Vafeso 5:21 - KITABU KITAKATIFU

²¹ Mwegehizirane aveene naveene mu liitia Kristo.

Vafeso 5:21 ပူးပေါင်းရင်းမြစ်များ

Litanga 16:9

Engelosi yamuvolera, “Wirane ku munene woovo ma wegehizi kuye.”

1 Kyetsinyinga 29:24

Avanene vosi na avasikari, kandi na vayaayi vandi vosi va Daudi visuha kuva avasuuvirifu ku Solomoni kuli mwami.

2 Kyetsinyinga 19:7

Kunangwa kalunu, muhaane ku Yahova luyali, mwilindi ku goosi aga mukoraa, kigira Yahova Nyasaye wiitu sialiikuzira ku lichaminya uvulungi, anoho liyanzilira magondo mu likalaga, anoho livugula vikukula.”

Nehemia 5:15

Navuzwa vuli mwamihi uwaali imbiri wange waali musigo muliduhu ku avandu na vateva vahevwe vidonye arubaini viefeza ku vuli lidiku komeeda ku chukulia ni iwaini. Kali avatumikiri vaavo vadambiza avandu. Navuzwa inzi ndakora lugano kutura kuvo, kigira ndaatia Nyasaye.

Nehemia 5:9

Maku ndavoora, “Icha mukoraa keveeye kidamanu! Muduukana mutie Nyasaye na mukore agaveeye malungi. Maku simulahana ku avizihiiri kivuni choosi icha vakokolera kehenyahenye mba.

Tsing'ano 24:21

Mwana wange utie Yahova kandi uhaane luyali ku mwami. Utahambana na vandu vibaara kuvo mba.

1 Vakorintho 16:16

Mugoonyaa, avaamitu vange, mwegehizi kandi mulonde vwimiliri vwa vandu kuli yavo, nu vwimiliri vwa vuli mundu okolaa imiyinzi kandi utumikaa harara navo.

2 Vakorintho 5:11

Kigira kunyi kumanyi uvulahi vwu kutia Mwami, kogerizaa kokora zinguru kogoonya avandu vavugiliri uvusuuvirifu vwitu. Nyasaye amanya kunyi ligali, ninzi mbeeye ni lisuuvira ndi, mu zing'anagani zie mioyo jinyu, munyi mwamanya inzi vulahi.

2 Vakorintho 7:1

Avalina vange vayaanze, lisuuvirizwa yili liosi lilomberwa kunyi. Kunangwa, gendi kwitakase kutura mu vudamanu vwosi vwu muviri, anoho vwu mu mioyo jietu, kove vatakatifu ligali, na komenye mu liitia Nyasaye.

Vagalatia 5:13

Avaamitu vange, munyi muve vavoholore. Navuzwa ovovoholore vwinyu vutahaana uvwiyangu vwi liegomba liu muviri kumwamiiha mba, navuzwa mutumikirane aveene naveene mu vuyanzi.

Vafeso 5:22

Munyi avakali, mwegehizi ku vasaza vinyu kuli munyala kwegehiza ku Kristo.

Vafeso 5:24

Kuli likanisa liegehiziraa Kristo, kandi ndio kuduuka avakali vegehizi ligali ku vasaza vaavo mu vindu viosi.

Vafilipi 2:3

Mutakola kindu kali kilala kuturana ni liegomba lie vindu vie kivala anoho iliekonya lia vuzwa mba, navuzwa muve ni liegehiza aveene naveene. Vuli kazozo, muganagane avandi kuva avalahi kuvita munyi.

Vahebraina 13:17

Muhuliri aviimiliri vinyu, kandi mwegehizi ku malago gaavo. Valinda kazozo vugira lisosa, kigira kuduuka valahaane ku Nyasaye makuva gu vutumiki vwavo. Nimuvahulira, valakola miyinzi jaavo nuvusangali; nigataveeye ndio, valajikola novovereri, nandio sigalava novokonyi ku munyi mba.

1 Petro 2:13

Mwegehizi ku malago goosi ga avandu kigira Mwamihi. Mwegehizi kali ku yavo avamiiha mu kivala.

1 Petro 2:17

Muhaane uluyali ku vandu vosi; muyanze avaamitu avasuuviraa; muhaane luyali ku Nyasaye, kandi mutie mwamihi munene wamihaa ikivala.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”