Vafeso 1:22 - KITABU KITAKATIFU

²² Nyasaye yavika vindu viosi isi wi virenge via Kristo namukora kuva Mwami munene ku vindu viosi kigira likanisa lilie,

Vafeso 1:22 ပူးပေါင်းရင်းမြစ်များ

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Zaburi 110:1

Yahova yavolera mwami wange “Yikala ha mukono gwange mulungi kuduuka lwa mbikaa avasigu vovo isi wi virenge vivio.”

Zaburi 91:13

Uladuvaga zisimba nizinzoka, uladuvulanyia avana vi zisimba kandi vihirigoma viuvusungu vululu.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Vikolwa 20:28

Mwilindi aveene; kandi mulindi chayo choosi cha Roho Mutakatifu yavika munyi kuva avahenzi vacho. Muve avayi vi likanisa lia Nyasaye lia yenyolera kuvitira mu masahi gu Mwana weve.

1 Vakorintho 11:3

Navuzwa nyenya mumanye ndi Kristo aveeye mwimiliri wa vuli musaza, nu musaza aveeye mwimiliri wu mukali weve, kandi, Nyasaye naye aveeye umunene wa Kristo.

Vafeso 3:21

Uvukumi vove ku Nyasaye mu likanisa kandi mu Kristo Yeso, zing'inga ziosi, mihiga ni mihiga. Amini.

Vafeso 5:23

Musaza aveeye mutwi gwu mukali kuli Kristo aveeye mutwi gwi likanisa kandi aveeye muhonyi wilikanisa, iliveeye kuli muviri gwigwe.

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

Vakolosai 1:8

Niyie wakovolera uvuyanzi vwa muveeye navwo vwa Roho.

Vakolosai 2:10

kandi mumali kohevwa uvudukiru vwosi vwi livamwoyo mu Kristo. Aveeye umutwi gwa roho jamiihaa kandi aveeye nuvunyari vwosi.

Vakolosai 2:19

kandi yaleka kolonda Kristo oveeye mutwi gwu muviri. Mu vwimiliri vwa Kristo, muviri gwosi gu gasiziywi nu kuhambanywa harara mu viungu viagwo kandi guvirukaa kuli Nyasaye yenya guviruki.

Vahebraina 2:8

kandi wavika vindu viosi isi wi virenge vivie, aviamiihi.” Makuva yaga gaveeye kovora ndi, Nyasaye yalomba mundu ave “Mwami ku vindu viosi,” yaga gavoora havulavu vindu viosi vugira koleka kindu kali kilala. Kuli gaveeye, sikololaa mundu niyamihaa vindu viosi kalunu mba.