Obadia 1:7 - KITABU KITAKATIFU

⁷ Avandu vamuhambanaa navo vosi vamali kumugaada; vamali kumukunga kutura mu kivala chiinyu. Avandu vaali ni mirembe ni munyi vamali kumuguuta. Avalina vamwasuuvira kandi ni mulia harara navo, vamali kotega mutego kumunyi vavoola kumunyi, ‘Limanya liosi liamwali nalio liveeye haliha?’

Obadia 1:7 ပူးပေါင်းရင်းမြစ်များ

Zaburi 41:10

O, Yahova, ombere zimbavasi, kandi ombonyie kunangwa nduuki kuvaanza kisaalia ku vasigu vange.

Zaburi 41:9

Kali mulina wange mulahi ligali, uyu wandasuuvira kuvita vosi, uyu usangaa chukulia ninzi, umali kungirung'ana ugingi iliichi lilie ku inzi.

Isaya 27:11

Zisia zie misaala ziayuma kandi ziavunika na avakali vazitenyaa kuli iziingu. Kigira avandu si vamanyi kindu mba, Nyasaye mulombi wavo sialavavera zimbavasi mba.

Jeremia 20:10

Mbulira vuli vandu nivamonya, “Litihiza liveeye havundu hoosi! Kulwayago, kulamuvoola ku vanene!” Kali avalina vange vahimbi ligali valindilira ku ligwa liange. Avalina yava vavoola, “Hawundi anyala kugadwa, maku kunyala kumugumira kandi kuvanze kisaalia.”

Jeremia 30:14

Avayaanze vinyu vosi vamali ku mwivilira; sivamuhendera mwoyo mba. Inzi mali kumwingilira kuli musigu; amageri ginyu gaveeye amalulu, kigira vwoni vwinyu voveeye vunyingi ligali; kandi uvuchamu vwinyu voveeye vonene ligali.

Jeremia 38:22

Mu malola yaga, ndaalora avakali vosi avatigara munyumba yu vwami vwi Ivuyuda nivahilwa ku mwami wa avanene va Babiloni. Huliriza ku agavavoola lwa vaali ni vazizaa: ‘Avalina vu mwami avasuuvirifu vamali kumugada, vamali kumuguuta nu kumwamiiha. Kalunu umali kusikira mu vodohi, avalina veve vamali kumuleka.’ ”

Jeremia 4:30

Avandu va Jerusalemi, mwadiva! Kigira ki mwivika zinguvu zinzakanyu? Kigira ki mwisiaha viukwisiaha viizahabu nukuvaka mu zimoni zienyu? Mwekora munyi aveene kuva avalahi vugira kindu! Avanyasaye vinyu vamusuuri kandi venya kumwita.

Jeremia 49:7

Yaga nigo aga Yahova Wuvunyali yavoola kigira avandu va Edomu: Avandu va Edomu vagotiza likalaga liavo lilahi? Avahaani viziganagani vaavo vanyara kuvavolera chokokola? Vogeri vwavo vwosi vwagota?

Lisyoma lya Jeremia 1:19

“Kwanira ku valina viitu kigira ovokonyi, navuzwa vaakugaada. Avasaalisi kandi avakulundu vakuzira mu zinzira zie lidaala linene, lwa vaali nivahenza chukulia vaduuki kuva mwoyo.

Hosea 13:13

Munyi muveeye mu vuzunu kuli vwu mukali ulumwaa. Navuzwa mwana uyu aveeye vugira limanyiriza; lwa ing'inga iduuka yu kwivulwa mwana uyu si yenya kutura munda mwa mama weve mba.

Hosea 7:11

Avandu va Isiraeli vaveeye kuli likuulu lisiru kandi vugira zing'anagani. Vanira avandu va Egebeti kigira vokonyi, kandi vanyagura kuzia ku avandu va Asiria!

Yohana 13:18

“Yaga simbolanga ku munyi vosi mba. Inzi ndaamanya yavo avandatovola. Navuzwa gaduukanaa gadukizwi kuli Amang'oda Matakatifu gavoora, ‘Oyo waalia harara nainzi ugirung'ani kuva musigu wange.’