Vagalatia 3:17 - KITABU KITAKATIFU

¹⁷ Agambooraa gaveeye ndi Nyasaye yalomba lilagana lilie na Aburahamu kandi nalaga kulinda. Lilaga lihaanwa mihiga zimia zine na salasini, silinyala kwononyia lilagana zana yilio anoho kutulizaho lisuuvirizwa lia Nyasaye mba.

Vagalatia 3:17 ပူးပေါင်းရင်းမြစ်များ

Litanga 15:13

Maku Yahova yavolera Aburamu, “Visukululwi vivio vilava vigeni mu kivala kegeni; vilava vatumwa wene yeyo kandi viladambizwa ku mihiga 400.

Litanga 15:18

Ku lidiku liene yilio, Yahova yalomba lilagana na Aburamu; Yavoola, “Inzi ndagaa kuhaana ku visukululwi vivio kivala yiki choosi kutura ku lwako lwu mugera gwa Egebeti kuduuka ku mugera gwa Efurate,

Litanga 17:19

Navuzwa Nyasaye yavoola, “Awa. Mukali woovo Sara alakwivulira mwana muyaayi kandi ivi ulamugulika Isaka. Inzi ndalinda lilagana liange harara naye kandi ni visukululwi vivie mihiga ni mihiga. Liveeye lilagana litaveeye ne keheri.

Ayubu 40:8

Unyala kali kumbika mu vudamanu? Unyala kungaragira kuva muhioli ku uduuki kwekola mulungi?

Zaburi 105:9

Alalinda lilagana lia yalomba na Aburahamu, kandi lisuuviriza lia yisuhira Isaka.

Zaburi 33:10

Yahova yononyiaa zing'anagani zia avizihiiri valohiza kokora. Avakolaa vavuli kuduukiza lilohiza liavo.

Isaya 14:27

Yahova Wuvunyali umali kotovola kuhaana amageri ku vandu va Asiria, na siaveeye ho mundu unyala kumugaya kokora yaga mba.

Isaya 28:18

Hene yaho, lilagana lia mumali kolomba nilikuza lilatulizwa ho, na livugilirizana lia mulombi ni kivala cha vakuzu lilatulizwa ho. Lwikivi kiduukaa, mulaguutwa ligali.

Livalidza 23:19

Nyasaye siaveeye kuli avandu, unyala koveha mba; siaveeye ho nu mundu unyala kugirung'anyia zing'anagani zizie mba. Choosi chalagaa, akolaa; amolomaa, ma gekoleka.

Livalidza 30:8

Navuzwa niiva musaza weve alahulira ma mugaye kutwekiza liesuuha yili, sigamuduukira agakole mba. Yahova alamusamiiha.

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Vikolwa 7:6

Nyasaye yamuvolera ndi: ‘Visukululwi vivio valahirwa mu kivala chamifwa na avandu vandi, navo valakolwa yo avatugwa, na valadambizwa mihiga zimia zine.

Varumi 3:25

Nyasaye yahaana Kristo aduuki kuva ichu kwisayasayira ku kigira vwoni kuvitira mu lisuuvira ku masahi geege. Yakola ndio kumanyia uvulungi vwa Nyasaye, kigira mu vwikuziri vwu vunyasaye vwivwe si yavaliza ku vandu uvwoni vwi imbiri mba.

Varumi 3:3

Navuzwa galava ki niiva valala kuvo sivaali vasuuvirifu? Livula kuva nu vusuuvirifu liavo, linyala kutulizaho vusuuvirifu vwa Nyasaye?

1 Vakorintho 1:12

Leka mbore ndi: sa mulala ku munyi avoora kindu lugano ku wundi. Mulala avoora, “Inzi nondaa Paolo”; wundi avoora, “Inzi nondaa Apolo”; wundi avoora, “Inzi nondaa Petero”; kandi wundi avoora, “Inzi nondaa Kristo.”

