Tsing'ano 16:33 - KITABU KITAKATIFU

³³ Avandu vakuba zikuura kumanya lienya lia Nyasaye, navuzwa Nyasaye mwene ahaanaa mativuli.

Tsing'ano 16:33 ပူးပေါင်းရင်းမြစ်များ

Nehemia 11:1

Avanene vavandu vamenya mu Jerusalemi, na avandu vandi vakuba ikura kotovola avinyumba indala kutura mu zinyumba 10 vaze komenya mu lidaala litakatifu lia Jerusalemi; na zinyumba zindi zitigaye, vamenye mu madaala gandi manene na makekeeke.

Tsing'ano 16:32

Ni vulahi kuva mwikuziri kuvita kuva wi zinguru. Nivulahi kwilinda kuvita kuguuta madaala manene.

Tsing'ano 18:18

Niiva vandu vaviri vizingulu vahing'ana mu kiyaalo, likuba zikuura lilavukanya vosoolo vwavo.

Tsing'ano 29:26

Avandu vanyingi venyeleriza liyaanzilira liu mwamihi, navuzwa Yahova ahaanaa likalaga liu mulungi.

Ezekieli 21:21

Mwami wa Babiloni asingiyi hakelolero mu vwavukaniru vwi zinzira. Kumanyiriza inzira yukuziraku, kuduuka akole yaga: Asungusi uvuta, azie kuvasigitili kandi ahenzerizi mu ingudumani yinyama yi kisiuviriru.

Kyavalevi 16:8

Kunangwa alakuba ikura ku zikore ziviri zana natumikira magina gaviri; lilala liang'odwaku, “Ku Yahova” ni lindi, “Ku Azazeli.”

Jona 1:7

Aveeremi vavolerana nuwache, “Gendi kukubi ikura. Kuduuki kumanya nivwaha ugili uvuhiimwa yivu nivuduuka ku kunyi?” Vakora ndio, na ikura yagwira Jona.

Vikolwa 1:26

Maku vakuba ikura kuvo, na ikura yagwira Matia; naye yameedwa ku avatumwa vandi likomi na mulala!

Joshua 18:10

Joshua yakuba ikura kwenya kumanya kuli Yahova yenya kivala zana kigavulwi, kandi yaaha kivala chatigaraa ku vuli ihiiri yaatigaraa ya Isiraeli.

Joshua 18:5

Kivala kilagavulwa hagati haavo mu vidonye saba. Yuda alatigala mu kivala chiche kolovega lwisavalu, na Josefu mu kivala chiche kolovega lwa ivaale.

Joshua 7:14

Kunangwa uvavoolere ndi mugambazuri, valaletwa imbiri wange, ihiiri ku ihiiri. Ihiiri yandovola kutura muvo valaza imbiri, luhia ku luhia. Luhia lwi ihiiri ya ndovora valaza imbiri wange, inyumba ku inyumba. Inyumba ya ndovora kutura muvo valaza imbiri wange, mundu mulala sa mulala.

Vakalagi 20:9

Yaga nigo agakuziiza kola. Kulakuba ikura kumanya avandu vamanya vazie kulwaana vandu va Gibea.

1 Samweli 10:19

Inzi mbeeye Nyasaye winyu, umuhonyiaa kutura mu kivi chienyu kandi mu vudinyu vwinyu vwosi, navuzwa kalunu, mumali kunyambakana kandi muteevi inzi muhe mwami. Vulahi ligali; kunangwa, mwivungize imbiri wa Yahova kolondekana ku zihiiri zienyu kandi ku miliango jinyu.’ ”