Vagalatia 1:11 - KITABU KITAKATIFU

¹¹ Avaamitu vange, nyenya munyi mumanye ndi Ivangeri ya ndamwilwazira, sieveeye Ivangeri iyatangizwa nu mundu mba.

Vagalatia 1:11 ပူးပေါင်းရင်းမြစ်များ

Varumi 2:16

Ku lwa yago, kolondekana ku Ivangeri ya nzilwazaa, nindio galiva ku Lidiku yilio lwa Nyasaye kuvitira mu Kristo Yeso, alikalagira zing'anagani ziaviswa ziosi zia vandu.

1 Vakorintho 11:23

Inzi ndaanyoora amigizu kutura ku Mwami agambezaa munyi: ndi Mwami Yeso, mu vudiku yivwo vwa yazaamwa, yavugula mugadi,

1 Vakorintho 3:4

Lwa mulala ku munyi avoora, “Inzi nondaa Paolo”, na wundi, “Inzi nondaa Apolo,” yago sigamanyia vuzwa mukikiri kuli vandu vatamanyi Nyasaye?

1 Vakorintho 9:8

Simbolanga yaga ku vunyali vwu mundu vuzwa, navuzwa lilaga nalio kandi livoora ndio.

Vagalatia 1:1

Inzi Paolo, uwa lilaangwa liange kuva mutumwa si liatura ku avandu, anoho kuvitira mu zinguru ziu mundu mba, navuzwa kutura ku Yeso Kristo kandi Nyasaye Baba, uwamusigukiza kutura mu likuza,

Vagalatia 1:6

Ng'enyera munyi! Mu ing'inga ngekeeke mulekaa vwangu Nyasaye uwamulanga ku zimbavasi zia Kristo, kandi mugirung'ani nukuvugilira Ivangeri yu lugano lundi.