Vafeso 5:20 - KITABU KITAKATIFU

²⁰ Mwizominye kandi muhaane lisandiza kazozo ku Baba Nyasaye kigira vindu viosi mu lieta liu Mwami wiitu Yeso Kristo.

Vafeso 5:20 ပူးပေါင်းရင်းမြစ်များ

Ayubu 1:21

Yavoola, “Inzi ndiivulwa vugira kindu, kandi ndakuza vugira kindu. Yahova yahaana kandi Yahova uvuguyi. Lieta lia Yahova lizominywi.”

Zaburi 34:1

Inzi ndasandiza ku Yahova vuli kazozo, si ndalekera kumwizominya mba.

Isaya 63:7

Ndavolera avandu amakuva gu vuyanzi vwa Yahova uvutali ne kegero. Ndamwizominya kolondekana ku goosi aga Yahova amali kokolera kunyi. Yee, umali kokora ivindu vinyingi ku vandu va Isiraeli; kolondekana ni livererera lilie kandi kuli zimbavasi zizie zitahera.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Vikolwa 5:41

Kunangwa avatumwa vaatura mu kiyaalo ni vayaanza ligali kigira Nyasaye yalora sivadukanaa kuvikwa mu zisoni kigira lieta lia Yeso mba.

Varumi 1:8

Ndanga kusandiza Nyasaye wange kuvitira mu Yeso Kristo kigira munyi mwosi, avandu vanyingi mu lirova liosi vamali kuhulira amakuva gi lisuuvira lienyu.

1 Vakorintho 1:4

Sandizaa Nyasaye wange kazozo kigira zimbavasi ziamali kuhaana ku munyi kuvitira mu Kristo Yeso.

1 Vakorintho 15:24

Maku ekeheri kilakaduuki; Kristo alakadivizi mademoni gamiihaa mu vwerefu goosi, vuvunyali vosi, harara na vizingulu vosi, kandi alakahaane uvwami ku Nyasaye Baba.

Vafeso 5:4

Kifavwi, anoho amakuva gi zisoni nu guvusiru, anoho amahing'ani, anoho zimbaka, sividukana munyi kuvitivula mba, navuzwa nivulahi musandizi Nyasaye.

Vafilipi 1:3

Sandizaa Nyasaye wange zing'inga ziosi lwa nzizuliza munyi.

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

Vakolosai 3:17

Ku viosi via mukoraa anoho mulivoola, mukore viosi mu lieta liu Mwami Yeso, musandizi Nyasaye Baba kuvitira mu uyu.

1 Vatesalonike 3:9

Kalunu kunyala kusandiza Nyasaye wiitu kigira munyi. Kumusandiza kigira vusangali vwa koveeye navwo imbiri wa Nyasaye wiitu kigira munyi.

1 Vatesalonike 5:18

Musandizi Nyasaye ku vindu viosi kigira yivu voveeye uvulariri vwa Nyasaye ku munyi mu Kristo Yeso.

2 Vatesalonike 1:3

Avaamitu viitu, gakuduukiraa kusandizi Nyasaye ku kazozo kigira munyi. Gaveeye amalungi ku kunyi kokora ndio, kigira lisuuvira lienyu limedeka ligali. Kandi uvuyanzi vwu mundu sa mulala aveeye navwo ku wache vomedeka.

2 Vatesalonike 2:13

Navuzwa gakuduukiraa kuhaana lisandiza ku Nyasaye kazozo kigira munyi, avaamitu, munyi avu Mwami ayaanza. Nyasaye yatovola munyi kutura ing'inga yukutanga mu nyoore ovohonyi mu litakaswa lia Roho nu mu lisuuvira agiligali.

Vahebraina 13:15

Gendi kuvitiri mu Yeso, kuhaane ku Nyasaye kisiuviriru chi lizominya lietu kazozo, agaveeye kovora, kisiuviriru kihaanangwa ni minwa jiyama lieta lilie kuli Mwami.

1 Petro 2:5

Munyi muveeye, kuli amagina ga veeye mwoyo, agumbakiywi kuva Litembeli Litakatifu, kuva avasaalisi vatakatifu, avahaana ivihaanwa via Roho, ivivugilirwa imbiri wa Nyasaye mu Yeso Kristo.

1 Petro 4:11

Mundu woosi naava niyilwaza, gamudukira yilwaaze likuva lia Nyasaye amali kumuha; uyu utumikaa, atumiki mu zinguru zia Nyasaye amuhezaa. Kunangwa mu vindu viosi, Nyasaye aduuki kwizominyirwa kuvitira mu Yeso Kristo, udukana anyoore uvukumi kandi zinguru mihiga ni mihiga. Amini.