Obadia 1:18 - KITABU KITAKATIFU

¹⁸ Avandu va Yakobo valakave kuli muliru, avandu va Josefu valakave kuli olomemo. Valakadivizi avandu va Esau kuli muliru gusambaa luvuva. Avandu va Esau si valakahoneku kali mulala mba. Inzi Yahova mali kovora.

Obadia 1:18 ပူးပေါင်းရင်းမြစ်များ

2 Samweli 19:20

Inzi mutumikiri woovo, manya ligali ndi ndamala kwona, navuzwa lidiku lia lero, mali kuuza kuli wukutanga kutura munyumba ya Josefu mu zihiiri zia Ivaale ukusulunguta hano nu kwaganira mwami, mwami munene wange.”

Kutwula 5:12

Kunangwa avandu vazia havundu hoosi mu kivala cha Egebeti kwenya uvunyasi.

Isaya 10:17

Nyasaye, uvulavu vwa vandu va Isiraeli, alava kuli umuliru. Nyasaye Mutakatifu wa Isiraeli alagwa olomemo, ulusaamba vindu viosi kali amafwa kandi zindavati mu lidiku lilala.

Isaya 31:9

Mwami wavo aliruka mu vuti vonene, na vatumikiri valatiihizwa nokoleka ibendera yaavo yu vulwani.” Yahova wukusigamirwa mu Jerusalemi, kandi wu muliru gwadukaa yo kigira visiuviliru - Yahova umali kovora.

Isaya 47:14

Ligali vaveeye kuli vunyasi vwumu kandi muliru gulavasamba! Siaveeye ho kali mulala unyala kuhulira uluuya lwa yotaa muliru gwu vunyasi vwumu mba. Sigulava muliru gwa manda gwu kwota anoho muliru gwu kwikala ahimbi mba.

Isaya 5:24

Kunangwa kalunu, kuli uluvuva nuvulimu vwumu vwilingaa harara nukuhia mu muliru, nindio imiri jinyu jilagunda na vimuli via mauwa viluuma nukuhuuzwa ihale ligali kigira mwamala kusuura aga Yahova Wuvunyali, Nyasaye Mutakatifu wa Isiraeli, yakwigiza.

Isaya 9:18

Uvudamanu vwa vandu vusamba kuli muliru gudivizaa visaka via mafa kandi nu lutavati. Vusamba kuli muliru gwu mumulitu uguvuyizaa igulu mwoki muliduhu.

Isaya 9:19

Kigira Yahova Wuvunyali uvihiliriywi, lihaana mageri geege lisaamba kuli muliru mu kivala choosi kandi vudiviza avandu, na sihaveeye ho numundu overereraa amwavo weve mba.

Jeremia 11:23

Inzi mali kuviika ing'inga yo koleta ikivi ku avandu va Anazozi. Lwi ing'inga yene yeyo iduuka, mundu kali mulala sialakahone mba.”

Ezekieli 37:16

Yavoola, “Mwana wu Mundu, vugula lubaho ong'ode ku makuva yaga, ‘Vwamihi vwi Ivuyuda.’ Maku uvuguli lubaho lundi ong'ode ku makuva yaga, ‘Vwamihi vwa Isiraeli.’

Ezekieli 37:19

uvavoolere ndi inzi, Yahova Wuvunyali, nziza kuvugura ulubaho lumanyiaa Isiraeli kandi mbiki harara nulumanyiaa Ivuyuda. Viviri yivi ndavikola kugwa kibaho kilala kandi ndakigumila mu mukono gwange.

Joeli 2:5

Lwa zitumatuma ku zindongozi zie vigulu, zinyagura kuli muliviti gwa magare gu vulwani; zihumaa kuli vulimu vwumu vusambwa. Zilomba zimbaso kuli amahi manene gu vulwani getegeki kulwana.

Amosi 1:8

Ndatuliza ho avamihi va amadara manene ga Ashidodi na Ashikeloni. Ndahaana amageri ku lidaala linene lia Ekironi, na Avafilisitia vosi avatigara valakuza.”

Amosi 5:15

Mudunyili uvudamanu, na muyanze agaveeye malungi, na mulole ndi likalaga lirungi likoleywe mu viyaalo. Hawundi Yahova Nyasaye Wanyala Viosi alaveera avandu veve Isiraeli zimbavasi avatigara mwoyo.

Amosi 6:6

Munweraa iwaini ku zibakuli kandi mwivakaa amaguta malahi agafunyanga mwanyu mulahi ligali, navuzwa simusiomeraa lidivizwa lia avandu va Isiraeli mba.

Obadia 1:16

Avandu vange vamali konyoora mageri amalulu ligali ku kiguru change kitakatifu. Zihiiri ziosi ziveeye ahimbi zilanyoola mageri, zilazizagilira konyoora mageri malulu ligali. Ziosi zilanyoola mageri goosi nukudiva ligali.

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Nahum 1:10

Valagoyanira hagati ha mafwa kuli avandu vaveeye vahambiku; valasambwa nu muliru kuli amavivi amuumu.

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Malaki 4:1

Yahova Wuvunyali avoora, “Lidiku lizaa lia vandu veloli kandi vadamanu valisambwa kuli vulimu vwumu. Ku lidiku yilio, valakadodoke kandi kindu si kilakatigale kuvo mba.

1 Vakorintho 3:12

Avalala valumbaka ku musingi yigu ni izahabu, anoho ifeza, anoho amagina guvuguli; avandi valatumikira misaala, anoho vunyasi, anoho uluvuva.