Obadia 1:20 - KITABU KITAKATIFU

²⁰ Muganda gwi liihi lia vandu vaadikizwa, kutura Isiraeli, valakilane nukuguuta, kandi kuvugura kivala cha Foenisia kuduuka Ivaale wa Zarefazi. Avandu vadikizwa kutura Jerusalemi, avaveeye Sefaradi, valakilane nukuvugula madaala gaveeye Isavaalu wi Ivuyuda.

Obadia 1:20 ပူးပေါင်းရင်းမြစ်များ

Jeremia 13:19

Amadara ga Negebu gamali kukumbirizwa; siaveeyeho kali mulala unyala kuvita azie mugo mba. Avandu vosi vi Ivuyuda vamali kuhirwa ihale mulihaminywa.”

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 32:44

Avandu valagula milimi yiji, na ligulana liajo lilang'odwa nu kuviikaku mukono, kandi nu kumiinaku muhuri, imbiri wa avaloli. Yaga galakoleka mu kivala cha Benjamini, mu Jerusalemi kandi mu madaala gi Ivuyuda, mu madaala gi kivala chi vigulu, mu madaala ga Shefela, mu madaala ga Negebu. Ndilanyia avandu kutura mukivala chi liadikizwa, na ndavilanyia mukivala chavo. Inzi Yahova mali kovora.”

Jeremia 33:13

Mu madaala gaveeye mu kivala chi vigulu, kandi mu madaala ga Shefela, kandi mu madaala ga Negebu, mukivala cha Benjamini, mu madaala ga Jerusalemi kandi madaala gi Ivuyuda, avayi valavaliza iviayo viavo vinyingi. Inzi Yahova mali kovora.”

Jeremia 33:26

Ligali kuli mali kokora yaga, kunangwa ndadinyiriza lilagana liange ni visukululwi via Yakobo harara na Daudi mutumikiri wange. Ndatovora mulala ku visukululwi via Daudi kwamiiha visukululwi via Aburahamu, Isaka na Yakobo. Ndavera avandu vange zimbavasi kandi ndavagasiza ni miandu kuli vaali maziambiri.”

Ezekieli 36:12

Ndamuleeta munyi, avandu vange Isiraeli, kwirana komenya mu kivala yiki kandi. Kilava chiinyu, kandi si ndaleka vana vinyu vakuzi kigira inzara mba.

Luka 4:26

Navuzwa Elija, si yatumwa ku mundu wundi woosi, nitali ku mukali mulala mukunzakali wi lidaala lia Zerefazi, mu kivala cha Sidoni.