Vafeso 4:9 - KITABU KITAKATIFU

⁹ Kunangwa kalunu likuva yili, “Yanigira igulu” livoora ki? Gaveeye kovora ndi, kutanga yika ni yingira musi ligali mwi lirova.

Vafeso 4:9 ပူးပေါင်းရင်းမြစ်များ

Litanga 11:5

Maku Yahova yaza kutura mu ligulu kolola lidaala linene harara nu munara gwa vandu vaali ni vumbaki.

Zaburi 139:15

Lwa vigumba viange viali nivilombwa, nukuviikwa harara vulahi ligali munda mwa mama wange, lwa ndaali nimbirukiraa muvwivisu, ivi wamanya ndi mbeeye mu.

Zaburi 63:9

Navuzwa yavo avagerizaa kunzita, valazia musi mu kivala cha avakuzu.

Zaburi 8:5

Nitali walomba mundu kuva mukekeeke ku ivi Nyasaye, wamuvika itaji yu vukumi kandi yu luyali.

Kutwula 19:20

Yahova yasulunguta kutura kondongozi kwi kiguru cha Sinai, naalanga Musa kuzia kondongozi kwi kiguru. Musa yanigira mu kiguru

Tsing'ano 30:4

Nivwaha unyala kumanyiriza vogeri vwu mwigulu? Nivwaha wagumira ku vukindu mu makono geege: anoho nivwaha wavohera ku amazi mu zinguvu zizie? Nivwaha walomba keheri choosi chi lirova? Lieta lilie nivwaha kandi lieta liu mwana weve ni vwaha? Mbolera niiva umumanyi!

Isaya 44:23

Mwimbi nuvusangali, munyi ligulu! Muhanzuki munyi isi wi lirova! Muhanzuki nu vusangali, munyi vigulu O, munyi militu ni misaala josi ijiveeye mu, kigira Yahova umali kohonyia kisukururwi cha Yakobo; naye alakuminywa mu kivala cha Isiraeli.

Ezekieli 31:14

Kunangwa, kutura kalunu, si gulavaho musaala gwosi, kali gove nigwasamwa vulahi ligali, guliviruka kandi gutambiha ligali kuli musaala yigu mba. Anoho zisia ziagwo sizilakaviruki kuduuka mu malesi kuli yigu mba. Josi jilakakuzi kuli avandu vakuza ma vazia mu kivala cha vakuzu.”

Matayo 12:40

Kuli Jona yaali munda mwi isuzi enene madiku gavaga, mbasu nu vudiku, kandi nindio Umwana wa Adamu alava musi mwi lirova madiku gavaga, mbasu nu vudiku.

Yohana 20:17

Yeso yamuvolera, “Utang'umira mba; Ngikiri kwanigira igulu wa Baba. Navuzwa zia ku avamwavo vange uvavoolere, ‘Nzirana ku uyu oveeye Baba wange kandi Baba winyu; Nyasaye wange kandi Nyasaye winyu.’ ”

Yohana 3:13

Siaveeyeho nu mundu uwaazia kuduuka mwigulu, natali Mwana wa Adamu uwiika kutura mwigulu.”

Yohana 6:33

Kigira mugadi gwa Nyasaye ahaanaa goveeye uyu uturaa mwigulu kandi uhaana livamwoyo ku avumukivala.”

Yohana 6:38

Kigira inzi sindaaza kutura mwigulu kokora uvulariri vwange, navuzwa kokora uvulariri vwa oyo uwanduma.

Yohana 6:41

Avandu vatanga kwigana kigira yavoola ndi, “Inzi nigwo mugadi gwatura mwigulu,”

Yohana 6:51

Inzi mbeeye mugadi goveeye mwoyo, ugwatula mwigulu. Mundu ku vosi nalia mugadi yigu, alava ni livamwoyo litahera mba. Mugadi gwa ndihaana kigira livamwoyo lia avumukivala goveeye muviri gwange, ugwa mbana kigira livamwoyo lia avumukivala.”

Yohana 6:58

Maku, yigu nigwo mugadi gwatura mwigulu; sigoveeye mugadi gwa avaguuga vinyu valia nivakuza mba. Uyu ulia mugadi yigu alava ni livamwoyo litahera mba.”

Yohana 6:62

Galakave ndi, niiva mulilora Mwana wa Adamu ni yanigira kuzia uwa yaali maziambiri?

Yohana 8:14

Yeso yavativulira, “Kali niiva nzelolekiza inzi mwene, lilolekiza liange liveeye lia agiligali kigira inzi manyi wandatula nu wanzizaa. Navuzwa munyi simumanyi wandatula kandi wanzizaa mba.

Vahebraina 2:7

Wamukola ku ing'inga ngekeeke kuva mukekeeke ku Zingelosi. Wamuvika itaji yu vukumi kandi yuluyali,

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.