Vagalatia 2:20 - KITABU KITAKATIFU

²⁰ Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vagalatia 2:20 ပူးပေါင်းရင်းမြစ်များ

Lwimbu lwa Solomoni 7:10

Inzi mbeeye wu muyanze wange, kandi lienya lilie liveeye kuinzi.

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Matayo 4:3

Maku, Setani yaza kuye, namuvolera, “Ivi nuuva noveeye Umwana wa Nyasaye, laga amagina yaga gagwi uvuchima.”

Yohana 1:49

Nazanieli yamutivulira, “Mwigizi, ivi niyie Mwana wa Nyasaye! Ivi oveeye Mwami wa Isiraeli!”

Yohana 10:11

“Inzi mbeeye mwayi mulahi. Mwayi mulahi ahaanaa livamwoyo lilie kigira amagondi geege.

Yohana 15:13

Uvuyanzi vonene kuvita vwosi vwu mundu anyala kuva navwo ni yivu, mundu ahaane livamwoyo lilie kigira avalina veve.

Yohana 17:21

Saalanga vosi vaduuki kuva kindu kilala. Baba! Saalaa vave mu kunyi kuli ivi oveeye mu inzi, nainzi mbeeye mu ivi. Saalaa vave kindu kilala, kunangwa avumukivala vaduuki kusuuvira ivi wanduma.

Yohana 3:16

Nyasaye yayanza avandu vu mu kivala, kali nahaana Mwana weve umuderwa, kunangwa ku vosi umusuuvira atadiva mba, navuzwa aduuki kuva ni livamwoyo ilitahera mba.

Yohana 3:35

Baba ayaanza Mwana weve kandi umali kuviika vindu viosi hasi hu vunyali vwivwe.

Yohana 6:57

Baba oveeye mwoyo yanduma, kandi kigira ye; inzi mbeeye mwoyo. Munzira ndala nzere ku vosi ulia inzi amenyaa kigira inzi.

Yohana 6:69

Kunyi kwasuuvira, kandi kwamanya ndi ivi niyie Mutakatifu wa Nyasaye.”

Vikolwa 8:36

Lwa vaali ni vakizizagilira no logendo, vaduuka havundu ha amazi gaali. Kiziri oyo yavoola, “Henza amazi ngaga yaaha, ni kindu ki ikinzigalira mburi kubatizwa?” [

Vikolwa 9:20

Yaatanga kwilwaza mu masinagogi ndi Yeso aveeye Mwana wa Nyasaye.

Varumi 1:17

Kigira Ivangeri ivuulaa kuli Nyasaye akolaa vandu kuva valungi naye mwene kuvitira mu lisuuvira kutura mu litanga kuduuka mu keheri. Ni kuli Amang'oda Matakatifu gavoora, “Umundu okolwaa mulingi na Nyasaye kuvitira mu lisuuvira, alava mwoyo.”

Varumi 14:7

Sihaveeyeho numundu ku vosi ku kunyi wekoleraa ageege mwene mu livamwoyo mba. Kandi siaveeyeho numundu wekoleraa ageege mwene mu likuza mba.

Varumi 3:22

Nyasaye akolaa vandu kuva avalungi imbiri weve ku lisuuvira liavo mu Yeso Kristo. Nyasaye akolaa ndio ku vosi avasuuviraa mu Kristo, kigira siaveeye ni lieriza.

Varumi 4:25

Yahaanwa yiitwi kigira vwoni vwitu, kandi yasimugukizwa kunangwa kunyi kuduuki kokolwa avalungi imbiri wa Nyasaye.

Varumi 5:2

Kuvitira mu Kristo, kumali konyoora zimbavasi zia Nyasaye zia koveeye mu kalunu. Kusangaliraa mu lisuuvirizwa lia koveeye nalio liu kusanga mu vukumi vwa Nyasaye!

Varumi 5:6

Lwa kwaali nikukiri avadedekere, Kristo yakuzira kunyi avadamanu ing'inga ya Nyasaye yatovola.

Varumi 5:8

Navuzwa Nyasaye yamanyia ndi yakuyaanza, kigira lwa kwaali nikukiri avoni, Kristo yakukuzira.

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

Varumi 6:8

Niiva kwamala kukuza harara na Kristo, kusuuvira ndi kulava mwoyo harara naye kandi.

Varumi 8:10

Navuzwa niiva Kristo amenyaa mu munyi, Roho aveeye livamwoyo ku munyi kigira mwakolwa avalungi na Nyasaye, kali niiva imiviri jinyu jizizaa kukuza kigira vwoni.

Varumi 8:37

Awa, mu vindu yivi viosi, koveeye vaguuti ligali, kuvitira mu uyu wakuyanza!

1 Vakorintho 6:17

Navuzwa oyo wihambanyia umwene ku Mwami aveeye mulala mu Roho naye.

2 Vakorintho 1:24

Sikogerizaa kutumikira zingulu kumuvolera cha muduukana musuuviri mba, munyi musingiraa vudinyu mu lisuuvira lienyu. Muvogono yivwo kuyinziraa harara ni munyi muduuki kuva nu vusangali.

2 Vakorintho 10:3

Gaveeye agiligali ndi komenyi mu lirova, navuzwa sikulwaanaa uvulwani kuturana ku lienya lie lirova mba.

2 Vakorintho 11:10

Kuli giligali ga Kristo agaveeye mu inzi, sihaveeye ho nu mundu unyala kungaya muliekonya yili mu kivala choosi cha Akaya mba.

