Tsing'ano 15:25 - KITABU KITAKATIFU

²⁵ Yahova alasambula zinyumba zia vandu vaveeye avelori, navuzwa alakinga miandu ja vakunzakali.

Tsing'ano 15:25 ပူးပေါင်းရင်းမြစ်များ

Ayubu 24:21

Yaga gekolekaa kigira vadambiza vakunzakali, kandi sivakolera avakali vagumba vulahi mba.

Zaburi 10:14

Navuzwa ivi, O, Nyasaye, ololaa yavo avaveeye mu kivi nuvudinyu; na ivi ovezaa mwetegeku kuvakonya kazozo. Mundu mudedekere yiihanaa umwene ku Ivi, O, Nyasaye Wuvunyali, ivi okonyaa avavisandu kazozo.

Zaburi 138:6

Kali noveeye igulu ligali, odendaa avadedekere. Navuzwa avigingiri sivanyala kwivisa kutura ku ivi mba.

Zaburi 146:9

Akingaa avageni vamenya mu kivala chietu; akoonyaa avakunzakali navavisandu, navuzwa ahilaa avachamu kuduuka mu lidivizwa liavo.

Zaburi 52:1

Kigira ki wigingilira vudamanu vuvwo, ivi mundu wi zinguru? Vusuuvirifu vwa Nyasaye voveeye vwi mihiga ni mihiga.

Zaburi 52:5

Kunangwa Nyasaye alakudiviza mihiga ni mihiga; nu kukutuliza munyumba yooyo, alakutuliza mu kivala cha vandu vaveeye mwoyo, kandi alakudiviza ligali mihiga ni mihiga.

Tsing'ano 12:7

Avandu avachamu vanyola lidivizwa kandi sivaleka visukululwi mba, navuzwa zinyumba zia vandu avalungi zihindilaa.

Tsing'ano 14:11

Inyumba yu mudamanu iladivizwa, navuzwa lihema liu mulungi lilasingila.

Tsing'ano 15:26

Yahova adunyiraa zing'anagani zindamanu, navuzwa ayanziliraa makuva malahi.

Tsing'ano 23:10

Utasunda kigingi kikulu chu lwako uvuguli mulimi gwa vavisandu mba.

Isaya 1:17

na mwigi okokora amalungi. Mulole ndi likalaga liuvulungi likoleywi. Mukoonye yavo avadambizwa, muhe avavisandu uvulungi vwavo, na mukingi avakunzakali.”

Isaya 2:12

Ing'inga yene yeyo, Yahova Wuvunyali alakagehize vosi avizingulu, kandi yavo vosi vikirage ni liegingira.

Jeremia 5:28

kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Danyeli 5:20

Navuzwa kigira yaali ni liegingira, kilage kandi nava mululu, yatulizwa ku vwami kandi naagotiza luyali lwilwe.

Kwidzulitsa 19:14

“Mutatulizi vinazogi vie zinzako zia vatende vienyu iviaviikwa kale mu kivala cha Yahova Nyasaye winyu muheezaa mba.

Yakobo 1:27

Lisuuvira lilahi litaveeye nu vudamanu imbiri wa Nyasaye Baba wiitu ni yili: kokonya avavisandu na vakunzakali mu likuba ikivi liavo, nu kwilinda ligali umwene avuli kwononywa ni ivindu vie kivala.

1 Petro 5:5

Kali munyi avasaza vang'erere gamuduukira mwegehizi ku vakulundu vinyu. Kandi munyi mwosi mwegehizi, muduuki kutumikirana aveene na aveene; Mang'oda Matakatifu gavoora, “Nyasaye ahingiraa navuzwa ayanziliraa vegehizi.”