Vafeso 5:28 - KITABU KITAKATIFU

²⁸ Na ndio kandi avasaza kuduuka vayanze avakali vaavo kuli vayaanza miviri jaavo aveene. Musaza uyanza mukali weve, yiyanzaa mwene.

Vafeso 5:28 ပူးပေါင်းရင်းမြစ်များ

Matayo 19:5

kandi Nyasaye yavoola, ‘Kigira yaga musaza alaleka baba na mama weve, kandi ahambane nu mukali weve; navo vaviri valagwa muviri mulala’

Vafeso 5:25

Avasaza muyanze avakali vinyu kuli Kristo yayanza likanisa naalikuzira.

Vafeso 5:29

Sihaveeyeho nu mundu ku vosi uvihiliraa inyama yu muviri gwigwe mwene mba; navuzwa agulihizaa kandi agodenda, kuli Kristo adendaa likanisa,

Vafeso 5:31

Kuli Mang'oda Matakatifu gavoora, “Kigira yaga, musaza alaleka baba na mama weve naye alahambanywa nu mukali weve. Yava vaviri valagwa muviri mulala.”

Vafeso 5:33

Gaveeye ndio ku ivi; kandi musaza sa mulala ayaanze mukali weve kuli mwene yiyaanza, kandi mukali kuduuka ahaane luyali ku musaza weve.

1 Petro 3:7

Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.