Vafilipi 3:10 - KITABU KITAKATIFU

¹⁰ Icha inzi nyenya ku viosi ni kumanya Kristo, no kolola izingulu zie ilisimuguka lilie, nduuki kusanga mu uvusaliri vwivwe, nu kuvwa kuli oyo mu likuza lilie,

Vafilipi 3:10 ပူးပေါင်းရင်းမြစ်များ

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Matayo 20:23

Yeso yavavolera, “Agiligali mulanwera mu kekombe change, navuzwa kwikala ku mukono mulungi anoho ku mukono mumosi gwange, siaveeye inzi uhaanaa mba. Navuzwa vwiyangu yivwo voveeye ku yavo, ava Baba wange yalombera.”

Yohana 10:18

Siaveeye nu mundu unyala kunyagalivamwoyo liange; inzi mwene nzihaanaa. Mbeeye nu vunyali vwu kwihana mwene kwitwa, kandi vunyali vwu kuva mwoyo kandi. Yaga nigo aga Baba yandaga kokora.”

Yohana 17:3

Livamwoyo litahera mba liveeye kovora limanya ivi, Nyasaye wiligali yeng'ine, kandi kumanya Yeso Kristo, uwa ivi watuma.

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

Varumi 8:29

Yavo ava Nyasaye yatovola kutura mu litanga nivo ava yaahula vaduuki kuva kuli Mwana weve, kunangwa Mwana aduuki kuva wu kutanga hagati ha vamwavo vanyingi.

Varumi 8:36

Kuli Mang'oda Matakatifu gavoora, “Kigira ivi, kwitwa umbasu beyi; koveeye kuli amagondi gu kwitwa.”

2 Vakorintho 1:10

Nyasaye yakohonyia kutura mu vuhimwa vonene ligali vwi likuza, kandi alakohonyia; kunyi kumali kuviika lisuuvirizwa lietu muye ndi alahonyia kunyi kandi,

2 Vakorintho 1:5

Yee, kuli kusangaa muvusaliri vunyingi vwa Kristo, kandi ndio, kuvitira mu Kristo, kusangaa mu vokonyi vonene vwa Nyasaye.

2 Vakorintho 13:4

Kali ni yavambwa mu vodedekere, navuzwa kalunu aveeye mwoyo kuzinguru zia Nyasaye. Kigira kunyi kandi koveeye avadedekere muye, navuzwa mu vikolwa vietu ni munyi, kulasanga mu zinguru zia Nyasaye mu livamwoyo lilie.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vagalatia 6:17

Kutura kalunu mundu woosi, atanyangiza mba, kigira ng'ingi ku muviri gwange zimbala zimanyia ndi mbeeye mutugwa wa Yeso.

Vafeso 4:13

Kandi ndio, kunyi kwosi kulakaze harara muvuhambani vwi lisuuvira lieta kandi mu limanya lietu liu Mwana wa Nyasaye. Kulakave avandu avahindira avadukanga ku kegero chu vuduukiru vwosi ovonyoleka mu Kristo.

Vafilipi 3:8

Yee, inzi ligali mbalizaa ivindu viosi kuva asara vuzwa kigira keveeye ho ikilahi ligali, nacho ni kumanya Kristo Yeso Mwami wange. Inzi ndasiuva vindu viosi kigira Kristo, mbalizaa ivindu yivi viosi kuva amandu vuzwa kunangwa nduhi nduuki konyoora Kristo.

Vakolosai 1:24

Kalunu sangala mu vusaliri vwange kigira munyi, kuvitira mu vusaliri vwange vwu muviri, ngonyanilaa cha ligala mu vusaliri vwa Kristo kigira muviri gwigwe, ogoveeye likanisa.

Vakolosai 2:13

Lwa mwaali nimwakuzira mu lihiola lienyu nu mulivula kokevwa miviri jinyu, Nyasaye yaarnuha livamwoyo harara na Kristo, yakusaameha uvwoni vwitu vwosi;

Vakolosai 3:1

Kunangwa ni muva ni mwasimugukizwa na Kristo, muviiki zing'anagani zienyu ku ivindu viveeye mwigulu, aha Kristo yikaye ha mukono mulungi gwa Nyasaye.

1 Petro 1:3

Yizominywi Nyasaye Baba wu Mwami wiitu Yeso Kristo! Kigira mu zimbavasi zizie zinene, yakuha livamwoyo lihia lwa yasimugukiza Yeso Kristo kutura mu likuza. Yaga goosi gakoheezaa lisuuvirizwa liveeye mwoyo,

2 Petro 1:13

Ng'anagana, nivulahi inzi kumwizuliza amakuva yaga lwa ngikiri mwoyo.

1 Yohana 2:3

Nikuva ni kolonda amalago ga Nyasaye, maku, koveeye na agiligali, ndi kwamumanya.

1 Yohana 2:5

Navuzwa ku vosi olondaa likuva lilie, vuyanzi vwivwe ku Nyasaye vuduukiziywi muye ligali. Nandio kunyala kuva na agiligali ndi, koveeye ni lisanga na Nyasaye.

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.