Obadia 1:5 - KITABU KITAKATIFU

⁵ “Lwa vivi vaza ing'inga yu vudiku, vavugura vuzwa kindu choosi chavenyaa. Lwa vandu vavungizaa mazabibu, valeka mazabibu gandi makekeeke. Navuzwa vasigu vinyu vaamudivizi ligali.

Obadia 1:5 ပူးပေါင်းရင်းမြစ်များ

2 Samweli 1:19

“Ku vigulu via Isiraeli, Aviimiliri viitu vaakuzi! Avaluviriri kuvita vosi va avasikari viitu vagwiyi!

Isaya 14:12

“Mwami wa Babiloni, eng'ereng'ani yu mumavwevwe, Ivi umali kutulwa hasi kutura mwigulu! Ing'inga ya kale ivi waguuta zihiiri ziosi, navuzwa kalunu umali kusiuvwa hasi ku lirova.

Isaya 17:6

Avandu vakekeeke veng'ine valatigala mwoyo, na Isiraeli alava kuli musaala gwa muzeituni ugwa makuyu goosi gamali kwagurwa nigataveeye gavili anoho gavaga gatigaye ku lusia lwa higulu ligali, anoho makekeeke agatigaye ku zisia zia haasi. Inzi Yahova Nyasaye wa Isiraeli mali kovora.”

Isaya 24:13

Yiki nicho ichazachekoleke mu vuli ihiiri ku lirova liosi. Galakave kuli keheri chi ligesa, lwa mizeituni jilakave nijimali kusung'uswa kutura ku vuli musaala kandi mazabibu gukumaliriza gamali kwagurwa kutura ku vuli muzabibu.

Jeremia 49:9

Lwa avandu vagesa Mazabibu valeka malala ku makuyu, kandi lwa avanuuli vaza vudiku vavugura vuzwa ichaveenya.

Jeremia 50:23

Babiloni yaduyanyia lirova liosi muvidonye, kandi kalunu inyundu yene yeyo imali kuvunika! Zihiiri ziosi zimali kwegosa ku agaamali kwekoleka ku kivala.

Jeremia 6:9

Yahova Wuvunyali yamboolera, “Avandu va Isiraeli valalekwa vuzwa kuli mulimi gwi kizabibu, ugwa mazabibu gagwo gamali kwagurwa. Kunangwa gamuduukira musoole mundu siamulala lwa ing'inga ikikiriho.”

Lisyoma lya Jeremia 1:1

Henza kuli Lidaala linenelia Jerusalemi litigaye iliere, lidaala liali ni liizula avandu vanyingi! Lidaala liali liuluyali ligali hagati hi zihiiri, kalunu limali kugwa kuli mukunzakali. Lidaala liali kuli mukaana wu mwami hagati ha madaala, limali kugwa kuli mutugwa.

Obadia 1:9

Avasaza vizingulu vu vulwani va Temani valakatiihizwi, kandi vuli musikari mu Edomu alakitwi.

Mika 7:1

O, vayaayi, kivi keveeye ku inzi! Mbeeye kuli mundu oveeye ninzara uvula konyoora amakuyu gukwagula ku misaala kandi amazabibu ku mizabibu. Viganda via mazabibu malahi viosi kandi makuyu gumwayu aganyenyaa goosi gamali kwagurwa.

Zefania 2:15

Yaga nigo galiekoleka ku lidaala liu kwigingira kigira zinguru zialio, niliganagana ndi liveeye mu mirembe. Avandu vi lidaala yili vagagana ndi lidaala liavo liveeye linene ligali mu kivala. Lidaala yili lilakave havundu haveeye vuzwa, havundu hi zinyama ziu muvulimu zilakasosere! Vuli mundu woosi ulivitira ahimbi nalio alakegose nuvuti.

Kwidzulitsa 24:21

Lwa muva nimwakavungiza mazabibu ginyu mutiirana mu vizabibu kandi lwa kaviri mba. Amazabibu gatigaye gaveeye ga avageni, avavisandu kandi avakunzakali.

Likunula 18:10

Vasingiyi ihale kigira vatiiyi kusanga mu uvusaliri vwalio. Vavoola, “O, vayaayi, vayaayi! Kivi keveeye ku lidaala linene lia Babiloni, Babiloni, lidaala lie zinguru! Kigira mu ing'inga onyooye mageri!”