Vafeso 6:12 - KITABU KITAKATIFU

¹² Uvulwani vwitu sivoveeye ku avandu, navuzwa ku mahi ga mademoni gu muvwerefu, uvwamihi, uvunyali kandi ku yavo avamiiha kivala chi kisundi yiki,

Vafeso 6:12 ပူးပေါင်းရင်းမြစ်များ

Ayubu 2:2

Yahova yateeva Setani, “Ivi utura haliha?” Setani yamutivulira, “Inzi nduraa kogendagenda yiyi ni yiyi nokovodong'ana mu kivala.”

Matayo 16:17

Yeso yativura, “Oveeye nuvugasu ivi Simoni umwana wa Yohana kigira siaveeye umundu ukuvuuliyi agiligali yaga, nitali ni Baba wange oveeye mwigulu.

Marko 4:19

navuzwa uvunyang'ani vwi lirova yili, iliegomba liu vutugi, harara ni liegomba lie vindu vindi viosi vingira muye mavikunika likuva zana; na kigira yaga goosi ilikuva zana silinyala kwama amakuyu mba.

Luka 13:24

“Mukore zinguru kwingira mukiliango keng'erere; kigira avandu vanyingi valageriza kwingira mu Vwami vwa Nyasaye navuzwa sivalinyala mba.

Luka 22:53

Lwa ndaali harara ni munyi kazozo mu Litembeli si mwanyiira amakono ginyu kung'umira mba. Navuzwa yiyi ni isa yinyu, kokora agamwenyaa, lwa zinguru zie kisundi ziamiihaa.”

Yohana 12:31

Kalunu ni ing'inga yi likalagirwa lia avumukivala yiki. Kalunu Mwamihi munene wikivala yiki alakungwa.

Yohana 14:30

Sinyala komoloma ni munyi kandi ing'inga indambi mba, kigira Mwamihi wikivala yiki yaazaa.” Siaveeye nuvunyari ku inzi mba.

Yohana 16:11

Vaveeye avadamanu ku likalaga, kigira Nyasaye umali kukalagira umwamihi wa avumukivala yiki.

Vikolwa 26:18

Gakuduukiraa ukunuli zimoni ziavo, kandi uvakole vatuli mu kisundi vingiri mu vulavu; vatuli mu zinguru zia Setani, vazie ku Nyasaye; kuvitira mu lisuuvira liavo mu inzi valasamifwa vwoni vwavo, nukuvugula vwiyangu hagati havandu vatovole va Nyasaye.’

Varumi 8:38

Kigira manyi ligali ndi si keveeye ho ni kindu kinyala kukwavukanyia kutura ku vuyanzi vwa Nyasaye; kali niliva ni likuza, anoho livamwoyo, anoho zingelosi anoho avamihi vumuvwerefu anoho zinguru ziu mwigulu, anoho vindu viveeye ho anoho viza kokoleka,

1 Vakorintho 15:50

Kunangwa muvooleraa yaga avaamitu vange, inyama na masahi sivinyala konyoora vwami vwa Nyasaye mba; kandi vwoneku sivunyala konyoora vutaveeye uvwoneku mba.

2 Vakorintho 11:14

Sigaveeye gokogenyia kandi, kigira kali Setani yigirung'anyia umwene ave kuli engelosi yu vulavu!

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Vagalatia 1:16

kuvuula Mwana weve ku inzi, kunangwa nduuki kwilwaza Ivangeri yeeye ku vandu vizihiiri, si ndaazia ku mundu woosi kwenya zing'anagani mba;

Vafeso 1:21

Kristo yamiha yo igulu wa avamihi vosi vu mwigulu, vunyali, zinguru, kandi avami, aveeye nidaraja eveeye enene ligali kuvita zidaraja ziu vunyali ziosi zinyala kovoolwa mu lirova yili kandi mulirova lizaa.

Vafeso 1:3

Lizominywa live ku Nyasaye Baba wu Mwami wiitu Yeso Kristo, uwagasiza kunyi nuvugasu vwosi vwu mu Roho uvutulaa mwigulu kuvitira mu Kristo.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vafeso 3:10

kunangwa ku ing'inga ya lero, kuvitira munzira yi likanisa, zingelosi vamiihi, kandi vaveeye ni zinguru mwigulu vaduuki kwiga kuli Nyasaye aveeye mugeri mu liiva liosi.

Vakolosai 1:13

Nyasaye yakohonyia kutura mu Zinguru zie kisundi, nakoleeta mu mirembe mu Vwami vwu Mwana weve umuyanze;

Vakolosai 2:15

Kristo uguuti roho jamiihaa vwerefu ni lirova kandi uvunyali vwosi uvivuuyi havulavu, uvimiliyi kuli vahambe mu liguuta lilie.

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Vahebraina 12:4

Mu lihandalala kuguuta vwoni, mukikiri kulwaana nukuhingira vwoni kuduuka ku kika chu kwitwa;

1 Petro 3:22

naye umali kuzia mwigulu ku mukono mulungi gwa Nyasaye, yamiha zingelosi harara nu vunyali kandi zinguru ziosi ziu mwigulu.