Vafeso 4:25 - KITABU KITAKATIFU

²⁵ Kigira yaga, musuuli uvovehi, vuli mundu gamuduukira avolere musuuviri wache gagiligali, kigira koveeye kwosi kevero kilala aveene naveene harara mu muviri gwa Kristo.

Vafeso 4:25 ပူးပေါင်းရင်းမြစ်များ

1 Avami 13:18

Maku muporofeti musakulu kutura Bezeli yamuvolera, “Inzi, mbeeye muporofeti kuli ivi, na ku lilaga lia Yahova, engelosi amboleeye nguvuguli nguhile yengo wange kandi ngogenihizi niviukulia kandi unwi amazi.” Navuzwa muporofeti musakulu oyo yaali namugandaa.

Zaburi 119:29

Undulizi kuzinzira zindamanu; na muvulahi vuvwo, unzigize malago googo.

Zaburi 15:2

Uyu ugendaa mu vuduukiru vwa Nyasaye kandi okolaa agaveeye malungi ni uyu ovola agiligali kutura mu mwoyo gwigwe;

Zaburi 52:3

Ivi wayanza kokora uvudamanu kuvita kokora uvulahi, kandi uyanzaa kovora uvugadi kuvita kovora agiligali.

Kutwula 23:7

Utavoola amakuva guvugadi mba kandi utiita mundu utaveeye nimbala kandi mulungi mba, kigira ndakalagira woosi okola kindu kidamanu kuli yiki.

Tsing'ano 12:17

Lwaovolaa geligali, vulungi vwekoleka, navuzwa vovehi voletaa gataveeye amalungi.

Tsing'ano 12:19

Vovehi sivuhindila mba, navuzwa agiligali gamenya mihiga ni mihiga.

Tsing'ano 12:22

Yahova adunyiraa vavehi; navuzwa ayaanzizwaa na yavo avagumira makuva gaavo.

Tsing'ano 21:6

Vutugi vwonyoola munzira yovovehi vulagota vwangu, kandi vulakwimilira munzira yi likuza.

Tsing'ano 24:28

Utava muloli kumutende woovo vugira kivuni kandi utava mugadi mba.

Tsing'ano 6:17

Lihenza lidamanu, kovora vugadi, kwita vandu vataveeye nimbala,

Tsing'ano 8:7

Gambolaa gaveeye geligali vovehi voveeye vusigu ku inze.

Isaya 63:8

Yahova yavoola, “Ligali yava vaveeye avandu vange, avandu vatanyala kungada kali hakuzu.” Nandio yavahonyia.

Isaya 9:15

Avasaakulu navasaza vuluyali vaveeye mitwi, na avaporofeti ava miigizu gu vugadi vaveeye mikira!

Hosea 4:2

Valomba malagano kandi sivatwekizaa mba. Vavoola vovehi, vita, viva, kandi vakora voheyi. Zimbi ziamedeka, kandi iliitana liveeye linyingi ligali.

Kyavalevi 19:11

“Mutiiva mba, Mutagaadi mba, Mutaveherani mba.

Zekaria 8:16

Yivi ni vindu viduukana mukore: Muvoore agaveeye giligali mundu nu wache. Muhaane likalaga liagiligali nokoleta mirembe.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Varumi 12:5

Munzira ndala nzere, kali nikoveeye avanyingi, koveeye muviri mulala mu lihambanywa harara na Kristo, kandi kuhambana harara sa mulala ku wache kuli vivero lugano lugano viu muviri mulala.

1 Vakorintho 10:17

Kigira goveeye umugadi mulala, kunyi avakoveeye vanyingi, koveeye umuviri mulala kigira kwosi kusangaa umugadi mulala mwere yigu.

2 Vakorintho 7:14

Inzi nzekonyaa imbiri wa Tito kigira munyi na simbeeye soni kigira munyi mba. Navuzwa kuli kwamuvolera ivindu viosi vieligali kazozo, kulwayago, liekonya lietu imbiri wa Tito liloleki kuva lieligali.

Vafeso 4:15

Mu vogono yivwo, ku limoloma agiligali mu Roho gwu vuyanzi, gakuduukiraa kuviruki mu liiva liosi lia Kristo, oveeye mutwi gwi likanisa.

Vafeso 4:22

Kunangwa, mutulizi mundu winyu wa kale uwamukola mumenye kuli mwamenyaa; mundu wa kale wdivizwaa ni likayirwa lilie liuvugadi.

Vafeso 4:31

Muleke uvululu vwosi, nuvutima, nilivihilirwa; niliyoga, namanyego, vitulizwi mu munyi harara nembodoka yoosi.

Vafeso 5:30

kunyi koveeye vivero viu muviri gwigwe.

Vakolosai 3:8

Navuzwa kalunu gamuduukira mutuliziho vindu yivi viosi; uvutima, likayirwa lidamanu, livihirirwa, amanyego na makuva madamanu gatatula mu minwa jinyu mba.

Vakolosai 3:9

Mutaveherana aveene na aveene mba, kigira mumali kutulizaho liiva lia kale harara ni milima jinyu.

Tito 1:12

Mulala kuvo, muporofeti wavo aveene ya moloma agiligali ndi: “Avakerete, kazozo vaveeye avavehi. Ving'ang'a vidamanu, avahuvali, avagata!”

Tito 1:2

Agiligali yaga gaveeye ku musingi gwi lisuuvirizwa lie livamwoyo litahera mba. Nyasaye utanyala koveha yakusuuviriza livamwoyo yilio mihiga minyingi ijavita,

Vahebraina 12:1

Kunangwa, kigira, kukumbiriziywi nikiduma kenene cha valolekizi, gendi kuviiki halovega misigo josi miliduhu jinyala kukwigalira kandi vwoni vuhandaa kukunyi vudinyu ligali, kandi gendi kunyaguli mu ligerana liviikiywi imbiri wiitu nuvwikuziri.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

1 Petro 2:1

Kunangwa, mwerehe ku vudamanu vwosi; ovovehi uvugadi, embodoka kandi amanyego.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Vakalagi 16:11

Samusoni yavolera Delila, “Niiva nyara kovofwa ni migoye imihia, ijikikiri kutumikilwa ku, Inzi ndava mudedekere kuli avandi vandu vosi.”