Obadia 1:19 - KITABU KITAKATIFU

¹⁹ “Avandu kutura Isavaalu wi Ivuyuda valakavuguli Edomu; Avandu kutura imadioli wa Shefela valakavuguli kivala cha Filisitia. Avandu va Isiraeli valakavuguli kivala cha Efuraimu na Samaria. Avandu va Benjamini valakavuguli kivala cha Gileadi.

Obadia 1:19 ပူးပေါင်းရင်းမြစ်များ

2 Avami 17:24

Mwami wa Asiria yaleeta avandu kutura mu madaala manene ga Babiloni, Kuzi, Ava, Hamazi, Sefarivaimu, avamenye mu madaala manene ga Samaria, kuvugura vogono vwa vandu va Isiraeli avahilwa mu vuhambe. Vavugura Samaria kandi Ni vamenya mu madaala ga lio.

1 Kyetsinyinga 5:26

Kunangwa Nyasaye yakola mwami Puli wa Asiria, uwamanyikana kandi kuli Tigilazi - Pileseri, kwingilira kivala chavo. Yang'anyia avandu vi zihiiri zia Rubeni, Gadi ni Ivugwi wa Manase kuzia mu vuhaambe; kandi vidikira mu kivala cha Harara, Habori na Hara kandi ku mugera gwa Gozani.

Ezara 4:17

Mwami yatuma mativuli yaga: “Mirembe ku ivi Rehumu munene wi liihi, Shimushai, mung'odi wikivala, kandi ku avache veve avamenya mu Samaria kandi Imadioli wa Efurate woosi.

Ezara 4:2

Kunangwa vazia kolola Zerubabeli navimiliri vizihiiri ma nivavoora, “Leki kusange nimunyi mu liumbaka Litembeli. Kunyi kusigamira Nyasaye mulala mwere wa munyi musigamira, kandi kunyi kuhaana visiuviliru kuye kutura ing'inga ya Esarihadoni mwami wa Asiria yakutuma komenye hano.”

Zaburi 69:35

Nyasaye alahonyia avandu va Jerusalemi kandi alumbaka uvuhia amadara gi Ivuyuda; Avandu veve valavugula kivala zana, kandi valamenya mu mihiga ni mihiga.

Jeremia 32:44

Avandu valagula milimi yiji, na ligulana liajo lilang'odwa nu kuviikaku mukono, kandi nu kumiinaku muhuri, imbiri wa avaloli. Yaga galakoleka mu kivala cha Benjamini, mu Jerusalemi kandi mu madaala gi Ivuyuda, mu madaala gi kivala chi vigulu, mu madaala ga Shefela, mu madaala ga Negebu. Ndilanyia avandu kutura mukivala chi liadikizwa, na ndavilanyia mukivala chavo. Inzi Yahova mali kovora.”

Jeremia 49:1

Yaga nigo aga Yahova yavoola kigira avandu va Amoni: “Avasaza va Isiraeli vaveeye hayi? Avulaho mundu kali mulala unyala kukinga kivala chavo? Kigira ki valeka avandu vasigamira Moleki kuvugura kivala chihiiri ya Gadi nokomenya yo?

Ezekieli 25:16

Inzi nandizaa ndi, ndingilira vandu va Filisitia nukuvadiviza. Ndadiviza vuli mundu uwatigala kukisulu chinyanza.

Ezekieli 36:28

Maku mulakamenye mu kivala cha ndahaana ku vaguuga vinyu. Mulakave vandu vange na Inzi ndakave Nyasaye winyu.

Amosi 1:13

Yahova avoora, “Avandu va Amoni vamali kokora uvwoni haali kanyingi, na kigira yaga ndavaha amageri ligali. Vatanyia zinda avakali vaali ni vavereka mu Gileadi muvulwani nivenya okomeeda zinzako ziekivala chavo.

Amosi 1:8

Ndatuliza ho avamihi va amadara manene ga Ashidodi na Ashikeloni. Ndahaana amageri ku lidaala linene lia Ekironi, na Avafilisitia vosi avatigara valakuza.”

Amosi 9:12

Na ndio, avandu va Isiraeli valaguuta nu kuvugura avandu vaatigara nokohona mu kivala cha Edomu, harara na avandu vi zihiiri ziosi izia avalange avange.” Yahova ulikola ivindu yivi kwekoleka.

Mika 7:14

Waye avandu vovo ni imbimbu yooyo, Yahova, avandu va ivi umali kotovola kuva miandu jijo kali nivamenyi veng'ine mwigendanyama, haveeye kivala kenoru ichavakumbiriza. Leka vazie kwaya mu viayilu via Bashani na Gileadi, kuli vaakora zing'inga zia kale.

Livalidza 1:32

Kutura ku vana va Josefu vi ihiiri ya Efuraimu, avasaza vosi avaari ni mihiga 20 kuzizagilira, avaari vanyara kuzia mu vulwani vang'odwa mita gaavo kolondekana ni zihiiri ziavo kandi zinyumba ziavo.

Joshua 13:25

Kivala chavo chaali harara ni lidaala linene lia Jazeri kandi madaala goosi mu kivala cha Gileadi. Chaali harara kandi ni kivala cha Amoni, kuduuka ku lidaala lia Aroeri, iliveeye kolovega lwi ivugwi wi lidaala linene lia Raba.

Joshua 13:31

Ku inusu yi ihiiri ya Manase, iyaatula ku kisukururwi chaali harara ni inusu ya Gileadi, harara na Ashitarozi kandi Edirei, madaala manene gu vwamihi vwa Ogu mu Bashani. Kivala yiki choosi chahaanwa ku ihiiri yi kisukururwi cha Makiri muyaayi wa Manase.

Joshua 15:21

Amadara manene gaveeye isavaalu agaalange agaavo, yago agaali ahimbi nu lwako lwa Edomu, gaali Kabuzeeli, Ederi, Jaguru,

Joshua 15:33

Amadara gaveeye hi vigulu vitangira gaali Eshitaoli, Zora Ashina.