Vafeso 1:13 - KITABU KITAKATIFU

¹³ Munyi kandi mwagwa avandu va Nyasaye lwa mwahulira likuva lia giligali lie Ivangeri iyamuleetera vohonyi. Mwasuuvira mu Kristo, kandi Nyasaye yavika muhuri gwigwe kumanyia ndi munyi muveeye vandu aveeve, ku limuha Roho Mutakatifu wa yasuuviriza.

Vafeso 1:13 ပူးပေါင်းရင်းမြစ်များ

Zaburi 119:43

Ongole nduuki kovora agiligali vuli ing'inga, kigira lisuuvira liange liveeye mu likalaga liilio.

Joeli 2:28

“Lwinyima ndaleta Roho wange ku avandu vosi: avana vinyu vayaayi na vakana valaporofeta avakulundu vinyu valalota amalooto, kandi vasoleri vinyu valalola malola.

Luka 11:13

Munyi kali niiva muveeye avadamanu, mwamanya kuha avana vinyu vihaanwa vilahi, nasindi Baba winyu oveeye mwigulu, alamuha kuvita ligali. Alahaana Roho Mutakatifu kuvo avamusaala.”

Luka 24:49

Henza, inzi mwene ndamutumira Roho Mutakatifu wa Baba yandaga, navuzwa kuduuka munyi mulindi mu lidaala kuduuka lwi zinguru yizi kutura mwigulu, ziika ku munyi.”

Yohana 1:17

Nyasaye yahaana Lilaga kuvitira ku Musa, navuzwa zimbavasi na agiligali viaza kuvitira mu Yeso Kristo.

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 15:26

“Lwa Mukonyi aliiza uwandituma ku munyi kutura ku Baba, naye ni Roho wagiligali uturaa ku Baba, alakave mulolekizi wange.

Yohana 3:33

Navuzwa mundu woosi uvugilira lilolekiza lilie umali kuviika muhuri gwi livugilira lilie ku yaga ndi, Nyasaye aveeye wiligali.

Yohana 6:27

Mutayinziliri viukulia vioneka; navuzwa muyinziliri viukulia vimenya kuduuka ku livamwoyo litahera mba. Yivi nivio viukulia viu Mwana wa Adamu alimuha; kigira Baba Nyasaye umali kuviika muhuri gwi livugilirwa kuye.”

Vikolwa 1:4

Lwa yavugana harara navo yavaha lilaga yili: “Mutatula mu Jerusalemi, navuzwa mulindi kihanwa cha Baba yasuuviriza, cha ndamuvolera makuva gacho.

Vikolwa 13:26

“Avandu va Isiraeli vache vange, munyi kisukururwi cha Aburahamu, na avizihiiri vosi avasigamiraa Nyasaye! Likuva lio vohonyi yili lileeteywi ku kunyi.

Vikolwa 2:33

Yeso umali konenehizwa kuduuka ha mukono mulungi gwa Nyasaye, Baba weve, kandi umali konyoora Roho Mutakatifu kutura kuye, kuli yaali niyasuuviriza. Icha munyi muloraa kandi muhulira kalunu keveeye kihanwa chiche ichamali kuzuka ku kunyi.

Varumi 1:16

Simbeeye soni ni Ivangeri ya Kristo mba, kigira eveeye zinguru zia Nyasaye kohonyia vosi avasuuviraa; Avayuda kutanga, kandi Avizihiiri.

Varumi 4:11

Aburahamu yakevwa inyima, na likevwa yilio liali kelolero chamanyia ndi Nyasaye yamuvugilira kuva mulungi kigira lisuuvira lilie lia yaali nalio nakikiri kokevwa. Kulwayago, Aburahamu yaduuka kuva baba wa vosi avasuuviraa Nyasaye, kandi avavugilirwa naye kuva valungi, kali niiva sivakevwa mba.

Varumi 6:17

Navuzwa lisandiza liveeye ku Nyasaye! Kigira ku ing'inga ndala mwaali avatugwa vu vwoni, navuzwa kalunu mumali kutia ni mioyo jinyu josi agiligali ganyoolekaa mu amigizu maduukiru ga mwanyoola.

2 Vakorintho 1:22

uyu niyie umali kuviika kimanyiru chiche ku kunyi kandi okoheeye Roho Mutakatifu kuli kihambiliru chi vindu viosi via yakuviikira.

2 Vakorintho 6:7

Kwilwaza likuva lietu lia giligali mu zinguru zia Nyasaye. Koveeye nu vulungi kuli viugi viu kulwaanira kandi kwikingira.

Vagalatia 3:14

Kristo yakola likuva yili kunangwa, uvugasu vwa Nyasaye yasuuviriza Aburahamu vuduuki kohevwa vandu vizihiiri kuvitira mu Kristo Yeso. Kunangwa kuvitira mu lisuuvira kunyi kuduuki konyoora Roho wa Nyasaye yakusuuviriza.

Vafeso 4:21

Gaveeye havulavu, mwahulira vulahi amakuva geege, kandi kuli avalondi veve mwigizwa agiligali agaveeye mu Yeso.

Vafeso 4:30

Mutavereriza Roho Mutakatifu wa Nyasaye mba; kigira Roho aveeye muhuri gwa Nyasaye ku munyi, kugamanyia ndi lidiku lilakaduuki lia Nyasaye alakahaane vovoholore ku munyi.

1 Vatesalonike 2:13

Keveeye ho ni kivuni kindi kigira kunyi nikusandiza Nyasaye kazozo. Lwa kwamuletera likuva lia Nyasaye lia mwahulira kutura ku kunyi, munyi si mwalivugula kuli liveeye likuva lia avandu mba, navuzwa kuli likuva lia Nyasaye, ilikolaa miyinzi mu munyi vandu avasuuviri.

Tito 2:11

Nyasaye umali kumanyia zimbavasi zizie zio ovohonyi ku avandu vosi.

Vahebraina 2:3

Kunyi sikunyala kohononoka kutura ku mageri yaga niiva kulasula vohonyi vonene kuli yivu mba. Mwami mwene yalandiza ovohonyi yivu kutanga kandi yavo vahulira vohonyi yivwo valolekiza ku kunyi ndi vwali vwiligali.

Yakobo 1:18

Ku vulaliri vwivwe umwene, yakoleta mu livamwoyo kuvitira mu likuva lie ligali, kunangwa kuduuki kuva kuli amakuyu gu kutanga hagati hi ivilombe vivie.

Yakobo 1:21

Kigira yaga, mutuliziho vudamanu vwosi kandi imiima josi imidamanu. Mwegehizi ku Nyasaye kandi muvugiliri likuva lia viikwa mumioyo jinyu, ilinyala kumuhonyia.

1 Petro 2:10

Lwimbiri munyi simwali avandu va Nyasaye, navuzwa kalunu muveeye avandu veve; lwimbiri simwamanya zimbavasi zizie, navuzwa kalunu mwamala konyoora zimbavasi zizie.

Likunula 7:2

Ndaalora kandi engelosi yindi niyaanigiraa kutura ivugwi, neveeye nu umuhuri gwa Nyasaye oveeye mwoyo. Yahanzuka nu mwoyo munene ku zingelosi vane yava ava Nyasaye yaali naheeye izingulu kwononyia lirova ninyanza.