

Vakolosai 1:4

Kigira kumali kuhulira lisuuvira lienyu mu Kristo Yeso, nu vuyanzi vwinyu vwa muveeye navwo ku avandu va Nyasaye vosi,

Vakolosai 3:11

Kulwa yaga sihaveeyeho niliavukanyia hagati hu Muguriki nu Muyuda, anoho likevwa nilivula kukevwa, anoho wamanya nutamanyi miima, anoho musiru nu mugeri anoho mutugwa, anoho muvoholore; navuzwa Kristo aveeye viosi, kandi aveeye mu viosi.