2 Vakorintho 13:3

Mulakalole aveene ndi Kristo amolomaa kuvitira mu inzi. Lwa Kristo ayinziraa ni munyi, Kristo siaveeye mudedekere mba, mu vogono yivwo, amanyia zingulu zizie hagati hinyu.

2 Vakorintho 13:5

Mwehane munyi veene, kandi veene mwikalagiri muduuki ku manya niiva mumenyi mu lisuuvira. Simumanyi ndi Kristo Yeso aveeye mu munyi? Nigataveeye ndio, munyi mwamala kuguutwa.

2 Vakorintho 5:14

Vuyanzi vwa Kristo vukwamiihaa, kigira kumanya ligali ndi, umundu mulala yakuzira avandu vosi; agaveeye kovora ndi vosi vaasanga mu likuza lilie.

2 Vakorintho 5:15

Yakuzira avandu vosi, kunangwa yavo avaveeye mwoyo vavuli komenya mu liiva liavo vene mba, navuzwa kigira oyo wavakuzira, kandi naasimugukizwa kigira yavo.

2 Vakorintho 5:7

Komenyi kigira lisuuvira mu Mwami Yeso; sikomenyi kigira lilola vuzwa mba.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Vagalatia 2:16

Navuzwa kunyi kumanyi ndi mundu akolwaa mulungi na Nyasaye kuvitira mu lisuuvira mu Yeso Kristo, na sigaveeye ku likora agi Lilaga lienyaa mba. Kunyi kandi, kumali kusuuvira mu Kristo Yeso kuduuki kokolwa avalungi imbiri wa Nyasaye ku lisuuvira lietu mu Kristo, kigira mu miyinzi ji Lilaga mundu sianyala kokolwa mulungi mba.

Vagalatia 3:11

Kalunu gaveeye havulavu ndi, Lilaga silinyala kokora mundu ave mulungi imbiri wa Nyasaye mba; Mang'oda Matakatifu gavoora, “Oveeye mulungi imbiri wa Nyasaye kuvitira mu lisuuvira, alava mwoyo.”

Vagalatia 5:24

Yavo avaveeye ava Kristo Yeso vamali kuvamba muviri harara ni liegomba lidamanu liagwo likayirwa liagwo.

Vagalatia 6:14

Navuzwa, kulwa inzi, ndekonya vuzwa mwene kigira musalaba gwu Mwami wiitu Yeso Kristo. Kuvitira ku musalaba, vindu vie lirova viakuza kandi inzi ndaakuza kuvindu vie lirova.

Vafeso 3:17

Saalanga ndi kandi Kristo aduuki kolomba vomenyo vwivwe mu mioyo jinyu kuvitira mu lisuuvira. Saalanga ndi vuyanzi vuduuki kuva musingi gwivindu viosi via mukoraa,

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafeso 5:25

Avasaza muyanze avakali vinyu kuli Kristo yayanza likanisa naalikuzira.

Vafilipi 1:21

Ku inzi, kuva mwoyo ni Kristo, kandi kukuza nuvukara ovonene.

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Vakolosai 1:27

Nyasaye yalohiza kuvulira vandu veve imbisu yeeye imbisu yu vutugi harara nu vukumi vwaveeye navwo ku vandu vosi imbisu eveeye ndi Kristo aveeye mu munyi, gaveeye kovora ndi mulakasange mu vukumi vwa Nyasaye.

1 Vatesalonike 1:10

kandi kulindilira Mwana weve kutura mwigulu naye ni Yeso, wa yasimugukiza kutura mu vakuzu, ohonyia kunyi kutura mu vutima vwa Nyasaye vuzaa.

1 Vatesalonike 5:10

uwa kukuzira, kunangwa komenye harara naye kali nikuva mwoyo anoho ni kukuza lwa aliiza.

Tito 2:14

Yihaana mwene kigira kunyi, aduuki kukutuliza mu vudamanu vwosi, kandi kokokola kove avandu valungi, avaveeye aveeve mwene kandi, vaveeye ni lienya kokora uvulahi.

Vahebraina 8:3

Vuli musaalisi munene atovolwa ahaane vihaanwa harara nivisiuviliru viezinya ma ku Nyasaye; kandi gaduukiraa Musaalisi Munene wiitu ave ni kindu chukuhaana.

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

1 Yohana 1:7

Navuzwa ni kogenda mu vulavu kuli mwene aveeye mu uvulavu, kunyi koveeye ni lisanga aveene na aveene; kandi amasahi ga Yeso Kristo mwana weve gakwogizaa uvwoni vwosi.

1 Yohana 4:14

Kunyi kumali kolola kandi kololekiza ndi, Baba yatuma umwana weve ave Muhonyi wa avumukivala.

1 Yohana 5:20

kandi kumanyi vulahi Mwana wa Nyasaye umali kuuza kandi umali kukuha limanyiriza ku kuduuki kumanya Nyasaye wiligali. Kunyi komenyi muvuhambani na Nyasaye wiligali muvuhambani nu Mwana weve Yeso Kristo. Uyu niyie Nyasaye wiligali kandi yili nilio livamwoyo litahera mba.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 3:20

Henza, singiyi ha kiliango nzigulihizaa. Umundu woosi naava naahulira mwoyo gwange nukunzigulira kiliango, ndingira munyumba yeeye, nduuki kulia harara naye kandi naye alie harara ninzi.