Vafeso 6:10 - KITABU KITAKATIFU

¹⁰ Agekeheri, avaamitu vange muve nizinguru mu Mwami kandi mu vonene vwi zinguru zizie.

Vafeso 6:10 ပူးပေါင်းရင်းမြစ်များ

1 Kyetsinyinga 28:10

Kunangwa kuduuki kumanyiriza ndi Yahova umali kotovola ivi ukwumbaka Litembeli lilie litakatifu. Kalunu uve mugulu ma wumbake Litembeli nu mwoyo gwugwo gwosi.”

1 Kyetsinyinga 28:20

Mwami Daudi yavolera muyaayi weve Solomoni, “Uve mugulu kandi muluviliri. Tanga likora miyinzi na utaleka kindu kali kilala kukusingiriza mba. Yahova Nyasaye wange, alava harara nivi. Yahova si alakoleka mba. Alava nivi kuduuka lwi miyinzi yigi josi jiu vwumbaki vwi Litembeli lilie gitweeka.

2 Kyetsinyinga 15:7

Navuzwa muve avaluviriri na mutava avadedekere mba. Mulanyola amadanyi ku miyinzi jia mukora.”

Zaburi 138:3

Lwa ndaanira ku ivi, waandivulira; ivi umali komeeda inzi zinguru.

Isaya 40:28

Munyi mukikiri kuhulira? Kandi mukikiri kumanya? Yahova aveeye Nyasaye wi mihiga ni mihiga; uwalomba ligulu ni lirova. Sialuhaa anoho siakuzaa umwoyo mba. Siaveeye ho mundu umanya zing'anagani zizie mba.

Isaya 40:31

Navuzwa yavo avasuuviraa mu Yahova kigira vokonyi valanyora zinguru ziavo uvuhia. Valaburuka nizimbaha kuli kihungu; valanyagula na si valaluha mba, valagenda na sivalava vadedekere mba.

Haggai 2:4

Navuzwa kalunu kali mundu mulala ku munyi atakuza mwoyo mba. Mukore miyinzi kigira mbeeye harara na munyi.

Zekaria 8:13

Avandu vi Ivuyuda kandi avandu va Isiraeli! Mumadiku gaavita vageni vaalaamana ni vavoola, ‘Kivi kilala chere chaduuka ku vivala vie Ivuyuda na Isiraeli kimuduukili.’ Navuzwa ndakamuhonye, maku vageni yavo valakavoolerane, ‘Mwaza nyora vugasu vwi Ivuyuda na Isiraeli vanyoola!’ Kunangwa muve avaluviriri kandi mutatia mba.”

Zekaria 8:9

“Muve nuvuluviliri! Kalunu muhulira makuva malala mere gavaporofeti vamoloma ing'inga yu muse gwi litembeli liange gwaali gwumbakwa vuhia.

1 Vakorintho 16:13

Mulindi, musingiri vudinyu mu lisuuvira lienyu, muve valuviriri, kandi muve ni zinguru.

2 Vakorintho 13:11

Mulimalirika avaamitu vange, mutigale! Mwenye vudukiru; muhuliri ligoonya liange. Muhulirizane aveene na vene; mumenye mu mirembe. Nyasaye wuvuyanzi kandi wi mirembe ave harara ni munyi.

Vafeso 1:19

Kandi muduuki kumanya kuli ovonene vwi zinguru zizie vuyinziraa mu kunyi avakusuuviraa. Zinguru yizi ziyinziraa mu kunyi yizio, ziveeye zindala nzere kuli zinguru zinene ligali,

Vafeso 3:16

Inzi saalanga ku Nyasaye kutura ku vuhinda vwu vukumi vwivwe ahaane zinguru kumunyi kuvitira mu Roho weve, muduuki kuva nizinguru mu liiva lienyu liu mugati.

Kwidzulitsa 31:23

Maku Yahova yamoloma ku Joshua, mwana wa Nuni namuvolera, “Ove umugulu kandi muluviliri. Ulimilira avandu va Isiraeli kuduuka mu kivala cha ndavasuuviriza, na Inzi ndava harara niivi.”

Vafilipi 3:1

Mulimala, avaamitu vange, musangare mu Mwami. Sivoveeye uvudinyu ku inzi ukwirana kumung'odera ivindu vilala viere, navuzwa vwakaveeye vulahi ku munyi, niiva inzi ngola ndio.

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Vafilipi 4:8

Mu limaliriza avaamitu vange mukore zing'anagani zienyu ziizuli ni vindu viveeye vilahi kandi ividukanaa vinyoole lizominywa; vindu viveeye vie ligali, viu vulungi, ivisereze, viu kuyaanziza kandi viu luyali.

Vakolosai 1:11

Mudinyirizwi ni zinguru ziosi kolondekana novukumi vwi zinguru zizie kuduuka ku vwikuziri vwosi novohocha vwosi harara nu vusangali;

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

1 Petro 3:8

Kumaliriza; munyi mwosi gamudukira muve ni lienya lilala kandi iliiva lilala, muyaanzane kuli avamwavo nu kuva nu mwoyo mulahi kandi mwegehizi vene na vene.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.

1 Petro 5:10

Navuzwa ni mwakasalira hakekeke, Nyasaye wi zimbavasi ziosi, uwalanga munyi kusanga mu vukumi vwivwe vwi mihiga ni mihiga mu Kristo, alamukola muve vaduukiru kandi alamudinyiriza nu kumuviika zinguru kandi ku musingi mudinyu.

1 Yohana 2:14

Ng'oderaa munyi avababa, kigira mumanya Baba. Ng'odera munyi, avasoleri kigira muveeye ni zinguru, kandi likuva lia Nyasaye limenya mu munyi; kandi mumali kuguuta mudamanu.

1 Samweli 23:16

Jonazani yazia yo kuye naamudinyiriza nukumusuuviriza kigira likingwa lia Nyasaye,