Vagalatia 1:15 - KITABU KITAKATIFU

¹⁵ Navuzwa zimbavasi zia Nyasaye zizie, yandovola kali ningikiri kwivulwa, kandi yananga kuvitira mu zimbavasi zizie nduuki kumutumikira. Kandi lwa yatovola

Vagalatia 1:15 ပူးပေါင်းရင်းမြစ်များ

Isaya 49:1

Munyi zihiiri zimenyi mu visulu vie inyanza. Mumbulirizi, munyi avandu vamenyi ihale! Yahova yananga kandi nandovola kuva mutumikiri weve lwa ndaali ningikiri kwivulwa.

Isaya 49:5

Inzi ningikiri kwivulwa, Yahova yandovola, yangola kuva mutumikiri weve, kwilanyia kuye avandu veve Isiraeli harara navaari ni vasalanywa. Kunangwa Yahova ahaanaa uluyali ku inzi, kandi aveeye zinguru ziange.

Jeremia 1:5

“Ndaakotovola imbiri wa ndaali ningikiri kokolomba munda mwa mama woovo, kandi ndaaku takasa imbiri wa waali nukikiri kwivulwa. Ndaakotovola kuva muporofeti kuzihiiri.”

Matayo 11:26

Yee, Baba, nindio wenyaa gakoleke.

Luka 10:21

Ing'inga zana yeyo, Yeso yizula uvusangari mu Roho Mutakatifu, niyizominya Nyasaye, navoora, “Baba, Mwami wi ligulu nilirova. Ngusandizaa ligali kigira ivi umali kuvisa ivindu yivi kuvageri kandi ku avilimanya, navuzwa uvuuliyi vihanzahanza. Yee, Baba, nindio wayanza yaga gakolwi kuli vulaliri vuvwo.

Vikolwa 13:2

Lwa vaali nivasigamiraa Mwami, kandi nivahonga lilia, Roho Mutakatifu yavavolera, “Muviiki halovega Baranaba na Saolo kigira miyinzi ja mbalangiraa.”

Vikolwa 9:15

Navuzwa Mwami yamuvolera, “Zia vuzwa, kigira ndovoye uyu ave kiju change, yiilwaaze lieta liange ku zihiiri na avami vaavo, kandi ku avandu va Isiraeli.

Varumi 1:1

Inzi Paolo, mutumikiri wa Kristo Yeso, mutumwa watovolwa kandi walangwa na Nyasaye kwilwaza Ivangeri ya makuva malahi kutura ku Nyasaye.

Varumi 1:5

Kuvitira muye, Nyasaye yahaana ku kunyi zimbavasi kuva avatumwa kigira Kristo, kuduuki kwimilira nukulanga avandu vi zihiiri ziosi vaduuki kusuuvira nukutia.

Varumi 8:28

Kunyi kumanyi ndi ivindu viosi viyinzira harara koleta uvulahi ku yavo avayaanzaa Nyasaye; yavo avayalanga kolondekana nu vulaliri vwivwe.

Varumi 8:30

Kunangwa yavo ava Nyasaye yaahula, yavalanga; navo avayalanga, yavakola vave avalungi harara naye, kandi yaasanga uvukumi vwivwe harara navo.

Varumi 9:24

Kunyi koveeye vandu vayalanga, sigaveeye kutura hagati ha Vayuda venyine, navuzwa kandi kutura mu vandu vi zihiiri.

1 Vakorintho 1:1

Inzi Paolo, walangwa ku vulaliri vwa Nyasaye kuva mutumwa wa Kristo Yeso, na amiitu wiitu Sosizenesi -

1 Vakorintho 1:21

Kuvitira mu vogeri vwa Nyasaye yakola vandu vavuli kumumanya kuvitira mu vogeri vwavo aveene. Mu vogono yivwo, kuvitira mu vusiru vwi likuva lia kwilwazaa, Nyasaye yatovola kohonyia yavo avasuuviraa muye.

1 Vakorintho 1:24

navuzwa ku yavo ava Nyasaye amali kulanga, vombi Avayuda na Avaguriki, likuva yili liveeye Kristo, oveeye zinguru zia Nyasaye kandi ovogeri vwa Nyasaye.

1 Vakorintho 1:9

Nyasaye aveeye musuuvirifu, wamulanga muve mu lisanga liu Mwana weve Yeso Kristo, Mwami wiitu.

1 Vakorintho 15:10

Navuzwa kigira zimbavasi zia Nyasaye mbeeye kuli mundolaa ndi, kandi zimbavasi zizie siziali zia vuzwa mba. Harara ni yago, ndaayinzira vudinyu kuvita avatumwa vandi vosi; nitali siliali likola liange ligali, navuzwa ziali zimbavasi zia Nyasaye ziayinziraa harara ninzi.

Vagalatia 1:1

Inzi Paolo, uwa lilaangwa liange kuva mutumwa si liatura ku avandu, anoho kuvitira mu zinguru ziu mundu mba, navuzwa kutura ku Yeso Kristo kandi Nyasaye Baba, uwamusigukiza kutura mu likuza,

Vagalatia 1:6

Ng'enyera munyi! Mu ing'inga ngekeeke mulekaa vwangu Nyasaye uwamulanga ku zimbavasi zia Kristo, kandi mugirung'ani nukuvugilira Ivangeri yu lugano lundi.

Vafeso 1:5

Nyasaye yaali niyamala kukalaga ndi kuvitira mu Yeso Kristo kunyi kuduuki kuvugilirwa kuva avana veve. Yili liali kandi lienya lilie.

Vafeso 1:9

Nyasaye yakuvuulira agaviswa guvulaliri vwivwe, kolondekana ni lilohiza lilie lilahi lia ya saaviraa kokora kuvitira mu Kristo.

Vafeso 3:11

Nyasaye yakola yaga kolondekana nu vulaliri vwivwe uvutahera mba, vwa yanyoora kuvitira mu Kristo Yeso Mwami wiitu.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Samweli 12:22

Yahova umali kulagana ligali kandi si alamuleka mba, kigira umali kukalaga akole munyi kuva vandu veve.