Vagalatia 3:1 - KITABU KITAKATIFU

¹ Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vagalatia 3:1 ပူးပေါင်းရင်းမြစ်များ

Matayo 24:24

Kigira valatulira mesia vovovehi, na vaporofeti vovovehi. Valakola ivilolekizu vinene vaduuki kugaada kali avatovole va Nyasaye, niganyalika.

Matayo 7:26

“Navuzwa mundu ku vosi uhuliraa amakuva gange, kandi navula kugakola, aveeye kuli mundu musiru, uwumbakaa inyumba yeeye ku muyeke.

Luka 24:25

Yeso yavavolera, “Avandu avasiru munyi, avimioyo jiveeye midinyu kusuuvira viosi via vaporofeti vavoola!

Vikolwa 16:6

Vavitira muvivala via Furija na Galatia, kigira Roho Mutakatifu siyavavugilira vilwaze likuva yilio mu kivala cha Asia mba.

Vikolwa 6:7

Likuva lia Nyasaye liazizagilira kulaanda. Livaliza lia vandu avasuuviraa vameedeka ligali mu Jerusalemi; kandi avasaalisi vanyingi vavugilira lisuuvira yili.

Varumi 10:16

Navuzwa sivaveeye vosi, avavugiliraa makuva malahi yaga mba. Isaya mwene yavoola, “Mwami, nivwaha umali kusuuvira makuva giitu?”

Varumi 2:8

Avandu vaveeye vahuvali kandi vasuura kindu keveeye kilungi kunangwa vaduuki kokora vindu viveeye vichamu; Nyasaye alaviika vutima vwivwe vululu kuvo.

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

1 Vakorintho 11:26

Yaga gaveeye kovora ndi, zing'inga ziosi lwa mu liizaa umugadi yigu kandi kunwa kutura mu kekombe yiki, mulandizaa likuza liu Mwami kuduuka lwa aliiza kandi.

1 Vakorintho 2:2

Lwa ndaali ni munyi ndatovora mburi kumanya kindu choosi hagati hinyu nitali Yeso Kristo mbitilira likuza lilie ku musalaba.

2 Vakorintho 10:5

Kwononyia amahangari kandi chukwikigitaliza chukwekonyera ku choosi chaviikwaho kuhing'ana ni limanya lia Nyasaye, kandi kuvugura zing'anagani ziosi nu kuzikola kutia Kristo.

2 Vakorintho 11:3

Navuzwa mbeeye nu vuti ndi, kuli enzoka ku vogeri vwayo vwo vovehi yagada Hawa, zing'anagani zienyu zinyala kogotizwa na muleke uvusuuvirifu kandi liehaana lienyu lia giligali ku Kristo.

Vagalatia 1:2

Avaamitu vosi avaveeye hano vahambanaa ninzi mu lituma mirembe ku munyi amakanisa ga Galatia.

Vagalatia 1:6

Ng'enyera munyi! Mu ing'inga ngekeeke mulekaa vwangu Nyasaye uwamulanga ku zimbavasi zia Kristo, kandi mugirung'ani nukuvugilira Ivangeri yu lugano lundi.

Vagalatia 2:14

Lwa ndaalora ndi ligenda liavo ku lovega lwa agiligali gi Ivangeri si liali lirungi, ndagondokera Petero imbiri wavo vosi, “Ivi oveeye Muyuda, na wamenyangi kuli vandu vizihiiri, si gaali kuli Muyuda mba! Ivi unyala ndi kogeriza kuniga vandu vizihiiri vamenye kuli Avayuda?”

Vagalatia 3:3

Munyala kuva ndi avasiru kuli ndio? Munyi mwatangila mu zinguru zia Roho wa Nyasaye, kalunu mwenya kumalirizira mu zinguru zienyu ziu muviri?

Vagalatia 4:9

Navuzwa kigira kalunu mumali kumanya Nyasaye, kandi kigira Nyasaye umali kumumanya, munyi munyala ndi kwirana ku mademoni gu vudaka kandi madedekere gamiihaa mu vwerefu? Kigira ki mwenya kandi avatugwa vago?

Vagalatia 5:11

Navuzwa kulwa inzi avaamitu vange, nimba ni nzizagilira kwilwaza ndi likevwa lienyekanaa kalunu, kigira ki ngidambizwa? Kunangwa niiva yago gakaveeye agiligali, lilwaza liange kigira musalaba gwa Kristo sililaleeta vudinyu mba.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vafeso 4:14

Kunangwa sikulava kandi kuli avana vadoto avahilwaa yiyi ni yiyi ni viguvuli kandi avahunzulanywa ni zimbuza zia amigizu guvugadi zing'ano ziosi ga avandu, avimiliraa avandi kuduuka mu mahiolo nuvugadi vwavo vwa vatangiza.

Vafeso 5:15

Kigira yaga, muhenze vulahi kuli mumenyi. Mutamenya kuli avandu vasiru, navuzwa kuli avandu vovogeri.

Kwidzulitsa 32:6

Ni ndi munyala kokolera Yahova munyi avandu vasiru kandi vataveeye novogeri! Aveeye Baba winyu, mulombi winyu yalomba munyi muve ihiiri.

2 Vatesalonike 1:8

ni zimemo ziu muliru, kuhaana mageri ku yavo avasuuraa Nyasaye, kandi ku yavo avatahuliraa nu kutia Ivangeri yu Mwami wiitu Yeso.

Vahebraina 11:8

Kigira lisuuvira Aburahamu yegehiza lwa Nyasaye yamulanga azie mu kivala cha Nyasaye yaali ni yamusuuviriza ndi alamuha keve mwandu gwigwe, yazia kali natamanyi wazizaa.

Vahebraina 5:9

Lwa yakolwa muduukiru, yagwa uvutangiliru vwo vohonyi vwi mihiga ni mihiga ku yavo vosi avamuhulira nukumutia.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 4:17

Ing'inga yi likalaga imali kuduuka na avandu va Nyasaye valava vukutanga kukalagirwa. Niiva kunyi kulava avukutanga kukalagirwa, galiva ndi ku yavo avatasuuvira Ivangeri ya Nyasaye?

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”

Likunula 2:20

“Navuzwa mbeeye ni likuva lidamanu liokovoola ku ivi. Wikuzira ku Jezebeli, uwilangaa umwene mutumwa wa Nyasaye. Mu amigizu geege agotizaa avatumikiri vange kokora ovoheyi, kandi kulia iviukulia vihaaniywi ku vifananyi.

1 Samweli 13:13

Samweli yamuvolera, “Okoli kindu chu vusiru. Watia malago ga Yahova Nyasaye woovo akoheeye mba. Ulatia, yaali yakaleki ivi harara ni kisukururwi chicho ukwaamiiha ku Isiraeli mihiga ni mihiga.