Vagalatia 1:17 - KITABU KITAKATIFU

¹⁷ anoho si ndaazia Jerusalemi ku yavo avatanga kuva avatumwa imbiri wange mba; ndaazia vwangu kuduuka Arebia, ma inyima ni nzirana Damasiko.

Vagalatia 1:17 ပူးပေါင်းရင်းမြစ်များ

Vikolwa 9:10

Mu Lidaala lia Damasiko yaali yo mwigizi mulala walangwa Anania. Mwami yamuvolera mu maloto, “Anania!” Anania yahugira, “Mbeeye hano, Mwami.”

Vikolwa 9:19

lwa yamala kulia chukulia, yaali ni zinguru kandi. Saolo yamenya harara na vandu avasuuviraa vaali mu Damasiko ku amadiku makekeeke.

Vikolwa 9:2

naasava ahevwe zibarwa ziu kwimanyia mu masinagogi ga Damasiko, ku nanyoora yo avasaza anoho avakali vava ni valonda amigizu gu Mwami Yeso, aduuki kuvagumira nu kuvaleeta Jerusalemi ni vavoheywi.

Vikolwa 9:8

Saolo yavuka, navuzwa lwa yakunura zimoni zizie si yaali anyala kolola kindu mba; avandu vaali harara naye vamugumira mukono ni vamugendiza nukumuhira mu lidaala lia Damasiko.

Vagalatia 1:18

Kunangwa inyima wi mihiga jivaga, ndaazia Jerusalemi konyoora makuva, kutura ku Petero. Ndaamenya harara naye ku madiku komi na gatano.