Tsing'ano 12:24 - KITABU KITAKATIFU

²⁴ Miyinzi midinyu jihaanaa zinguru, navuzwa kuva mugata kulakokola ove mutugwa.

Tsing'ano 12:24 ပူးပေါင်းရင်းမြစ်များ

Litanga 49:15

Yalora ndi havundu yaho haali halahi hokososera, kandi kivala yicho chaali kilahi. Kunangwa yinaminya lilikuu lilie kandi navugilira kuva mutugwa ku miyinzi ju kunigwa.

1 Avami 11:28

Jeroboamu yaali musoleri wi zinguru winyalizaa; kandi lwa Solomoni yalora kuli yayinziranga nuvugulu vwosi, yaamuvika alindi miyinzi jukunigwa josi mu kivala chi zihiiri zia Manase na Efuraimu.

1 Avami 12:20

Lwa vandu va ivaale wa Isiraeli vahulira ndi Jeroboamu umali kwirana kutura Egebeti, vamugenihiza mu livugana lia vandu, kandi nivamukora ave mwami wa Isiraeli. Ihiiri ya Yuda yeng'ine yaatigara isuuvirifu ku visukululwi via Daudi.

1 Avami 9:21

agaveeye kovora visukululwi viavo viatigala mu kivala, J avandu va isiraeli vakula kudiviza, yava, Solomoni yavang'oda vave ku miyinzi juvutumwa, nindio voveeye ku lidiku lia lero.

Tsing'ano 10:4

Uvugata vulakokola mudaka, navuzwa liyinzira nizinguru lilakokola mutugi.

Tsing'ano 12:27

Noveeye mugata siulanyora chawenyaa mba, navuzwa nuyinzira vudinyu, ulanyora ingavi.

Tsing'ano 13:4

Mundu mugata niyenya kindu si alakenyoola mba, navuzwa mundu mugulu alanyoola choosi chayenyaa.

Tsing'ano 17:2

Mutumikiri wovogeri alamiiha mwana wu mwami weve utaveeye nuvunyari kandi alanyoola kedonye ku miandu kuli mulala ku va mwavo veve.

Tsing'ano 19:15

Unyala kuva mugata niiva wenyaa vugata; zizagilira kogona zindolo, navuzwa ulava ninzara.

Tsing'ano 22:13

Mundu mugata ayaanza kohonga hango, avoora ndi isimba inyala kumunyoola niiva alatula ichova.

Tsing'ano 22:29

Ololaa mundu oveeye nu vusiza ku miyinzi jije milahi? Uyu alatumika imbiri wu mwami, kandi si alatumika imbiri wa vandu vataduukanaa mba.

Vakalagi 1:28

Lwa vandu va Isiraeli vaali nivakava ni zinguru kuvita lwambiri, vaniga vandu va Kanaani kokora miyinzi kuzingulu, navuzwa sivali vanyara kuvakunga vosi mba.