Vagalatia 3:22 - KITABU KITAKATIFU

²² Navuzwa Mang'oda Matakatifu gavoora ndi, lirova liosi liveeye hasi hi zinguru ziu uvwoni, na ndio, kihanwa ichasuuvirizwa kigira lisuuvira mu Yeso Kristo, kihaanwaa ku yavo vosi avasuuviraa.

Vagalatia 3:22 ပူးပေါင်းရင်းမြစ်များ

Zaburi 143:2

Utambika inzi mutumikiri woovo mu likalagirwa mba, kigira sihaveeye ho numundu kali mulala oveeye mulungi imbiri woovo mba.

Marko 16:16

Ku vosi usuviraa na abatizwi alahonywa. Ku vosi uvula kusuuvira, alakalagirwa.

Yohana 12:46

Inzi mali kuuza mu kivala kuli uvulavu. Kunangwa mundu kuvoosi usuviraa mu inzi avuli kutigala mu kisundi.

Yohana 20:31

Navuzwa yivi viang'odwa kunangwa munyi muduuki kusuuvira ndi Yeso ni Mesia. Mwana wa Nyasaye; na mu lisuuvira lienyu muye, mulava ni livamwoyo mu zie lieta lilie.

Yohana 3:36

Uyu usuviraa Mwana wa Nyasaye, aveeye ni livamwoyo litahera mba. Navuzwa uyu utatiza Mwana wa Nyasaye, sialilola livamwoyo kigira amaduywa ga Nyasaye galamenya kuye.

Yohana 5:24

“Agiligali muvooleraa, uhulira likuva liange, nukusuuvira mu uyu uwanduma aveeye ni livamwoyo litahera mba. Sialikalagirwa mba, navuzwa umali kuvita kutura mulikuza nu kwingira mu livamwoyo.

Yohana 6:40

Icha Baba wange yenya keveeye ndi, vosi avalolaa Mwana na vaduuki kumusuuvira valava ni livamwoyo litahera mba. Kandi inzi ndavasimugukiza kandi ku lidiku liu kumaliriza.”

Vikolwa 16:31

Navo vaamutivulira, “Usuuviri Mwami Yeso, na ivi ulahonywa harara navinyumba yooyo vosi.”

Varumi 10:9

Kunangwa, nuuva nuwiyama nu munwa gugwo ndi, Yeso aveeye Mwami, nu kusuuvira mu mwoyo gugwo ndi, Nyasaye yamusimugukiza kutura mu likuza ulahonywa.

Varumi 11:32

Nyasaye umali kokora avandu vosi vahambe vi livula kutia, kunangwa aduuki kuva nizimbavasi kuvo vosi.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 3:23

Avandu vosi vaakora vwoni, kandi vavura kuduuka ku vukumi vwa Nyasaye.

Varumi 5:12

Kunangwa, uvwoni vwingira mu lirova kuvitira mu mundu mulala, na uvwoni vwivwe vwaleeta likuza. Likuza lialanda mu vandu vosi, kigira vosi vaakora vwoni.

Vagalatia 3:14

Kristo yakola likuva yili kunangwa, uvugasu vwa Nyasaye yasuuviriza Aburahamu vuduuki kohevwa vandu vizihiiri kuvitira mu Kristo Yeso. Kunangwa kuvitira mu lisuuvira kunyi kuduuki konyoora Roho wa Nyasaye yakusuuviriza.

Vagalatia 3:17

Agambooraa gaveeye ndi Nyasaye yalomba lilagana lilie na Aburahamu kandi nalaga kulinda. Lilaga lihaanwa mihiga zimia zine na salasini, silinyala kwononyia lilagana zana yilio anoho kutulizaho lisuuvirizwa lia Nyasaye mba.

Vagalatia 3:23

Lisuuvira ni likikiri kuduuka, Lilaga liakovoha kwosi kuli avahambe kuduuka lwi lisuuvira lialolekizwa.

Vagalatia 3:29

Niiva muveeye ava Kristo, ahene yaho muveeye visukululwi via Aburahamu kandi munyi mulanyola miandu ja Nyasaye yasuuviriza.

Vahebraina 9:15

Kigira yaga, Kristo niyie olohizaa lilagana lihia, kunangwa yavo ava Nyasaye amali kulanga vaduuki konyoora vugasu vwi mihiga ni mihiga, vwa Nyasaye yavasuuviriza. Yaga ganyala kokolwa kigira likuza limali kuva ho; ilivohololaa avandu kutura mu mahiolo gavakolaa lwa lilagana liukutanga liali nilikikiri ho.

2 Petro 1:4

Muliiva yili umali kukuha vihaanwa vinene kandi vilahi via yakusuuviriza. Kunangwa, ku vihaanwa yivio, muhononoke ku uvwoneku vwu kudiviza ovoveeye mu lirova kunangwa muduuki kusanga mu liiva liu vutakatifu vwivwe.

2 Petro 3:13

Navuzwa, kolondekana ni lisuuviriza lilie, kunyi kulindiliraa konyoora ligulu lihia kandi lirova lihia; hango hu vutakatifu.

1 Yohana 2:25

Yaga nigo ga Kristo yakusuuviriza alakuha, nalio ni, “Livamwoyo litahera mba.”