Tsing'ano 14:32 - KITABU KITAKATIFU

³² Vandu vadamanu vaduuka mukivi kigira vikolwa viavo viu vuchamu vwavwo, navuzwa valungi vanyoola likingwa mu lisuuvirizwa lie likuza liavo.

Tsing'ano 14:32 ပူးပေါင်းရင်းမြစ်များ

Litanga 49:18

“Inzi nindiliraa ovohonyi vuvwo O, Yahova.

Ayubu 13:15

Kali niiva Nyasaye alaanzita, inzi ndava ni lisuuvira muye, kandi ndalungikiza inzira yange imbiri weve.

Ayubu 18:18

Alakungwa kutura mu kivala cha vandu avaveeye mwoyo, kandi alakungwa kutura mu vulavu nu kuzia mu kisundi.

Zaburi 16:11

Ivi ulamanyia inzira yi livamwoyo. Lwa oveeye himbi ninzi nzizulaa uvusangari du. Kandi ombezaa uvuyanzi mihiga ni mihiga.

Zaburi 17:15

Navuzwa inzi ndakalole ivi kigira mbeeye mu vulungi. Lwa mbuukaa, ndiizura uvusangari kigira mali kolola ivi.

Zaburi 23:4

Yee, kali niimba neng'enda mu kivanda chi chiriri chi likuza, si ndatia kivi mba; kigira oveeye niinzi harara; imbimbu yooyo nu lusaala lulwo zinemerizaa.

Zaburi 37:37

Henza ku mundu mulahi kandi mundu mulungi; mundu wi mirembe aveeye ni visukululwi.

Zaburi 58:9

Vakalagwaa kuli indiva; nivakikiri kumanya, Nyasaye alavahuuza mu vutima vwivwe vululu nivakikiri mwoyo.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Tsing'ano 11:5

Vusuuvirifu volomba livamwoyo liu mundu mulungi kuva lilahi, navuzwa mundu muchamu yeletera ligwa mwene.

Tsing'ano 14:33

Ovogeri voveeye na vandu vaveeye nilimanya, navuzwa vasiru sivamanyi kindu kigira ovogeri mba.

Tsing'ano 24:16

Vandu valungi vagwiza haali saba kandi vavuuka, navuzwa kivi kiladiviza vandu vuvuchamu.

Tsing'ano 5:22

Uvwoni vwu mundu muchamu voveeye mutego. Agumililwa mu muluvu gwu vwoni vwivwe.

Tsing'ano 6:15

Kigira yaga, kivi kiladuuka kuvo vugira kumanya, nonoho valadivizwa ligali.

Luka 2:29

“Kalunu, Mwami, umali kuduukiza lilagana liilio, unyala kuvugilira mutumikiri woovo azie ni mirembe.

Yohana 8:21

Yeso yavolera Avafarisayo kandi, “Inzi nziza ihale na munyi mulakanyenye, navuzwa mulakakuziri mu vwoni vwinyu. Wanzinzia simunyala kuuza yo mba.”

Yohana 8:24

Yiki nicho kivuni chagira nimuvoolera ndi, mulakakuziri mu vwoni vwinyu. Mulakakuziri mu vwoni vwinyu niiva si musuuviraa ndi ‘Inzi mbeeye wa inzi mbeeye.’ ”

Varumi 9:22

Malala meere gaveeye giligali ku aga Nyasaye akoli. Yenya kumanyia uvutima vwivwe, kandi kolomba zinguru zizie kumanyikana. Navuzwa yikuzira ligali kuyavo avaveeye viju viu vutima vwivwe, avaadukana kudivizwa.

2 Vakorintho 1:9

Kunyi kwalola mu mioyo jietu kuli koveeye avandu vakalagiywi likuza. Navuzwa yaga gekoleka kunangwa kunyi kuvuli koyeeka ku zing'anagani zie liiva lietu, navuzwa kweleede ku Nyasaye yenyine usimugukizaa vakuzu.

2 Vakorintho 5:8

Koveeye ne kelemamwoyo kandi kwakayaanzi kutura mu muviri yigu ma kuzie komenya harara nu Mwami Yeso.

Vafilipi 1:21

Ku inzi, kuva mwoyo ni Kristo, kandi kukuza nuvukara ovonene.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

1 Vatesalonike 5:3

Lwa vandu vava nivakevoola ndi, “Jiveeye mirembe kandi vindu viosi viveeye vulahi kandi liveeye lielemeriza,” nonoho kivi kilakaduuki kuvo vwangu kuli lilumwa liduka ku mukali oveeye inda, kandi avandu si vahononoka ligali mba.

Likunula 14:13

Maku ndaahulira mwoyo kutura mwigulu nigovoora, “Ng'oda yaga: Vaveeye nu vugasu avakuzu vakuziraa mu Mwami kutura kalunu.” Yee, Roho avoora, “Vaduuki kosoosa kutura mu miyinzi jaavo. Kigira miyinzi jaavo jilondekanaa navo.”