Vafeso 4:29 - KITABU KITAKATIFU

²⁹ Mutaleki likuva lidamanu kali lilala lituli mu minwa jinyu kali hakuzu mba, navuzwa muvoore makuva gaveeye malahi gukwumbaka gaduukanaa ni ing'inga yene yeyo, kandi gaduuki kuhaana zimbavasi kuyavo vagahulira.

Vafeso 4:29 ပူးပေါင်းရင်းမြစ်များ

Zaburi 45:2

Ivi oveeye musaza wi ligondo lilahi kuvita avandi vosi. Kandi oveeye mumolomi mulahi ligali Nyasaye akugasizaa kazozo.

Zaburi 5:9

Avasigu vange si vavola agiligali mba. Zing'anagani ziavo ziveeye ziu kwononyia, amakuva gaavo gaveeye gu vugadi kandi madoto, navuzwa galetaa likuza ligali ku vandu.

Zaburi 52:2

Ivi olohizaa muvwivisu kudiviza avandu vandi; lulimi lulwo loveeye kuli logembe lwugi. Ovola uvugadi vwere kazozo.

Zaburi 71:24

Inzi ndavoora amakuva gu vulungi vuvwo lidiku liosi, kigira yavo avagerizaa kusaliriza, vaguutiywi kandi vaaleganyiywi.

Tsing'ano 12:13

Mundu muchamu ategwa magumilwa na makuva geege mwene, navuzwa mundu musuuvirifu yituliza mu vudinyu.

Tsing'ano 15:23

Ni vusangali ki konyoora makuva gaduukanaa mung'inga idukanaa!

Tsing'ano 15:7

Limanya lilaandizwa na vandu vaveeye avageri, navuzwa sivulandizwa na vasiru mba.

Tsing'ano 16:21

Mundu mugeri amanyikanaa ku limanyiriza lilie. Amakuva geege manyingi malahi gamukolaa kuva wokogoonya.

Kohelethu 10:12

Chu mundu mugeri avoora kimuleteraa luyali, navuzwa musiru adivizwaa na makuva geege mwene.

Isaya 50:4

Yahova Nyasaye umali kumba amakuva gokovoola, kunangwa nduuki kuhaana zinguru kandi kudinyiriza avadedekere. Yambukizaa vuli mugambazuri, kunangwa nduuki kuhulira agazizaa kunzigiza.

Matayo 5:16

Munzira ndala nzere, kuduuka uvulavu vwinyu vumuliki imbiri wa avandu kunangwa vaduuki kolola miyinzi jinyu milahi, ma vizominyi Baba winyu oveeye mwigulu.

Luka 4:22

Avandu vosi vayanzizwa naye ni vagenya kigira makuva malahi gayavoola. Vavoola, “Uyu siaveeye muyaayi wa Josefu?”

Yohana 1:37

Lwa Aviigi vaviri yavo vahulira Yohana navoora ndio, valonda Yeso.

Varumi 14:19

Kunangwa avaamitu vange, leki kolonde vindu viletaa mirembe kazozo, kandi ivikokonyaa kukudinyiriza aveene na vene mu lisuuvira.

Varumi 15:2

Muvwiyangu yivwo, sa mulala ku kunyi, gamudukira ayaanzize mutende weve ku vulahi vwivwe umwene. Gakuduukiraa kokole ndio kunangwa kuduuki kumwumbaka mu lisuuvira.

1 Vakorintho 14:19

Navuzwa mu likanisa liu kusaala nyaanzilira ligali kovora makuva gatano govogeri vwange aganyala kuhulirika gukwigiza vandi, kuvita komoloma amakuva zielefu mu zinimi zing'eni.

Vafeso 4:12

Yakola ndio kwetegekiza Avakristayo vosi ku miyinzi ju vutumwa vwu Vukristayo kunangwa aduuki kwumbaka muviri gwa Kristo.

Vafeso 4:16

Kuye vivero viosi viu muviri vihambanyiywi harara, kandi muviri gwosi gwahamanywa harara navuli chungu. Kunangwa, lwa vuli kevero kiyinziraa kuli gaduukanaa, muviri gwosi guvirukaa ma gwumbakwa kuvitira mu vuyanzi.

Vakolosai 4:6

Muleke livoora lienyu live ligasu nilio kuyaanziza madiku goosi, muduuki kumanya kuli gamuduukira kutivulira mundu sa mulala.

1 Vatesalonike 5:11

Kunangwa, muzuvane munyi aveene naveene nokokonyana vene na vene, kuli mukolanga kazozo.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

1 Petro 3:1

Avakali, mwegehizi ku vasaazavinyu kunangwa, niiva mulala kuvo siyasuura, likuva lia Nyasaye, miima jinyu milahi jilamukola asuuviri,

2 Petro 2:18

Vavoola amakuva gi liegingira ligali kandi agatali ni kivuni, kandi gu vusiru, kandi vatumikira likayirwa liu muviri kotega yavo avirukaa kutura ku yavo avamenyaa mu vugadi.