Vagalatia 2:9 - KITABU KITAKATIFU

⁹ Yakobo, Petero na Yohana avaloleka kuva nivo aviimiliri vanene, vamanya ndi Nyasaye umali kuhaana ku inzi muyinzi muduukiru, kunangwa vavugilira Baranaba ninzi kuli avasangi muvutumwa. Kunangwa vaakucheliza. Kwavugilizana ndi Baranaba ninzi kokole miyinzi hagati ha vandu vizihiiri, navo vakole miyinzi hagati ha Avayuda.

Vagalatia 2:9 ပူးပေါင်းရင်းမြစ်များ

2 Avami 10:15

Lwa Jehu yatura ho kandi, yagana na Jehonadabu, muyaayi wa Rekabu; uwaali ni yaazaa kumwaganira. Jehu yamucheliza navoora, “Ivi ninzi kuganaganaa kindu kilala ulanyunga umukono?” Jehonadabu yativura, “Yee, ndakora ndio.” Jehu yativura, “Niiva gaveeye ndio, mbe mukono gugwo.” Vaagumirana makono, na Jehu yamukonya kuniina mu ligare lilie,

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Luka 22:8

Yeso yatuma Petero na Yohana, namalago yaga, “Muzie mukolombere lisavo lie Lipasaka nakunyi kuduuki kulia.”

Yohana 1:42

Kunangwa yaleeta Simoni ku Yeso. Yeso yahenza Simoni navoora, “Ivi oveeye Simoni mwana wa Yohana. Kalunu ulalangwa Kefa.”

Vikolwa 12:17

Petero yavamanyia nu mukono vakiring'ane, yavavolera kuli Mwami yamutuliza muvuhambe. Maku navavoolera, “Vooleri Yakobo amakuva yaga na avasuuviri vandi vosi.” Naye yatura nazia havundu handi.

Vikolwa 15:13

Lwa vaali nivakamara komoloma, Yakobo yaatanga kovora: “Avaamitu vange, mbulirizi!

Vikolwa 15:7

Lwa vamala kotevana amateeva manyingi, Petero yasingira navoora, “Avaamitu vange, munyi mumanyi vulahi ndi ku zing'inga ziavita, Nyasaye yandovola kutuia hagati hinyu, nzilwaze Ivangeri ku vandu Avizihiiri kunangwa vaduuki kuhulira nukusuuvira.

Vikolwa 4:36

Yaali ho nu mundu mulala wi ihiiri ya Levi, walangwa Josefu, waali niyivulirwa Saipurasi wa avatumwa vagulika Baranaba, iliveeye kovora, “Mundu wo koleminya mioyo.”

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 15:15

Navuzwa mu ibarwa yiyi, mbeeye nuvuluviliri ligali ku makuva malala agaamali kumwizuliza. Ngoli ndio kigira zimbavasi zia Nyasaye yamba,

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

2 Vakorintho 11:5

Sing'anagana mbeeye mukekeeke kandi wa haasi kuvita yava ava munyi mulangaa, “Avatumwa vinyu vaduukiru” mba.

2 Vakorintho 12:11

Mbeeye kuli musiru! Navuzwa munyi nivo avanigaa kuva kuli ndio. Munyi nivo avaadukana munzizominyi kigira, kali niiva simbeeye kindu, simbeeye mukekeeke ligali kuvita “avatumwa vaduukiru” vinyu yavo mba.

2 Vakorintho 8:4

Vaakogoonya nu mwoyo gwosi ligali nivenya vahevwe vwiyangu vwu kusanga mu vutumiki vwi likonya vandu va Nyasaye vaveeye mu Vuyuda.

Vagalatia 1:16

kuvuula Mwana weve ku inzi, kunangwa nduuki kwilwaza Ivangeri yeeye ku vandu vizihiiri, si ndaazia ku mundu woosi kwenya zing'anagani mba;

Vagalatia 1:18

Kunangwa inyima wi mihiga jivaga, ndaazia Jerusalemi konyoora makuva, kutura ku Petero. Ndaamenya harara naye ku madiku komi na gatano.

Vagalatia 2:1

Inyima wi mihiga likomi najine, ndirana Jerusalemi harara na Baranaba kandi Tito.

Vagalatia 2:2

Ndaazia kigira Nyasaye yambolera nzie yo. Mu livugana lia aviimiliri veng'ine, ndaavivaalira makuva gi Ivangeri ya ndilwaza ku vandu vizihiiri. Ndakora ndio kigira ndeenya miyinzi jange ja ndaali nindakola kale ni ja ngolaa kalunu jivuli kwoneka.

Vagalatia 6:3

Kigira niiva mundu ku vosi yiganagana aveeye kindu ing'inga ya ataveeye kindu, yigadaa mwene.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

Vafeso 3:8

Kali nimbeeye mukekeeke ligali ku vandu va Nyasaye vosi, Nyasaye yamba zimbavasi zizie yizi, nduuki kwilwaazira vandu vizihiiri kigira uvutugi vwokogenyia vwa Kristo uvutanyala kwenyelerizwa;

Vakolosai 1:29

Kolola ndi yaga gekoleki, nyang'anaa nokokola miyinzi vudinyu ligali nindumikiraa zinguru zinene zia Kristo ahaanaa, kandi zikolaa miyinzi mu inzi.

1 Yohana 1:3

Kunyi kumwilwaazira cha kwalola kandi cha kwahulira, kunangwa muduuki kuva mu lisanga ni kunyi, kandi lisanga lietu liveeye harara na Baba, nu umwana weve Yeso Kristo.

Likunula 3:12

Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.