Tsing'ano 10:25 - KITABU KITAKATIFU

²⁵ Avandu vachamu valahirwa ihale lwi kiihi kiiza, navuzwa vandu vaveeye vasuuvirifu vakingwa ing'inga yoosi.

Tsing'ano 10:25 ပူးပေါင်းရင်းမြစ်များ

Ayubu 17:9

Navuzwa mundu mulungi sialikigatira muzinzira zizie mba, oyo oveeye mulahi alazizagilira kuva nizinguru.

Ayubu 20:8

Alatula ho kuli maloto, na sivalakaloleke kandi mba. Alakungwa kuli malola ga vudiku, na si alaloleka kandi mba.

Ayubu 21:18

Navahuuza kuli mavululi gahuzwa ni imbuza mba, noho luguchi luhuuzwaa ni kihuzuzi?

Zaburi 125:1

Yavo avasuuviraa mu Yahova vaveeye kuli kiguru cha Ziyoni, kitanyala kusundwa, navuzwa kihindira mihiga ni mihiga.

Zaburi 15:5

Mundu uyu si avuguraa viambeti ku mabesa geege mba, kandi siavugula ivikukula akole uvudamanu ku avataveeye nimbala mba. Mundu woosi okola yaga sialadengeyizwa mihiga ni mihiga mba.

Zaburi 58:10

Avalungi valasangala lwa valora avoni nivahevangwa mageri; Valasiena virenge viavo kuvitira mu masahi gavadamanu.

Zaburi 58:9

Vakalagwaa kuli indiva; nivakikiri kumanya, Nyasaye alavahuuza mu vutima vwivwe vululu nivakikiri mwoyo.

Tsing'ano 1:27

Lwi kivi kiduukaa ku munyi kuli kiihi nokoleta vukindu vwi litihiza liu vudinyu, mulava mu vusaliri kandi mu vuzunu.

Tsing'ano 10:30

Vandu valungi valakingwa ing'inga yoosi, navuzwa vandu vachamu sivalamenya mukivala mba.

Tsing'ano 12:3

Uvuchamu sivuhanaa likingwa mba, navuzwa vandu valungi vasingilaa vudinyu.

Tsing'ano 12:7

Avandu avachamu vanyola lidivizwa kandi sivaleka visukululwi mba, navuzwa zinyumba zia vandu avalungi zihindilaa.

Isaya 40:24

Vaveeye kuli vitagwa vidoto, kandi vimera, navuzwa vikikiri kuhila imiri. Lwa Yahova atuumaa imbuza, vimanya viniara ma viuma, ma kihuzuzi kikihuuza kuli vunyasi vwumu.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.