Obadia 1:21 - KITABU KITAKATIFU

²¹ Avasaza vaguuti kutura Jerusalemi valakazie kwingilira kivala cha Edomu nukuchamiiha. Yahova mwene alakave Mwami.”

Obadia 1:21 ပူးပေါင်းရင်းမြစ်များ

Litanga 25:23

Yahova yamuvolera, “Zihiiri ziviri ziveeye munda mumwo; Ivi ulakivuli zihiiri ziviri, avandu vu kuhing'ana. Ihiiri indala ilakave nizinguru kuvita ihiiri yindi. Mukulundu alakatumikiri mwana mukekeeke.”

2 Avami 13:5

Yahova yatumira Isiraeli mwimiliri uwavavoholola kutura ku Vasiria, nandio Visiraeli vamenya mu mirembe kuli maziambiri.

Nehemia 9:27

Kunangwa ivi waleka avasigu vaavo vavaguuti nukuvamiiha. Mu vudinyu vwavo, vanira ku ivi uvakonye, na ivi waavativulira kutura mwigulu. Mu zimbavasi zizio zinene, ivi wavatumila aviimiliri avavahonyia kutura ku vasigu vaavo.

Zaburi 102:15

Zihiiri valatia Yahova. Avami vosi vilirova valatia zinguru zizie.

Zaburi 22:28

Yahova aveeye mwami, kandi yamiha zihiiri.

Zaburi 22:29

Avigingiri vosi, valamwinamira mu limusigamira; avandu vakuza vosi valamwinamira.

Zaburi 47:7

Nyasaye aveeye mwami wi lirova liosi, mumwizominye ni zinyimbu!

Zaburi 67:4

Leka zihiiri ziosi zive nu vuyanzi kandi vimbi nuvusangali, kigira ivi ukalagiraa avandu nuvulungi; Kandi wimiliraa vuli ihiiri ku lirova.

Isaya 19:20

Yivi vilakave vimanyiru imbiri wa Yahova Wuvunyali mu kivala cha Egebeti. Lwa vandu wene yeyo vadambizwa nukwanira Yahova kigira ovokonyi alakatumi mukonyi kuvasoora.

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Danyeli 12:3

Avageri valakang'ereng'ane kuli vulavu vwu muvwerefu. Yavo avaliva nivigiza avandu vanyingi kokora agaveeye malungi, valakang'ereng'ane kuli zing'ereng'ani mihiga ni mihiga.”

Danyeli 2:35

Nonoho kivia, lidohi, mugasa, ifeza kandi izahabu viavunguluka nivigwa kuli luguki ku loze mu madiku gu muvasu. Imbuza yaginga luguki yilu lwosi, na yaleka loze lwere. Navuzwa ligina liamera niliviluka ni ligwa kiguru kenene chafuma lirova liosi.

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 7:14

Yahevwa zinguru, luyali kandi vukumi vwo luyali, kunangwa vandu vi vivala viosi, zihiiri ziosi, kandi zinimi ziosi vamutumikiri. Zinguru zizie zilava ho mihiga ni mihiga, kandi vwamihi vwivwe si vulahera mba.

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Joeli 2:32

Navuzwa vosi avaaniraa Yahova, valahonywe. Kuli Yahova yavoola ‘Avalala mu Jerusalemi valahononoke; yavo avandatovola valahone.’ ”

Mika 4:7

Vakolwa avalema kandi vaveeye ihale kutura mu zingo ziavo, navuzwa ndalomba limenya lihia harara niyavo avamala kohononoka, na valagwa ihiiri yizingulu. Inze Yahova ndavamiiha ku kiguru zia Ziyoni kutura ing'inga yeyo kuduuka mihiga ni mihiga.”

Zekaria 14:9

Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Matayo 6:10

Uvwami vuvwo vuuzi; uvulariri vuvwo vokolwi mu lirova kuli vokolwa mwigulu.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Luka 22:30

Munyi mulalia nukunwa komesa yange mu Vwami vwange. Mulikala ku zindeve ziu Vwami ukwamiiha zihiiri likomi na ziviri zia Isiraeli.

Yakobo 5:20

mwizurizi yaga ndi: mundu woosi ugirung'anyia mwoni kutura munzira yeeye mdamanu, alahonyia mwoyo gwu umwoni oyo kutura mu likuza, kandi alaleeta lisamiifa liu uvwoni vunyingi.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.

Vakalagi 2:16

Ma Yahova yahaana aviimiliri ku Avaisiraeli avavakingaa kutura ku yavo avadamanu.

Vakalagi 3:9

Avandu va Isiraeli vanira Yahova, naye yatuma umundu wamanya navavoholola. Umundu zana yaali Ozinieli, mwana wa Kenazi, amwavo muke wa Kalebu.