Vafeso 5:15 - KITABU KITAKATIFU

¹⁵ Kigira yaga, muhenze vulahi kuli mumenyi. Mutamenya kuli avandu vasiru, navuzwa kuli avandu vovogeri.

Vafeso 5:15 ပူးပေါင်းရင်းမြစ်များ

2 Samweli 24:10

Navuzwa inyima wa Daudi yaali niyakamara livaliza, zing'anagani ziu mumwoyo gwigwe ziatanga limukubiza kivi kandi yavolera Yahova, “Mali kokora uvwoni vudamanu ligali, mu likora kindu yiki. Mwaza usamihi. Mali kokora vusiru.”

Ayubu 2:10

Ayubu yativulira mukali weve ndi, “Ivi omoloma kuli mulala ku vakali avasiru. Lwa Nyasaye ahaanaa vugasu ku kunyi, kuhaana lisandiza ni lizominya kuye, na chakaveeye ki kutange kwililira lwa aleetaa vudinyu ku kunyi?” Mu vudinyu nu vusaliri vwosi vwa Ayubu, siyavoola kindu kidamanu imbiri wa Nyasaye mba.

Zaburi 73:22

ndaali musiru kuli inyama yu mbulimu; sindakumanyiriza mba.

Kutwula 23:13

“Muhulirizi vindu viosi via inzi, Yahova, mali kovora ku munyi. Mutasaala ku vanyasaye vandi mba; kali mutatala amita gaavo mba.

Tsing'ano 14:8

Mundu mugeri atumikilaa ovogeri vwivwe kolola inzira yeeye, navuzwa vusiru vwu musiru vumuganda.

Tsing'ano 15:21

Avandu avasiru vayaanza vuyingu vwavo, navuzwa vandu avageri vakora kindu keveeye kilahi.

Matayo 10:16

“Mutumaa kuli amagondi hagati hi vivwi. Muve no vogeri kuli vwi zinzoka, na avahoma mu mioyo jinyu kuli amakuulu.

Matayo 25:2

Vatano kuvo vaali avasiru, na vatano vandi vaali avageri.

Matayo 27:24

Lwa Pilato yalora ndi sianyala kokora kindu, kandi iliyoga limeedeki, yavugula amazi niyisaava makono geege imbiri wi kiduma, navoora, “Inzi simbeeye nimbala ku likuza liu mundu mulungi uyu mba. Gaveeye ku munyi aveene.”

Matayo 27:4

Yavavolera, “Mali kokora uvwoni ku kuzaama umundu utaveeye na mahiolo akuzi!” Navuzwa vamuvolera, “Yago gaveeye ki ku kunyi? Agene yago nagoogo ivi umwene!”

Matayo 8:4

Ma Yeso ya muvooleraa, “Utavoolera umundu kali mulala, navuzwa uzie, wimanyie ku musaalisi, uhaane ivihaanwa via Musa yalaga keve ekelolero ku vandu ndi umali kohonywa.”

Luka 24:25

Yeso yavavolera, “Avandu avasiru munyi, avimioyo jiveeye midinyu kusuuvira viosi via vaporofeti vavoola!

1 Vakorintho 14:20

Avaamitu vange, mutava kuli avana mu zing'anagani zienyu mba. Muve kuli avana vadoto vatamanyi kindu ku lovega lwu vudamanu, navuzwa mu zing'anagani, gaduukanaa muve kuli vahindira.

Vagalatia 3:1

Munyi Avagalatia vasiru! Nivwaha wamuloga? Imbiri wi zimoni zienyu ziene mwivaalirwa havulavu kuli Yeso Kristo yakuza ku musalaba.

Vagalatia 3:3

Munyala kuva ndi avasiru kuli ndio? Munyi mwatangila mu zinguru zia Roho wa Nyasaye, kalunu mwenya kumalirizira mu zinguru zienyu ziu muviri?

Vafeso 5:2

Livamwoyo lienyu kuduuka liamiifwi nu vuyanzi kuli Kristo yakuyaanza nahaana livamwoyo lilie mwene kigira kunyi kuli kihanwa kifunyaa mwayu mulahi kandi sadaka yukuyaanziza Nyasaye.

Vafeso 5:33

Gaveeye ndio ku ivi; kandi musaza sa mulala ayaanze mukali weve kuli mwene yiyaanza, kandi mukali kuduuka ahaane luyali ku musaza weve.

Vafilipi 1:27

Kindu kenene keveeye ndi, liiva lie limenya lienyu lidukanaa live kuli Ivangeri ya Kristo yenya, kunangwa, kali niiva ndaza, anoho niimbura kuuza ndakahuliri ndi munyi mwasingira vudinyu harara kandi muveeye ni kivuni kilala. Nandio, mulava ni mulwaniraa uvulala vwi Ivangeri mu lisuuvira.

Vakolosai 1:9

Kigira yaga, kutura nikuhulira, amakuva ginyu kwamenya ni kumusaalira kazozo. Koteva Nyasaye aduuki kumukola Mwizuli limanya liu vulaliri vwivwe, no vogeri vwosi kandi ni limanyiriza liosi lia Roho weve ahaanaa.

Vakolosai 4:5

Muve no vogeri ku vandu avatasuuvira. Mutumikiri vwiyangu ni ing'inga ya muveeye nayo vulahi.

1 Vatesalonike 5:15

Muhenze mundu kali mulala atatuunga wundi kali mulala uvudamanu ku vudamanu mba navuzwa vuli kazozo, mukolerane vulahi vene na vene kandi ku vandu vosi.

Vahebraina 12:25

Muhenze vulahi, mutasuula kuhulira uyu omoloma. Yavo avasuuraa kuhulira wahaana likuva litakatifu kutura ku Nyasaye ku lirova, sivalahona mba. Kunyi kulahona ndi nikwiyahula kutura ku omoloma kutura mwigulu!

Yakobo 3:13

Nivwaha oveeye umugeri nuwilimanya hagati hinyu? Gamudukira avumanyie havulavu mu liiva lilie lilahi, kandi ivikolwa vivie ivilahi ivikolwa mu liegehiza no vogeri.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.