Vafeso 4:15 - KITABU KITAKATIFU

¹⁵ Mu vogono yivwo, ku limoloma agiligali mu Roho gwu vuyanzi, gakuduukiraa kuviruki mu liiva liosi lia Kristo, oveeye mutwi gwi likanisa.

Vafeso 4:15 ပူးပေါင်းရင်းမြစ်များ

Zaburi 32:2

Aveeye nu vugasu mundu wa Yahova avulaa kuvaliza uvuchamu kuye, kandi utaveeye nu vugadi mu mwoyo gwigwe.

Zekaria 8:16

Yivi ni vindu viduukana mukore: Muvoore agaveeye giligali mundu nu wache. Muhaane likalaga liagiligali nokoleta mirembe.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Yohana 1:47

Lwa Yeso yalora Natanaeli niyazaa kuye, yavoola, “Heenzi, uyu aveeye Muisiraeli wiligali, sikeveeye ho ni kindu chuvugadi muye mba!”

Varumi 12:9

Uvuyanzi vwinyu vutava nu vugadi mba. Muvihilirwi agaveeye madamanu, muhande ku agaveeye malahi.

1 Vakorintho 11:3

Navuzwa nyenya mumanye ndi Kristo aveeye mwimiliri wa vuli musaza, nu musaza aveeye mwimiliri wu mukali weve, kandi, Nyasaye naye aveeye umunene wa Kristo.

2 Vakorintho 4:2

Kuviki halovega vikolwa viu vwivisu kandi zisoni; sikogerizaa kugaada vandu mba, anoho sikovehizaa likuva lia Nyasaye mba. Mu giligali komenyi imbiri wa Nyasaye nikogerizaa kwiyizominya vene mu zing'anagani zia vuli mundu.

2 Vakorintho 8:8

Simuhezaa malago mba, navuzwa nyenya kuvamanyia kuli vandi vaveeye nu vugulu vwo kokoonya vandu vandi. Ngerizaa kumanyia agiligali gu vuyanzi vwinyu kuli voveeye.

Vafeso 1:22

Nyasaye yavika vindu viosi isi wi virenge via Kristo namukora kuva Mwami munene ku vindu viosi kigira likanisa lilie,

Vafeso 1:4

Kali lirova nilikikiri kolombwa, Nyasaye yaali niyamala kotovola kunyi kove vandu aveeve kuvitira mu vuhambani Kristo kunangwa kuduuki kuva avatakatifu kandi vugira imbara mbiri weve. Kigira vuyanzi vwivwe,

Vafeso 2:21

Niyie uhambanyia harara kandi agenenehizaa kuva Litembeli litakatifu iliaviikwa halovega kuva liu Mwami.

Vafeso 4:25

Kigira yaga, musuuli uvovehi, vuli mundu gamuduukira avolere musuuviri wache gagiligali, kigira koveeye kwosi kevero kilala aveene naveene harara mu muviri gwa Kristo.

Vafeso 5:23

Musaza aveeye mutwi gwu mukali kuli Kristo aveeye mutwi gwi likanisa kandi aveeye muhonyi wilikanisa, iliveeye kuli muviri gwigwe.

1 Petro 1:22

Kigira kalunu ku lihulira ni liitia lienyu ku agiligali, mumali kwitakasa kandi mumali kuuza kuva nu vuyanzi vwiligali ku vandu avasuuviraa vache vinyu, muyaanzane aveene naveene ligali nimioyo jiinyu josi.

1 Petro 2:2

Muve kuli avana vadoto vuli ing'inga vaveeye nuvuluhu kwenya amaveere malahi gu mu Roho, kunangwa lwa muganwezaa, muduuki kuviruka no kohonywa.

2 Petro 3:18

Navuzwa muzizagiliri kuviruka mu zimbavasi novogeri vwu Mwami wiitu nu muhonyi Yeso Kristo. Uvukumi vove kuye, kalunu kandi mihiga ni mihiga! Amini.

1 Yohana 3:18

Avana vakekeeke vange, uvuyanzi vwitu vutava vwa amakuva ni limoloma iliere vuzwa mba; kuduuka vove uvuyanzi vwagiligali uvwimanyia uvwene mu vikolwa.

Vakalagi 16:15

Delila yamuvolera, “Unyala kovora ndi wainyaanza, lwa ombehelaa. Ongoli umusiru haali kavaga, na kuduuka kalunu ukikiri kombolera ikindu kekolombaa nuuva ni zinguru ligali.”