Vafilipi 4:18 - KITABU KITAKATIFU

¹⁸ Yee, mali konyoora ivindu viosi viamumali kuhaana ku inzi, kandi ni ivinyingi kuvita lienya liange. Mali kuvinyoora kuvitira mu amakono ga Epafurodita. Vihaanwa yivi viveeye kuli kihanwa kifunyaa umwayu umulahi ku Nyasaye; kandi viveeye isadaka indahi ivugilirwa nu kuyaanziza Nyasaye.

Vafilipi 4:18 ပူးပေါင်းရင်းမြစ်များ

Kutwula 29:18

Usambiri iligondi yili ku vwali kuli ikihaanwa chukusambwa. Umwayu gwi kihanwa yiki gunyaanzizaa.

Livalidza 15:3

Vahane ku Yahova igiriki, ligondi limigu, ligondi noho imburi vinyala kuhaanwa kuli vihaanwa viu kusambwa, noho vihaanwa viu kuduukiza liesuuha anoho kihanwa chu vuyanzi anoho kihanwa chi lisavo lia kazozo. Lifunya liu mwayu mulahi gwi vihaanwa yivi lilayaanziza yahova.

Livalidza 7:62

Kandi yahaana ibakuli indala yi zahabu yuvulitu ziguramu 110 ni yizuuyi kimuli kifunyaa mwayu,

Vikolwa 10:4

Korinelio yumika engelosi nu vuti, namuvolera “Ni kindu ki, mwami?” Engelosi yamuvolera, “Nyasaye uvugiliyi lisaala liilio ni zisadaka zizio ku vadaka.

Varumi 12:1

Kunangwa mugoonyaa nu mwoyo gwosi ligali, avaamitu vange, kigira ovonene vwi zimbavasi zia Nyasaye ku kunyi, mwihaane munyi aveene ku Nyasaye kuli kisiuviriru keveeye mwoyo, kitakatifu kivugiliywi kandi chukuyaanziza Nyasaye. Yiyi niyio inzira yinyu ya giligali idukanaa kusigamira Nyasaye mu Roho.

2 Vakorintho 11:8

Lwa nda kola miyinzi hagati hinyu, ndaatungwa na makanisa gandi. Ndavanuulaa kunangwa nduuki kumukoonya.

2 Vakorintho 9:12

Likora miyinzi milahi yiji sililakoonya vudaka vwa vatakatifu venyine mba, navuzwa lilalomba kandi vandu vanyingi kusandiza Nyasaye mu lizominya.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafilipi 4:12

Inzi manyi vulahi kuli gavezaa lwa umundu aveeza nilienya, kandi manyi kuli umundu aveeza, lwaveeye navio ivinyingi mbitilira. Inzi ndaamara kwiga ikivuni cha gene yaga ing'inga yoosi kandi havundu hoosi, nduuki kuva nu uvusangari, kali mbe ninziguta anoho nembeeye ninzara; mbe navio ivinyingi, anoho vikekeke.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

Vahebraina 13:16

Mutivilira kokora vulahi kandi kokonyana aveene naveene, kigira yivi nivio visiuviliru viyanziza Nyasaye.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.