Vafilipi 2:16 - KITABU KITAKATIFU

¹⁶ lwa muva muvahezaa likuva lie livamwoyo. Nimuva nimukora ndio, inzi ndava ni kivuni chukwekonya kigira munyi Lidiku lia Kristo, kigira lilamanyia ndi ilinyang'ana liange liosi harara ni miyinzi josi sijali ja vuzwa mba.

Vafilipi 2:16 ပူးပေါင်းရင်းမြစ်များ

Zaburi 40:9

O, Yahova, Mu livugana lia avandu vovo. Inzi ndaavavoolera amakuva malahi ndi ivi okohonyiaa. Ivi umanyi vulahi ndi sindalekela livoora amakuva go vohonyi yivwo mba.

Zaburi 71:17

O, Nyasaye, ivi wamala kunzigiza vikolwa viokogenyia kutura lwa ndaali mwana, kandi ngizizagiliraa kulandiza makuva gi vikolwa vivio viokogenyia.

Isaya 49:4

Inzi ndaavoora, “Ndaakola minyinzi, navuzwa jiveeye vuzwa! Ndaatumikira zinguru ziange ku miyinzi, navuzwa sindaakonya kindu kali hakuzu mba.” Kali ndio ndaasuuvira Yahova Nyasaye wange, alamba amadanyi ku likora liange.

Matayo 10:27

Aga inzi muvooleraa mu kisundi, mulakagavoole havulavu; na aga muhulira nigamonywa, mulakagavoole imbiri wa avandu vosi.

Luka 12:8

“Agiligali muvooleraa, mundu woosi ulinziyama havulavu imbiri wa avandu, inzi nu Mwana wa Adamu, ndakamwiyame imbiri wizingelosi va Nyasaye.

Yohana 6:63

Roho wa Nyasaye niyie uhaanaa livamwoyo, zinguru ziu mundu si zinyala kindu mba. Amakuva ga inzi mali kumuvolera nigo galetaa Roho wa Nyasaye galetaa Roho wa Nyasaye uhaanaa livamwoyo.

Yohana 6:68

Simoni Petero yativura, “Mwami, kuzie ku vwaha? Ivi oveeye na makuva gahaanaa livamwoyo litahera mba.

Vikolwa 13:26

“Avandu va Isiraeli vache vange, munyi kisukururwi cha Aburahamu, na avizihiiri vosi avasigamiraa Nyasaye! Likuva lio vohonyi yili lileeteywi ku kunyi.

1 Vakorintho 1:8

Oyo alamudinyiriza muve ni zinguru mu lisuuvira kuduuka ku keheri, muduuki konyooleka vugira imbara ku Lidiku lie likalagirwa liu Mwami wiitu Yeso Kristo.

1 Vakorintho 9:26

Yiki nicho kigira ninyagula vulungi kuduuka hukumalirizira; yiki nicho kigira nimbeeye kuli mulwaani, utagotizaa zinguru zizie ku liduyaduya mwika vuzwa.

2 Vakorintho 1:14

kuli mumali kumanyiriza kunyi hakekeke vuzwa, ndi munyala kwekonya kigira kunyi kuli kunyi kunyala kwekonya kigira munyi, ku Lidiku lie liza liu Mwami wiitu Yeso.

Vagalatia 2:2

Ndaazia kigira Nyasaye yambolera nzie yo. Mu livugana lia aviimiliri veng'ine, ndaavivaalira makuva gi Ivangeri ya ndilwaza ku vandu vizihiiri. Ndakora ndio kigira ndeenya miyinzi jange ja ndaali nindakola kale ni ja ngolaa kalunu jivuli kwoneka.

Vagalatia 4:11

Mbeeye ni lihenda mwoyo kigira munyi, gase miyinzi ja ndakora hagati hinyu jilagota vugira vukala kandi jive hazwa.

Vafilipi 1:10

kunangwa muve avanyala kotovola ivindu viveeye ivilahi ligali. Maku mulava vavoholore kandi avataveeye nimbara yoosi ku Lidiku lia Kristo.

Vafilipi 1:6

Mbeeye ni lisuuvira ligali ndi Nyasaye watanga miyinzi milahi yiji mu munyi, alazizagilira najo kuduuka ajitwekizi ku Lidiku lia Kristo Yeso.

1 Vatesalonike 2:19

Nivwaha oveeye lisuuvirizwa lietu anoho uvusangari vwitu, anoho itaji yu kwiyizominya imbiri wu Mwami Yeso mu liza lilie? Simuveeye ni munyi!

1 Vatesalonike 3:5

Ku kivuni yiki, lwa ndaali si nyara, ndatuma Timateo, kunangwa nduuki kumanya kuli lisuuvira lienyu liveeye. Ndaali nuvuti, namusia mugerizi wamugeriza munzira yoosi, na miyinzi jietu ja kwa kola hagati hinyu jive ja vuzwa.

Vahebraina 4:12

Likuva lia Nyasaye liveeye mwoyo, kandi liveeye nizinguru, kandi liveeye liugi kuvita kivavi chu vwugi zimbega ziombi. Litumitaa kuduuka hu mwoyo na roho viaganiraa, kuduuka hi viungu nuvuhaale viaganiraa. Likalagira liegomba kandi zing'anagani ziu mwoyo gwu mundu.

1 Petro 1:23

Kuvitira mu likuva lia Nyasaye iliveeye mwoyo kandi ilihindiraa mihiga ni mihiga, munyi mumali kwivulwa kaviri kuli avana vu mwivuli utakuzaa.

1 Yohana 1:1

Kumung'oderaa munyi kolondekana ni Likuva lie livamwoyo iliali ho kutura mu litanga. Kwalihulira kandi kwalilora kunyi aveene, moni na moni; Yee, kwalilola kandi kwagumira kulio na amakono giitu.

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.