Tsing'ano 29:23 - KITABU KITAKATIFU

²³ Mundu oveeye ni lielora luyali lugeha kuye, navuzwa oyo wegehizaa mu mwoyo alahevwa luyali.

Tsing'ano 29:23 ပူးပေါင်းရင်းမြစ်များ

Ayubu 22:29

Nyasaye yikizaa hasi avigingiri, navuzwa alahonyia yavo avegehizaa.

Ayubu 40:12

Yee, henza ku avigingiri na uviikizi hasi; duvulanyia vachamu havundu ha vasingira.

Tsing'ano 11:2

Avandu vaveeye vigingiri valava mu zisoni, navuzwa liegehiza liletaa ovogeri.

Tsing'ano 15:33

Liitia Yahova liveeye konyoora miigizu. Gakuduukiraa ove muhocha nulanyoola luyali.

Tsing'ano 16:18

Lielola liduukiza mundu mulidiva, kandi liegingira likora mundu kugwa.

Tsing'ano 16:19

Ni vulahi kuva muhocha ma ove mudaka, kuvita kuva mulala ku vandu vi liegingira kandi konyoora ku mugavo gwi vilaanye viavo.

Tsing'ano 17:19

Kuyaanza kokora vwoni ni kuli koleta vudinyu. Niiva uligingilira ing'inga yoosi weyenyela vudinyu.

Tsing'ano 18:12

Avulaho mundu unyala konyoora luyali, nategehizi, avandu vikirage vaveeye kunzira yu kudivizwa.

Tsing'ano 22:4

Utie Yahova kandi wegehizi na ulanyora madanyi gu vutugi, uluyali kandi ulahindira.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 66:2

Inzi mwene ndaalomba ligulu ni lirova! Nyanzizangwa na yavo avaveeye avahocha na aviliegehiza, avatizaa nukuhulira inzi.

Obadia 1:3

Liegingira lie mioyo jinyu limali kumugaada; munyi avamenyi mu imbinga yu lwanda, vomenyo vwinyu voveeye igulu, mu vigulu. Kunangwa mwevoleraa, ‘Nivwaha unyala kukwikiza hasi?’

Matayo 18:4

Ku vosi uwegehizaa kuli umwana mukekeeke uyu, aveeye umunene mu Vwami vwu mwigulu.

Matayo 23:12

Oyo wenenehizaa, alagehizwa; naye uwegehizaa alanenehizwa.

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Luka 14:11

Kigira ku vosi, uwenenehizaa, alagehizwa, na uwegehizaa alanenehizwa.”

Luka 18:14

Muvooleraa, musololi wu vusuuru uyu yirana yengo weve nakoleywi mulungi na Nyasaye kuvita Mufarisayo oyo. Kigira ku vosi wenenehizaa umwene, alagehizwa; na ku vosi uwegehizaa alanenehizwa.”

Vikolwa 12:23

Nonoho engelosi wu Mwami Nyasaye yakuya Herodi, kigira siyaaha Nyasaye uvukumi yivwo mba. Zing'ende ziamulia nakuza.

Kwidzulitsa 8:16

Muchangalangwe, yauha imaana mulie, ichukulia cha avaguuga vinyu vavura kulia ku kali hakuzu. Yaleeta uvudinyu ku munyi aduuki kumukola mwegehizi kandi kumugeriza, kunangwa mu limalirika aduuki kumugaasiza nivindu vilahi.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”