Vafeso 5:19 - KITABU KITAKATIFU

¹⁹ Muvolerane aveene naveene makuva gi zizaburi, muzinyimbu kandi mu zinyimbu zindakatifu. Mwimbi zinyimbu kandi zizaburi ku Mwami ni lizominya mu mioyo jinyu ku Mwami.

Vafeso 5:19 ပူးပေါင်းရင်းမြစ်များ

Zaburi 147:7

Mwimbiri Yahova zinyimbu zie liizominywa; mwimbiri Nyasaye wiitu zinyimbu ku vukana.

Zaburi 62:8

O, munyi avandu vange, musuuviri mu Nyasaye zing'inga ziosi; mu muvoolere uvudinyu vwinyu vwosi Aveeye uvuhaliru vwitu vwi milembe.

Zaburi 86:12

O, Yahova Nyasaye wange nzizominya ivi nu mwoyo gwange gwosi, kandi ndalandiza ovonene vuvwo mihiga ni mihiga.

Zaburi 95:2

Kandi kuzie imbiri weve nilisandiza; Gendi kumwimbiri zinyimbu ziesango yilizominya.

Isaya 65:14

Valimba nu vusangali mu mioyo jaavo, navuzwa munyi mulalira kigira uvuzunu mu mioyo jinyu.

Matayo 15:8

‘Avandu yava, Nyasaye avoora, vanzizominya vuzwa ni minwa jaavo, navuzwa mu mioyo jaavo, vaveeye ihale ninzi.

Matayo 26:30

Maku viimba ulwimbu nukutura ichova kuzia mu Kiguru cha Mizeituni.

Vikolwa 16:25

Ahimbi vudiku hagati, Paolo na Sila vaali nivasaara nivimba zinyimbu ziu kwizominya Nyasaye, na avahambe vandi nivavahuliriza.

1 Vakorintho 14:15

Kunangwa ngoleki? Ndasaara na roho gwange, kandi ndasaara ni zing'anagani ziange; ndimba na Roho gwange, kandi nimba ni zing'anagani ziange.

1 Vakorintho 14:26

Kunangwa avaamitu vange, yaga nigo gamboolaa. Lwa muvugana harara kusaala, mulala yimbi ulwimbu, wundi ave ni kindu cha yigiza, wundi ave ni likuva kutura ku Nyasaye, wundi atumikiri kihaanwa cho komoloma mu zinimi zing'eni, na wundi agirung'anyie gavoolwa mu zinimi. Ivindu yivi viosi kuduuka vikoonye mu liumbaka likanisa.

Vakolosai 3:16

Muleke likuva lia Kristo limenye mu mioyo jinyu ligali. Mwigizane nokogerihizana aveene naveene mu vogeri vwosi. Mwimbi kandi zizaburi ni zinyimbu zindakatifu. Musandiza Nyasaye mu mioyo jinyu.

Yakobo 5:13

Aveeye ho nu mulala ku munyi oveeye mu vudinyu? Gamudukira asaale. Aveeye ho nu mulala ku munyi oveeye nu vusangali? Gamudukira yimbi zinyimbu ziu kwizominya.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.