1 Vakorintho 1:17

Kristo siyaanduma kubatiza, mba. Yaanduma kwilwaza makuva malahi ga Nyasaye, kandi kugavoola vugira kutumikira makuva govogeri vwa vandu, gase likuza lia Kristo ku musalaba lilagotiza zinguru zialio.

1 Vakorintho 10:19

Maku nyara kuva nimbora ndi, kifananyi kinyala kuva Nyasaye wa giligali? Anoho chukulia kihanwa ku kifananyi kinyala kuva kisiuviriru cha giligali?

1 Vakorintho 7:29

Avaamitu, aganyenyaa kovora ni yaga: keheri keveeye ahimbi. Kutura kalunu yavo avaleetaa vakali vamenye kuli vakikiri koleta.

2 Vakorintho 1:20

niyie oveeye “Yee” ku lisuuvirizwa liosi lia Nyasaye. Yiki nicho kigira kuvitira mu Kristo Yeso, livoora “Amini” lietu liveeye ku lwu vukumi vwa Nyasaye.

2 Vakorintho 9:6

Mwizurizi ndi, mundu utaagaa vumwu vokekeeke agesaa vikekeeke; mundu utaagaa vumwu vunyingi agesaa vinyingi.

Vagalatia 3:15

Avaamitu vange, ndamufananyira ku limenya lia kazozo: lwa avandu vaviri vavugirizana ku likuva, sihaveeye ho nu mundu unyala kuvunanyia, anoho komeeda kindu kugo mba.

Vagalatia 3:21

Kunangwa, Lilaga linyala kuhing'ana ni lisuuvirizwa lia Nyasaye? Awa, sigaveeye ndio kali hakuzu! Lilaga lilava ni liahaanwa, kigira koleta livamwoyo ku avandu, ngano mundu woosi yaali akolwe mulungi imbiri wa Nyasaye ku lihulira ni liitia Lilaga.

Vagalatia 5:16

Navuzwa agambooraa ni yaga, muleke Roho yimiliri livamwoyo lienyu na munyi mulavula kudukiza liegomba liu muviri.

Vagalatia 5:4

Yavo avagerizaa kokolwa avalungi imbiri wa Nyasaye ku lilonda Lilaga, vamali kwiyavukanyia vene kutura ku Kristo. Yavo vaveeye ichova wi zimbavasi zia Nyasaye.

Vafeso 2:12

Mwizurizi ndi ing'inga yeyo, mwaali ni mwavukanywa kutura ku Kristo. Mwaali avageni kandi simwali valala ku avandu vatovole va Nyasaye mba; simwali ni lisanga mu malagano gi lisuuvirizwa lia Nyasaye ku avandu veve mba. Mwamenya mu lirova linu vugira lisuuviriza kandi vugira Nyasaye.

Vafeso 4:17

Mu lieta liu Mwami, nziganihizaa munyi ndi: Mutazizagilira komenya kuli avandu vatamanyi Nyasaye mba vamenyaa mba; aviziganagani ziavo zindamanu ziveeye izia vuzwa

Vakolosai 2:4

Mboraa yaga, kunangwa mundu kali mulala avuli kuduuka kumugada na makuva go vovehi mba, kali nigava nigaveeye malahi kuli ki.

Vahebraina 11:13

Avandu yava vosi vaakuza nivaveeye mu lisuuvira. Vaakuza nivakikiri konyoora vindu via Nyasaye yavasuuviriza. Navuzwa vaali nivaviloleeye ihale, kandi nivavavugilira, kandi niviyama havulavu ndi vaali avageni na vamenya mu lirova.

Vahebraina 7:18

Lilaga likulu lia Musa liukutanga liatulizwa ho, kigira liali lidedekere kandi litanyala kokoonya kindu.

1 Petro 1:20

Yatovolwa na Nyasaye ing'inga yi lirova liali ni likikiri kolombwa kandi yalolekizwa mu madiku gukumaliriza yaga kigira munyi.