Vafeso 5:25 - KITABU KITAKATIFU

²⁵ Avasaza muyanze avakali vinyu kuli Kristo yayanza likanisa naalikuzira.

Vafeso 5:25 ပူးပေါင်းရင်းမြစ်များ

Litanga 2:24

Yiki nicho kigira musaza naleka baba weve kandi mama weve ma ahambana nu mukali weve ma vombi vaagwa inyama indala.

Litanga 24:67

Maku Isaka yavugula Rabeka naamuhira mu lihema lia Sara mama weve yaamenyaamu; ma yagwa mukali weve. Isaka yayanza Rabeka ligali. Kunangwa Rabeka yaaleminya Isaka mwoyo ku likuza lia mama weve.

2 Samweli 12:3

navuzwa mudaka yaali niligondi lilala lieng'ine vuzwa lia yaali niyagula. Yalilinda vulahi ligali na liavirukira hango hehe harara na avana veve. Yaali anyala kulilihiza kali ni vilala ku viukulia vivie, kulileka linwere amazi mu kekombe chiche, kandi alilera kumagulu geege. Ligondi yili liali kuli mukaana weve.

Lwimbu lwa Solomoni 1:11

Navuzwa kulakolombera munyororo gwi zahabu, nigusihiywi ni ifeza.

Matayo 20:28

kuli Umwana wa Adamu, siyaaza kutumikirwa, navuzwa kutumika nu kuhaana livamwoyo lilie kohonyia avandu vanyingi.”

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

Vagalatia 1:4

Kristo yihaana umwene kigira uvwoni vwitu kolondekana nu vulaliri vwa Nyasaye oveeye Baba wiitu, aduuki kokohonyia mu likula lidamanu lia kalunu yili.

Vagalatia 2:20

Ndaavambwa harara na Kristo ku musalaba, na kalunu mbeeye mwoyo. Siaveeye ni inzi oveeye mwoyo navuzwa ni Kristo oveeye mwoyo mu inzi. Livamwoyo lia mbeeye nalio kalunu yili, mbeeye nalio mu lisuuvira; lisuuvira mu Mwana wa Nyasaye, uwanyaanza kuduuka nahaana livamwoyo lilie kigira inzi.

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafeso 5:24

Kuli likanisa liegehiziraa Kristo, kandi ndio kuduuka avakali vegehizi ligali ku vasaza vaavo mu vindu viosi.

Vafeso 5:28

Na ndio kandi avasaza kuduuka vayanze avakali vaavo kuli vayaanza miviri jaavo aveene. Musaza uyanza mukali weve, yiyanzaa mwene.

Vafeso 5:33

Gaveeye ndio ku ivi; kandi musaza sa mulala ayaanze mukali weve kuli mwene yiyaanza, kandi mukali kuduuka ahaane luyali ku musaza weve.

Vakolosai 3:19

Munyi avasaza, muyanze avakali vinyu, mutava valulu kuvo mba.

1 Petro 3:7

Munzira ndala nzere munyi avasaza gamudukira mumenye vulahi na vakali vinyu ni mu manya ndi vaveeye avadedekere. Muvalindi vulahi nu kuvaha uluyali, kigira munyi harara navo mulanyola kihanwa cha Nyasaye chi livamwoyo. Mukore ndio, kunangwa lisaala lienyu livuli kogoyaana.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.