Vagalatia 2:15 - KITABU KITAKATIFU

¹⁵ Agiligali kunyi aveene koveeye Avayuda mu liivulwa lietu na sikoveeye “Avandu vizihiiri voni” kuli yavo valangwa mba.

Vagalatia 2:15 ပူးပေါင်းရင်းမြစ်များ

Matayo 9:11

Lwa Vafarisayo valora ndio, vavoolera aviigi veve, “Kigira ki Mwigizi winyu alizaa harara na avasololi vuvusuuru kandi avoni?”

Luka 24:7

Yavoola ndi, ‘Gaduukiraa Mwana wa Adamu kuvikwa mu makono ga vandu avoni, nukumuvamba, navuzwa lidiku lia kavaga, alasimugukizwa kandi.’ ”

Vikolwa 22:21

Navuzwa Mwami yambolera, ‘Zia, kigira ndakutuma ihale ku avandu vi Zihiiri zindi.’ ”

Varumi 3:9

Kunangwa kovoole ki'? Avayuda koveeye valahi kuvita vandu Avizihiiri? Awa, Sigaveeye ndio mba! Inzi mali kumanyia kutura mu litanga ndi Avayuda na vandu Avizihiiri, vosi harara vaveeye voni.

Varumi 4:16

Kigira yaga, lisuuvirizwa liatura ku lisuuvira; kunangwa lisuuviriza liduuki kuvikwa ku muhuri ni kihanwa cha Nyasaye yahaana vuzwa ku visukululwi vosi va Aburahamu. Sigaveeye vuzwa ku yavo vatizaa Lilaga venyine, navuzwa ku yavo kandi avasuuviraa kuli Aburahamu yakola. Aburahamu aveeye baba wiitu kunyi vosi mu Roho.

Vagalatia 2:17

Niiva kogerizaa kwenya kokolwa avalungi imbiri wa Nyasaye mu Kristo, kunyi kololeka kuva avoni kuli vandu vizihiiri vaveeye; yaga gaveeye kovora ndi Kristo adinyirizaa likora uvwoni? Awa! Sigaveeye ndio kali hakuzu!

Vafeso 2:3

Mu agiligali Kunyi kwosi kwaali kuli yavo. Kandi Kwamenya kolondekana nilikayirwa lidamanu lie miviri jietu, nikokola choosi ichayaanziza lienya liu miviri kandi zing'anagani zietu aveene. Mu liiva lietu liu muviri, kunyi kuli avandu vandi, kwadukana konyoole vusaliri vwu vutima vwa Nyasaye.

Vafilipi 3:4

Kali nzi nyara kuviika lisuuvira liange mu vindu viu muviri kuli yivi. Niiva koveeye nu umundu uganaganaa ndi anyala kusuuvira mu vindu vie chova, inzi nyara kuva ni kivuni ekenene kuganagana ndio kuvita umwene oyo.

Tito 3:3

Kunyi aveene kwaali avasiru; avibaali, avatugwa vi likayirwa lidamanu kandi lieyaanziza lidamanu liezing'ano ziosi. Kwamenya mu liiva lie embodoka ni likendeka. Avalala vakuvihirira kandi kunyi kwavavihirira

1 Samweli 15:18

Vakutuma kandi namalago kudiviza vandu vadamanu yavo va Avamaleki. Yakovolera ulwaane kuduuka lwa umala kwiita vosi.