Vafilipi 4:3 - KITABU KITAKATIFU

³ Ndeva ivi muyinziri musuuvirifu wache, yaanza okonye avakali yava. Vayinzira vudinyu harara ninzi kulandiza Ivangeri ni zinguru, harara na Kilemendi kandi avayinziri vache vosi, avamita gaavo gang'odwa mu kitabu chi livamwoyo.

Vafilipi 4:3 ပူးပေါင်းရင်းမြစ်များ

Zaburi 69:28

Tuliza ho amita gaavo mu kitabu cha avaveeye mwoyo; kandi vatavalizwa harara na avandu vovo valungi mba.

Kutwula 32:32

Navuzwa kalunu nuuva nuyanza kuvasamiiha uvwoni vwavo, nigataveeye ndio, ngusaala, mwaza, utulizi lieta liange mu kitabu chicho cha waang'oda mu mita ga vandu vovo.”

Isaya 4:3

Vuli mundu woosi watigala mu Jerusalemi, awa Nyasaye yatovola amenye, alalaangwa mutakatifu.

Ezekieli 13:9

mbeeye himbi kuhaana mageri ku munyi, avaporofeti avaveeye na malola gataveeye gagiligali kandi avaveeye nu voporofeti vwu vugadi. Sinamuve harara nu muganda gwa vandu vange, anoho simulang'odwa harara namita ga vandu va Isiraeli mba, anoho simulakilane mu kivala cha Isiraeli mba. Maku mulakamanye ndi, inzi mbeeye Yahova Wuvunyali.

Danyeli 12:1

Engelosi yaali ni yiviiki iganza yavoola, “Ing'inga yene yeyo, Mikaeli engelosi enene, ulindaa vandu vovo, alakaloleke. Maku ilakave ho ing'inga yu vudinyu, indamanu ligali kali kutura zihiiri ziu kutanga nizivaho. Lwi ing'inga yene yeyo iliduuka, avandu vosi vi ihiiri yooyo, avamita gaavo gang'odwa mu kitabu cha Nyasaye valakahonywi.

Luka 10:20

Kunangwa mutasangala kigira mademoni gaali kwegehiza ku munyi, navuzwa musangare kigira amita ginyu gang'odeywi mwigulu.”

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

Varumi 16:12

Mirembe jange jiduuki ku Turufena na Turufosa avayinziraa mu vutumiki vwu Mwami, harara na Berisi, umulina wange muyanze wakolera Mwami miyinzi minyingi.

Varumi 16:9

Mirembe jange jiduuki ku Uribanusi, muyinziri wache wiitu mu vutumikiri vwa Kristo kandi Sitaki mulina wange.

Vafilipi 1:12

Nyenya munyi mumanye, avaamitu vange ndi, ivindu viosi viekoleka ku inzi vimali ligali kokonya ligali lizizagilira lie lilandiza Ivangeri.

Vafilipi 1:16

Yava vakora ndio kutura ku uvuyanzi kandi vamanya vulahi ndi Nyasaye yamalakuhaana ku inzi imiyinzi jo kosoola Ivangeri.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vafilipi 1:5

kigira ovokonyi vwinyu ku inzi mu miyinzi ju kulandiza Ivangeri kutura lidiku liukutanga kuduuka lero.

Vafilipi 1:7

Gaveeye malungi inzi kuganagana ndio ku munyi mwosi, kigira muveeye mu mwoyo gwange kazozo! Munyi mwosi muveeye avasangi harara ninzi mu zimbavasi zia Nyasaye yahaana ku inzi, lwa mbeeye muvuhambe kalunu, kandi ing'inga ya ndaali umuvoholore kosoola Ivangeri kandi kugidinyiriza ligali.

Vafilipi 4:2

Ng'onyaa Eyodia na Sindike, mwaza ni muyanzaa mugerizi kuvugilirizana nu kuva nu mwoyo mulala kuli avavozo mu Mwami.

Vakolosai 1:7

Mwiga zimbavasi zia Nyasaye kutura ku Epafura mutumwa wiitu, oveeye muyinziri musuuvirifu wa Kristo mu vwiyangu vwitu.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 17:8

Iking'ang'a cha walola kila chaali mwoyo maziambiri, navuzwa sikeveeye mwoyo kalunu mba. Kandi keveeye ahimbi kutura mu gehena, navuzwa kiladuuka mu lidivizwa. Avandu vamenya ku lirova, ava amita gaavo gatang'odwa mu kitabu chi livamwoyo, lirova nilikikiri kolombwa, valagenya muno ulwa valora king'ang'a yicho chaali mwoyo lulala ulwimbiri na kalunu sikeveeye mwoyo mba. Navuzwa kilaloleka kandi.

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.

Likunula 20:15

Umundu woosi wi lieta liilieliavula kong'odwa mu kitabu chi livamwoyo, yasiuvwa munyanza yu muliru.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.

Likunula 3:5

Oyo ugutaa uvulwani alaviikwa zinguvu zindavu; sindatuliza lieta lilie mu kitabu chi livamwoyo mba, kandi ndiyama lieta lilie imbiri wa Baba wange kandi imbiri wi zingelosi veve kandi.