Vagalatia 2:14 - KITABU KITAKATIFU

¹⁴ Lwa ndaalora ndi ligenda liavo ku lovega lwa agiligali gi Ivangeri si liali lirungi, ndagondokera Petero imbiri wavo vosi, “Ivi oveeye Muyuda, na wamenyangi kuli vandu vizihiiri, si gaali kuli Muyuda mba! Ivi unyala ndi kogeriza kuniga vandu vizihiiri vamenye kuli Avayuda?”

Vagalatia 2:14 ပူးပေါင်းရင်းမြစ်များ

Zaburi 141:5

Mundu mulahi alahaana amageri ku inzi kandi alang'ondokera mu vulahi, navuzwa si ndavugilira uluyali kutura ku vandu vadamanu mba, kigira inzi saalaa kazozo ku vikolwa viavo vidamanu.

Zaburi 15:2

Uyu ugendaa mu vuduukiru vwa Nyasaye kandi okolaa agaveeye malungi ni uyu ovola agiligali kutura mu mwoyo gwigwe;

Zaburi 58:1

Munyi avamihi vizingulu, muhaanaa likaalaga lirungi? Mukalagiraa avandu vosi nuvulungi?

Zaburi 84:11

Yahova Nyasaye aveeye mukingi wiitu kandi mwami wu vukumi, akugaasizaa nuvulahi kandi nu luyali. Ahaanaa choosi ekeveeye kilahi ku yavo avakolaa uvulungi.

Tsing'ano 10:9

Avandu vaveeye avasuuvirifu vaveeye mu mirembe kandi mu likingwa, navuzwa vandu vataveeye avasuuvirifu valanyooleka.

Tsing'ano 2:7

Ahaanaa vokonyi kandi likingwa ku vandu valungi kandi avasuuvirifu.

Kyavalevi 19:17

“Mutadunyiri avamwavo vinyu mumwoyo mba, navuzwa mugaye havulavu kunangwa muvuli kokora uvwoni kigira oyo.

Vikolwa 10:28

Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba.

Vikolwa 15:1

Avandu valala vaza Andiokia kutura Ivuyuda nivatanga kwigiza avaamitu, nivavoora ndi: “Nimutakevwa kolondekana ni miima ji Lilaga lia Musa, simunyala kohonywa mba.”

Vikolwa 15:24

Kunyi kuhuliyi ndi avandu vandi kutura mu muganda gwitu vamunyangiza na makuva gaavo, nivamuhendiza mioyo jinyu. Navuzwa vakora ndio vugira munwa kutura ku kunyi.

Vikolwa 15:5

Navuzwa avalala ku vandu avasuuviraa avaatura ku muganda gwa Vafarisayo, vasingira nivavoora, “Gaduukiraa avandu vi Zihiiri vakevwe; kandi gadukanaa vigizwi kugumira Lilaga lia Musa.”

Varumi 14:14

Manya kandi mbeeye nagiligali mu Mwami Yeso ndi, sihaveeyeho ni chukulia ku choosi ikitaveeye kilahi ku vwacho mba; navuzwa niiva mundu asuviraa ndi chukulia yiki sikeveeye kilahi kulia, maku sikeveeye kilahi kuye mba.

Vagalatia 1:18

Kunangwa inyima wi mihiga jivaga, ndaazia Jerusalemi konyoora makuva, kutura ku Petero. Ndaamenya harara naye ku madiku komi na gatano.

Vagalatia 1:6

Ng'enyera munyi! Mu ing'inga ngekeeke mulekaa vwangu Nyasaye uwamulanga ku zimbavasi zia Kristo, kandi mugirung'ani nukuvugilira Ivangeri yu lugano lundi.

Vagalatia 2:3

Navuzwa uwache wange Tito, kali naveeye Muguriki, siyaanigwa kokevwa mba,

Vagalatia 2:5

Sikwavugilira ku lienya liavo kali hakuzu mba. Kunangwa, kwenya agiligali gi Ivangeri gaduuki komenya mumirembe kigira munyi, vugira kwononywa.

Vagalatia 2:7

Navuzwa mu vogono vwo komeeda zing'anagani zimbia ku inzi, valora ndi Nyasaye yaali namali kuhaana ku inzi uvutumwa vwu muyinzi gwu kwilwaza Ivangeri ku vandu vizihiiri, kuli Petero naye yatumwa kwilwaza Ivangeri ku Avayuda.

Vagalatia 2:9

Yakobo, Petero na Yohana avaloleka kuva nivo aviimiliri vanene, vamanya ndi Nyasaye umali kuhaana ku inzi muyinzi muduukiru, kunangwa vavugilira Baranaba ninzi kuli avasangi muvutumwa. Kunangwa vaakucheliza. Kwavugilizana ndi Baranaba ninzi kokole miyinzi hagati ha vandu vizihiiri, navo vakole miyinzi hagati ha Avayuda.

Vagalatia 6:12

Avandu vageriza kuniga munyi mukevwe kuzinguru, ni yava avenyaa kwimanyia ndi vaveeye avalahi, nu kwekonya ku vindu viu muviri. Vakora ndio kunangwa vavuli kudambizwa kigira musalaba gwa Kristo.

Vakolosai 1:5

Kigira lisuuvirizwa lia mwaviikirwa mwigulu. Lisuuvirizwa yili mumali kuhulira mu likuva liagiligali lie Ivangeri.

Vahebraina 12:13

Muzizagiliri kogenda kuzinzira zinungi, kunangwa kerenge chaalema kivuli kufogoya, navuzwa mu vogono yivwo kehonywe.

Vahebraina 9:10

Kigira vindu yivi viosi viveeye vuzwa ku lugano lwi viukulia, viukunwa, kandi lietakasa lie zing'ano ziosi. Yaga goosi gaveeye malago gichova vuzwa, gatumika kuduuka lwa Nyasaye aliviikaho liiva lihia.