Vagalatia 3:15 - KITABU KITAKATIFU

¹⁵ Avaamitu vange, ndamufananyira ku limenya lia kazozo: lwa avandu vaviri vavugirizana ku likuva, sihaveeye ho nu mundu unyala kuvunanyia, anoho komeeda kindu kugo mba.

Vagalatia 3:15 ပူးပေါင်းရင်းမြစ်များ

1 Kyetsinyinga 16:16

lilagana lia yalomba na Aburahamu kandi lilagana lia yisuhira Isaka.

Vikolwa 1:15

Inyima wa madiku makekeeke, liali ho livugana lia vandu avasuuviraa, vaduuka ahimbi mia moja na sirini. Petero yasingira hagati haavo,

Varumi 1:13

Avaamitu vange, nyenya munyi mumanye ndi, ndalohiza haali kanyingi kuuza kumuluta, navuzwa sindaanyaliza mba. Ndakayanzi konyoora avalondi valahi kigira Kristo hagati hinyu kuli ndanyoora mu vandu vi Zihiiri.

Varumi 3:5

Navuzwa, niiva vudamanu vwitu vumanyia ndi Nyasaye akolaa vulungi, kovora ki? Kovoole Nyasaye aveeye nu vudamanu lwakohezaa amageri? Mboraa yaga kuli umundu.

Varumi 6:19

Hano moloma kuli mundu wa kase kigira vodedekere vwi liiva lienyu aveene. Ku ing'inga ndala mwihaana aveene ligali kutumikira uvudamanu kandi kifwavwi kigira uvudamanu. Navuzwa kalunu kuduuka mwihaane aveene ligali muve avatugwa vu vulungi kigira kivuni kitakatifu.

1 Vakorintho 15:32

Niiva moloma kuli liiva liu mundu, ndaamara kulwaana “Izinyama zinduru ziu mumulitu,” mu Efeso kigira lienya lia vandu vuzwa, ndanyoora vukala ki? Navuzwa niiva vakuzu sivasimugukizwa, kuli lugano lovoolaa, “Leki kunyi kulie kandi kunwi kigira mugamba na kukuzi.”

Vagalatia 6:18

Zimbavasi ziu Mwami wiitu Yeso Kristo zive harara ni munyi mwosi, avaamitu vange. Amini.

Vahebraina 6:13

Lwa Nyasaye yalomba lisuuvirizwa lilie ku Aburahamu, yalomba liesuuha akole icha yaali naasuuvirizi. Kigira sihaali nu munene kuvita oyo mwene, yatumikira lieta lilie liene lwa yalomba liesuuha lilie.

Vahebraina 6:16

Lwa vandu visuha, vatumikiraa lieta lia oyo oveeye munene kuvita ye, kandi liesuuha lidinyirizaa makuva gavooleywe, ma liheriza amahangari.

Vahebraina 9:17

Kigira lilagana lie miandu siliveeye ni zinguru lwu mundu wa lilomba aveeye mwoyo mba; Iiveeye vuzwa ni zinguru inyima wi likuza lilie.