Ruth 1:16 - KITABU KITAKATIFU

¹⁶ Navuzwa Ruzi yativura, “Utaaniga ngoleke mba! Leka nzie harara nivi. Hoosi ha uzia inzi kandi ndazia ho; hoosi ha omenya, inzi ndamenya ho. Avandu vovo valava avandu vange, na Nyasaye woovo alava Nyasaye wange.

Ruth 1:16 ပူးပေါင်းရင်းမြစ်များ

2 Samweli 15:21

Navuzwa Itai yativura, “Mwami wuluyali wange, nzisuha ku ivi mu lieta lia Yahova ndi inzi ndazia nivi kazozo hoosi ha uzia, kali niiva galava ilikuza anoho livamwoyo.”

Zaburi 45:10

Omwiha wu mwami, huliriza ku agambooraa, yivilira avandu vovo na viko vovo,

Tsing'ano 17:17

Mulina amanyia vuyanzi vuli ing'inga, navuzwa amwavo aveeye ho kokonya ing'inga yu vudinyu.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 3:29

“Kalunu ndagizaa ndi, mundu woosi wi kivala choosi, zihiiri ziosi, anoho lulimi lomoloma makuva gu kuchaya Nyasaye wa Sadaraka, Meshaka na Abedinego, vivero vivie viladonyanywa, na inyumba yeeye ilava kitumi cha makindi. Si aveeye ho na nyasaye wundi unyala kohonyia kuli ndi mba.”

Danyeli 4:37

“Kalunu, Inzi Nebukadineza ndizominya, nimbana luyali kandi nu vukumi ku mwami wu mwigulu. Vuli kindu choosi chakolaa keveeye kilungi kandi chi likalaga lirungi, kandi agehizaa vuli mundu woosi oveeye ni liegingira.”

Hosea 13:4

Yahova avoora, “Inzi mbeeye Yahova Nyasaye winyu, uwamuleta kutura mu kivala cha Egebeti. Si muveeye na Nyasaye wundi nataveeye Inzi. Inzi wengine mbeeye muhonyi winyu.

Zekaria 8:23

Mu madiku yago, vasaza 10 kutura muvivala vigeni valakaze ku Muyuda mulala no kovora, ‘Kwenya komenye harara na vandu vovo, kigira kumali kuhulira ndi Nyasaye aveeye harara nimunyi.’ ”

Matayo 8:19

Mulala ku avigizi vi Lilaga yaza kuye, namuvolera, “Mwigizi, inzi ndakolonda hoosi aha uva nuzia.”

Yohana 13:37

Petero yamuvolera, “Mwami, kigira ki sinyala kokolonda kalunu? Inzi nzetegeki kukuza naivi!”

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

1 Vatesalonike 1:9

Avandu yavo vosi vamoloma kuli mwakwingiriza hagati hinyu lwa kwamugeniha. Kandi kuli mwaleka vifananyi nukuzia ku Nyasaye, kandi kutumikira Nyasaye wa giligali oveeye mwoyo,

Joshua 24:18

Lwa kwazia kutura havundu harara hikivala yiki kuduuka ahandi, Yahova yakunga vandu va Amori avamenyaa hano. Kunangwa, kunyi kandi kulatumikira Yahova; oyo yeng'ine aveeye Nyasaye wiitu.”

Likunula 14:4

Yava nivo avasaza avilindaa na vavula kokora ovoheyi na vakali; aveene vayilinda kandi vaveeye avagima. Yava nivo avalondanga Mwana wi Ligondi hoosi na hoosi aha azizaa. Yava vahonywa kutura mu avandu vandi vaveeye va Nyasaye amakuyu gukutanga kuhaanwa ku Nyasaye kandi ku Mwana wi Ligondi.

Ruth 1:15

Ma Naomi yavolera Ruzi, “Henza uyu muhalikwa woovo yirana ku vandu veve nuku vanyasaye veve. Ivi wirane olonde muhalikwa woovo.”

Ruth 1:17

Hoosi hukuzira, inzi ndakuzira ho, kandi niho ha ndiyavilwa. Yahova ambe amaduywa manene kuvita goosi, niiva ndaavukanywa niivi, nitali likuza lieng'ine.”

Ruth 2:6

Mwimiliri oyo yativura navoora, “Aveeye mukaana mu Moabu uwaza harara na Naomi kutura mu kivala cha Moabu.

Ruth 4:15

Naye alava uwilanyia livamwoyo liilio kandi wukukulinda mu ovokeere vuvwo; kigira navizara woovo wakuyaanza aveeye wi kivuni ku ivi ligali kuvita avana vayaayi saba, avawivuyi.”