Tsing'ano 19:12 - KITABU KITAKATIFU

¹² Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

Tsing'ano 19:12 ပူးပေါင်းရင်းမြစ်များ

Litanga 27:28

Nyasaye ayaanze ahaane ku ivi imbura kutura mu ligulu, kokora mulimi gugwo kuva munolu! Ahaane liama linyingi liu vuswage kandi makuyu manyingi iwaini.

2 Samweli 23:4

Aveeye kuli liuva litongaa aveeye kuli uvulavu vwa mugamba liuva nilitongaa, ku mugamba gutaveeye na malesi; kuli uvwaku vwi liuva ku vulimu inyima wi imbura, isivukizaa uvulimu kutura mu marova.”

Esther 1:12

Navuzwa lwa vatumikiri vavoolera Vashiti agu umwami yaali nalagi, yasura kuzia. Yaga galombaa umwami kuvihilirwa ligali.

Esther 7:8

Hamani yaali ni yakagwa haasi imbiri wa Esiteri namuteeva amuveere zimbavasi, lwa umwami yirana kutura mu mulimi gwinyumba yu vwami. Lwumwami yalora yaga, yahanzuka, “Mundu uyu yenya kwonongonyia mukali wange kuzingulu imbiri wange, kandi munyumba yange!” Mwami nakikiri kumala kovora yaga, vatumikiri vu mwami vagumira nonoho nukufuuma mutwi gwa Hamani vwangu.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 72:6

Leka mwami ave kuli imbura ikubaa ku vunyasi vukalagiywi, ave kuli lunyilira lusamaa lirova!

Tsing'ano 20:2

Utie mwami wu vutima kuli unyala kutia isimba ihugumaa nu vutima; kokora mwami ave nu vutima ni kuli kwisunga.

Tsing'ano 28:15

Mundu muchamu wamihaa avadaka aveeye kuli isimba ihuuma anaho iduba esetaa.

Kohelethu 8:4

Mwami yamiha nu vunyali na si aveeyeho nu mundu unyala kuhing'ana ni kindu chavoola mba.

Isaya 18:4

Yahova yambolera, “Ndahenza galaha kutura mwigulu kuli iliime lielomba machiriri mu vudiku vwu luya mu ing'inga yo kogesa, kandi kuli iliuva liaka mu ing'inga ya mbasu.

Danyeli 5:19

Yaali munene ligali kali avandu vu muvivala viosi, zihiiri ziosi, kandi zinimi ziosi va mutia kandi vadegera imbiri weve. Yaali anyala kwita mundu woosi, kandi yaali anyala koleka mundu ave mwoyo. Yahaana luyali anoho yaali anyala kusura mundu woosi.

Danyeli 6:24

Maku mwami yahaana malago vandu vosi vayaala Danieli vagumirwi kandi vasiuvwi harara na vakali vaavo na vana vaavo mu luhangaywa lwizura zisimba. Lwa vaali ni vakikiri kotonya mu luhangaywa, zisimba ziavamamira kandi nizivunanyia vigumba viavo viosi.

Hosea 14:5

Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Mika 5:7

Avandu va Isiraeli avalitigala valakave kuli lime litulaa ku Yahova, kuli ulunyilira ku vitagwa vivirukaa. Valeeleda ku Nyasaye, sivalakelede ku mundu mba.

Kwidzulitsa 33:28

Kunangwa visukululwi via Yakobo viamenya mu mirembe vilava nu vweremerizi mu kivala ichizula uvuswage ni iwaini, lime kutura muvwerefu liletaa amazi ku lirova!