Vafeso 6:17 - KITABU KITAKATIFU

¹⁷ Mwiviki igudwa yo vohonyi, kandi muvuguli kivavi cha Roho Mutakatifu, nacho ke veeye likuva lia Nyasaye.

Vafeso 6:17 ပူးပေါင်းရင်းမြစ်များ

2 Samweli 22:36

Ivi ombeeye inguva yu vuguuti kandi ovokonyi vuvwo vokoli inzi munene ligali.

Isaya 49:2

Yakola amakuva gange kuva amuugi kuli kivavi. Yaambisa muchiriri chu mukono gwigwe. Kandi yangola kuva kuli muvano gwu vuta, ogoveeye umwugi kandi gwetegeki kutumika.

Isaya 59:17

Aliviika likalaga lirungi kuli likoti lie salamba, na zinguru ziovohonyi kuli igudwa. Aliiviika umwene uvugulu vonene kulungikiza ivindu kandi ukuhaana mageri nukuvaanza kisaalia cha vandu vasalira.

Hosea 6:5

Kunangwa inzi mali kutuma avaporofeti vange ku munyi na makuva gange kumukalagira kandi kumudiviza. Aga inzi nyenya kutura kumunyi ni yaga:

Zekaria 4:6

Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Matayo 4:4

Navuzwa Yeso yativura, “Gang'odwa mu Mang'oda Matakatifu, ‘Mundu sianyala kuva mwoyo kigira uvuchima vwenyine, navuzwa na makuva goosi agatulaa mu munwa gwa Nyasaye.’ ”

Matayo 4:7

Yeso yamuvolera, “Kandi gang'odwa, ‘Utageriza Mwami, Nyasaye woovo mba.’ ”

Vafeso 5:26

Yakola yaga aduuki kulitakasa ku Nyasaye ni likuva lilie, lwa mali kulinihiza na amazi

1 Vatesalonike 5:8

Navuzwa, kunyi koveeye avumbasu, gakuduukiraa kove no vogeri. Kuduuka kwiviiki lisuuvira nu vuyanzi, kuli isalamba kandi lisuuvirizwa lietu lio vuhonyi kuli igudwa siyakotovola.

Vahebraina 4:12

Likuva lia Nyasaye liveeye mwoyo, kandi liveeye nizinguru, kandi liveeye liugi kuvita kivavi chu vwugi zimbega ziombi. Litumitaa kuduuka hu mwoyo na roho viaganiraa, kuduuka hi viungu nuvuhaale viaganiraa. Likalagira liegomba kandi zing'anagani ziu mwoyo gwu mundu.

Vahebraina 6:5

Vamala kumanya vulahi vwi likuva lilahi lia Nyasaye, ni zinguru zie zing'inga ziza;

Likunula 1:16

Mu mukono gwigwe umulungi yaali ni zing'ereng'ani saba. Kivavi ichuugi izimbega ziombi chatula mu munwa gwigwe. Na mu moni mwimwe mwang'ereng'ana kuli liuva mbasu hagati.

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Likunula 2:16

Kalunu wiganiri kutura mu vwoni vuvwo. Nuuva nutiganira, ndaaza vwangu ku ivi nu kulwaana na avandu yavo ni kivavi kitulaa mu munwa gwange.

1 Samweli 17:5

na yiviika likoti liu mugasa liuvulitu vwi zikilo amusini na saba, kandi igudwa yumugasa.

1 Samweli 17:58

Saolo yamuteeva, “Muyaayi, ivi oveeye muyaayi wa Vwaha?” Daudi yativura, “Inzi mbeeye muyaayi wu mutumikiri woovo Jese kutura mu lidaala lia Bezelehemu.”