Vafeso 5:14 - KITABU KITAKATIFU

¹⁴ Kindu choosi ikivuuliywi havulavu kigwizaa uvulavu. Yiki nicho kigira nigavooleka, “Vuka, O, ivi ugonaa, simuguka kutura mu likuza, kandi Kristo alang'ereng'ana ku ivi.”

Vafeso 5:14 ပူးပေါင်းရင်းမြစ်များ

Isaya 26:19

Avandu viitu avamala kukuza valava mwoyo kandi! Miviri jaavo jilasimuguka? Yavo vosi avagonaa mu vilindwa viavo, valavuka nukwimba nuvusangali, kuli iliime lihemahema likindizaa lirova, nindio Yahova alakasimugukizi yavo vakuza kale.

Isaya 51:17

O, Jerusalemi, vuka! Vuka ivi mwene na usingiri vulungi! Ivi umali kunywa kutula mukekombe cha mageri icha Yahova amali kukuha mu vutima vwivwe; lwa mwakinywa mwagoyana.

Isaya 52:1

Avandu va Jerusalemi, muve nizinguru zinene kandi! Lidaala litakatifu lia Nyasaye, mwiviki munyi aveene vukumi! Avandu vatamanyi Nyasaye, sivalingira mu virivwa vivio kandi mba.

Isaya 60:1

Vuka ivi Jerusalemi, kandi ong'ereng'ane kuli liuva; uvukumi vwa Yahova vong'ereng'anaa ku ivi!

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.

Luka 15:24

Muyaayi wange uyu yaali yakuza, navuzwa kalunu aveeye mwoyo; yaali niyagota, navuzwa kalunu anyoleki!’ Maku vatanga kolomba lilia!

Yohana 8:12

Yeso yavavolera kandi, “Inzi niyie uvulavu vwa avumukivala. Uyu onondaa sialagenda mu kisundi mba, navuzwa alava nu vulavu vuhaana livamwoyo.”

Yohana 9:5

Ing'inga ya ngikiri mu kivala, mbeeye vulavu vwikivala.”

Vikolwa 13:47

Kigira Mwami yakulaga navoora ndi: ‘Mali kukotovola ove uvulavu vwi Zihiiri, uduuki koleta vohonyi ku lirova liosi.’ ”

Varumi 6:13

Anoho mutaleki kali kevero kilala chi miviri jinyu kuva kiju cho kokora vudamanu nuvwoni mba. Navuzwa mwihaane ku Nyasaye kuli vandu vasimugukizwa kutura mu vakuzu, muhaane vivero vienyu viosi ku Nyasaye ku kivuni chuvulungi.

1 Vakorintho 15:34

Mwirane mu zing'anagani zienyu zinuungi kandi muleke kokora vwoni kazozo. Valala ku munyi simumanyi Nyasaye ligali mba. Mboraa yaga, ku muviika mu zisoni!

2 Vakorintho 4:6

Nyasaye wavoola, “Leka vulavu vong'ereng'ane kutura mu kisundi,” niyie mulala mwere umali kwakiza vulavu mu mioyo jietu nokoleta limanya liu vukumi vwa Nyasaye uvwakaa mu moni mwa Yeso Kristo.

Vafeso 2:1

Maziambiri munyi mwaali avakuzu mu Roho kigira lihiola kandi uvwoni vwinyu.

Vafeso 2:5

ndi lwa kwaali avakuzu mu Roho kigira mahiolo giitu, yakokola kove mwoyo harara na Kristo. Gaveeye ku zimbavasi zia Nyasaye ndi munyi muhonyiywi.

Vakolosai 3:1

Kunangwa ni muva ni mwasimugukizwa na Kristo, muviiki zing'anagani zienyu ku ivindu viveeye mwigulu, aha Kristo yikaye ha mukono mulungi gwa Nyasaye.

1 Vatesalonike 5:6

kunangwa kutagona kuli avandi vakora, navuzwa kulindi kazozo kandi kove novogeri.